20
Abraham le Abimelek
1 Abraham cu Mamre khan Negeb ram leiah aa thawn i Kadesh le Shur karlak ah khan a um. Gerar i a um lioah khan
2 a nupi Sarah cu ka far a si tiah a ti. Cucaah Gerar siangpahrang Abimelek nih khan a sinah Sarah cu ratpi u, tiah a ti hna. Ref 20.1: Gen 12.13, 26.7
3 Cu zan ah cun a mang ah Pathian cu a sinah a lang i, “Sarah hi va ngeimi a si caah nan thi lai,” tiah a ti.
4 Sihmanhsehlaw Abimelek nih khan a naih hmanh a naih lo i cucaah, “Bawipa, a sual lomi cu na ka thah ko lai maw?
5 Abraham nih pei aa thawh i, ‘Ka far a si,’ a ti cu, cu hleiah, amah hrim zong nih pei, ‘Ka òa a si,’ a ti cu. Mah hihi lung thiang tein ka tuah i zeihmanh ka palhnak a um lo,” a ti.
6 Pathian nih cun a mang ah khan a vun leh i, “A si, lung thiang tein na tuah ti kha ka hngalh; cucaah cun pei ka cungah na sual sual lai tiah a tongh hmanh kan tonghter lo cu.
7 Asinain atu cu minu kha a va sinah kirter òhan. A va cu profet a si i thla an campiak lai i na thi lai lo. Sihmanhsehlaw na kirter òhan lo ahcun, nangmah le na innchungkhar kha nan thi dih lai, tiah ralrinnak kan pek,” a ti.
8 A thaizing zingkate ah Abimelek nih a sinum vialte kha a kawh hna i hi thil vialte kha a chimh hna i an thin a phang ngaingai.
9 Cun Abimelek nih Abraham kha a auh i, “Kan cung i na tuahmi hi zeidah a si? Zei palhnak dah na cungah ka tuah i hi òhat lonak nganpi hi kan cungah tlunter na zalh? Ka cung i na tuahmi hi ahohmanh nih an tuah awk a si hrimhrim lo.
10 Zeicahdah mah hihi na tuah?” tiah a hal.
11 Abraham nih cun a leh ve i, “Hika ah hin Pathian a òihmi pakhat hmanh an um lai lo i ka nupi duh ah hin keimah tu kha an ka thah lai tiah ka rak ruah caah a si.
12 Amah cu ka far cu a si taktak, ka pa fanu cu a si nain ka nu fanu cu a si lo, cucaah ka òhit.
13 Cucaah Pathian nih ka pa inn in ram dang i a ka kalter tikah, amah cu ka thawh i, ‘Ka cung i zumhawktlak tein na tuah dingmi rian pakhat na ngei, cucu khuazeika kan kalnak hmanh ah, ka òa a si, na ka ti lai,’ ka ti,” tiah a ti.
14 Cun Abimelek nih khan Abraham cu Sarah kha a pek òhan i tuu le sal zong kha a pek chih hna.
15 Abraham cu a thawh i, “Ka ram chung khuazeika hmanh ah hin na duhnak paoh ah na um kho,” a ti.
16 Cun Sarah kha a thawh i, “Na òa cu ngun tangka phar 1-000 ka pek lai i cucu na sin i a ummi vialte hna sinah, na thiang ti langhternak caah a si lai; sualnak zeihmanh na tuah lo kha an dihlak in an hngalh lai,” a ti.
17-18 Abraham nupi Sarah cung i a tlungmi thil ruangah khan Bawipa nih Abimelek inn chung i a ummi nu vialte kha fa ngei kho loin a tuah dih hna. Cucaah Abraham nih Abimelek kha thla a campiak i Pathian nih a damter. A nupi le a salnu hna zong kha a damter hna i fa an ngei kho òhan.