11
Babel Innsang
1 Hlanah cun vawleicung mi vialte hna nih hin holh phun khat lawng an rak ngei i bia an rak hmanmi cu an i khat dih.
2 Nichuahlei i an hei i thawn tikah Shinar ram ah khan nelrawn pakhat an va phan i cuka ah cun umhmun an khuar.
3 Cun pakhat le pakhat cu, “Ra u! Tlakrawh ser u si law mei in raw hna u sih,” an i ti. Cuticun inn saknak ah tlakrawh cu an hman
hna i a senghnak ah bitumeni bitumen cu lam i an phahmi si nak kattaza khi a si.
an hman hna.
4 Cun annih nih an i thawh i, “Atu cu khuapi pakhat kan ser lai i a chungah innsang pakhat, a par van tawng in kan sak lai. Kan
thang kan i chuah lai i vawlei cungah hin kan i òhek lai lo,”
an ti.
5 Cun hi mi hna nih khuapi an sermi le innsang an sakmi zoh awkah khan Bawipa cu a rung òum i
6 “Atu cu hi mi vialte hna hi miphun phun khat an si, holh pakhat lawng an hmang i atu i an tuahmi hi hmailei ah an tuah laimi
thil a hramthawknak lawng a si. A rauh hlanah an duhmi thil
paoh kha an tuah khawh ko lai.
7 Cucaah cun pakhat le pakhat an holh an i hngalh khawh nakhnga lo, vung kal u si law an holh kha vung danter dih hna u sih,” a
ti.
8 Cuticun Bawipa nih vawlei cung khuazakip ah a òhek dih hna i khuapi ser cu an ngol.
9 Cu khuapi cu a min ah Babel an ti, zeicahtiah cuka ah cun Bawipa nih mi vialte kha an holh a danter hna i cuka
cun vawlei cung khuazakip ah khan a òhek hna.
Shem Tefa Hna
(1Cha 1.24-27)
10 Hihi Shem tefa cu an si. Buanchukcho hnu kum hnih ah Shem cu kum 100 a tling i fapa pakhat a hrin i a min ah Arpakshad a si.
11 Cu hnuah cun kum 500 a nung i fa dang zong kha a ngeih hna.
12 Arpakshad cu kum 35 a si ah fapa pakhat Shelah a ngei;
13 cu hnuah cun kum 403 a nung i fa dang zong a ngeih hna.
14 Shelah cu kum 30 a si ah fapa pakhat Eber a ngei;
15 cu hnuah cun kum 403 a nung i fa dang zong a ngeih hna.
16 Eber cu kum 34 a si ah fapa pakhat Peleg a ngei;
17 cu hnuah cun kum 430 a nung i fa dang zong a ngeih hna.
18 Peleg cu kum 30 a si ah fapa pakhat Reu a ngei;
19 cu hnuah cun kum 209 a nung i fa dang a ngeih hna.
20 Reu nih kum 32 a si ah fapa pakhat Serug a ngei;
21 cu hnuah cun kum 207 a nung i fa dang zong a ngeih hna.
22 Serug nih kum 30 a si ah fapa pakhat Nahor a ngei;
23 cu hnuah cun kum 200 a nung i fa dang zong a ngeih hna.
24 Nahor nih kum 29 a si ah fapa pakhat Terah a ngei;
25 cu hnuah kum 119 a nung i fa dang zong a ngeih hna.
Terah Tefa Hna
26 Terah nih kum 70 a si tikah Abram le Nahor le Haran kha a hrin hna.
27 Terah tefa cu hi hna hi an si: Terah cu Abram le Nahor le Haran pa a si. Haran cu Lot pa a si i
28 Haran cu amah a chuahkehnak Khaldi ram Ur khua ah khan a pa a nun lioah a thi.
29 Abram nih cun Sarai a òhit i Nahor nih Haran fanu Milkah kha a òhit, Haran cu Iskah pa kha a si.
30 Sarai cu a cing i fa a ngei kho lo.
31 Terah nih a fapa Abram le a tu Lot, Haran fapa kha le, Abram nupi Sarai kha, Kanaan ram lei i kal awkah Khaldi ram Ur khua khan a
thawhpi hna. Sihmanhsehlaw Haran khua tiang an kal i cuka ah cun
umhmun an khuar.
32 Cuka ah cun Terah cu a thi i a thih ah cun kum 205 a si.