10
Noah Fapa Hna Tefa Hna
(1Cha 1.5-23)
1 Noah fapa Shem, Ham le Jafeth i an tefa hna cu hihi an si, buanchukcho hnu i an hrinmi an si:
2 Jafeth fapa hna cu Gomer, Magog, Madai, Javan, Tubal Meshek le Tiras an si.
3 Gomer fapa hna cu Ashkenaz, Rifath le Togarmah an si.
4 Javan fapa hna cu Elishah, Tarshish, Kit mi le Rodan mi an si.
5 Annih hi rili kam le tikulh i khua a sami hna hringsortu an si. Hi hna hi Jafeth tefa cu an si; an phun cio in an ram cio ah khan
khua an sa i anmah le an holh cio kha an hmang.
6 Ham fapale cu Kush, Izipt, Put le Kanaan an si.
7 Kush fapa cu Seba, Havilah, Sabtah, Raamah le Sabteka an si. Raamah fapa cu Sheba le Dedan an si.
8 Kush nih cun fapa pakhat a ngeih i a min ah Nimrod a si; amah cu vawlei cung uktu a liannganmi hna lakah a hmasa bik a si.
9 Amah cu vawlei cungah sakap bik zong a si i cucaah mi nih phungthluk bia ah, “Nimrod bantuk sakah thiam,” ti a si tawn.
10 Pennak a uk hmasa bikmi hna cu Babel, Erek le Akkad an si i an dihlak in Shinar ram chung ummi an si.
11 Cu ram cun Assiria ram ah a kal i Nineveh khua le Rehoboth-Ir khua le Kalah khua le
12 Resen khua kha a tlak hna, Resen cu Nineveh le Kalah khuapi karlak i a ummi a si.
13 Izipt cu Lud le Anam le Lehab le Naftuh le
14 Pathrus le Kasluh le Kaftor mi hna pa kha a si i cu hna chung cun Filistin mi kha an chuak.
15 Kanaan cu Sidon (a fapa upa bik) le Heth le
16 Jebus mi hna le Amor mi hna le Girgash mi hna le
17 Hiv mi hna le Arki mi hna le Sinmi hna le
18 Arvad mi hna le Zemari mi hna le Hamath mi hna pa kha a si. Hi hnuah hin, Kanaan miphun chung i phun dangdang hna kha an i
òhek i
19 Kanaan ram ramri cu Sidon in Gerar leiah Gaza tiang a phan, Cun Sodom le Gomorrah le Admah le Zeboiim leiah Lasha tiang a phan
fawn.
20 Hi hna hi Ham tefa cu an si, an phun cio in an ram cio ah khan khua an sa i anmahle an holh cio kha an hmang.
21 Jafeth u Shem zong nih khan fa a hrin hna, amah cu Eber tefa a hringsortu hna kha a si.
22 Shem fapale cu Elam, Asshur, Arpakshad, Lud le Aram an si.
23 Aram fapa hna cu Uz, Hul, Gether le Mash an si.
24 Arpakshad cu Shelah pa a si i Shelah cu Eber pa a si.
25 Eber nih fapa pahnih a ngeih hna i pakhat cu a min ah Peleg a si, cun a nau cu a min ah Joktan a si; Peleg an saknak a sullam cu
amah chan ah khan vawlei mi kha an i òhen dih caah a si.
26 Joktan cu Almodad, Shelef, Hazarmaveth, Jerah,
27 Hadoram, Uzal, Diklah,
28 Obal, Abimael, Sheba,
29 Afir, Havilah le Jobab pa a si. Hi hna hi an dihlak in Joktan fa an si.
30 An umnak ram cu Mesha in Sefar leiah, nichuahlei tlang pipi hna tiang kha a si.
31 Hi hna hi Shem tefa cu an si, an phun cio in an ram cio ah khan khua an sa i anmahle an holh cio kha an hmang.
32 Hi hna hi Noah tefa hna nih an hrinmi hna miphun cu an si, anmahle an i hrinsor ning cio le an phun kalning cio in. Vawlei
cung miphun vialte hna hi buanchukcho hnuah Noah fapa hna nih an
hrinsormi hna an si.