GENESIS
Genesis
1. Dal 1 in 11 tiang. Hi chungah hin vawlei sernak kong le minung phun kong kan hmuh. Hi chungah hin Adam le Evi kong tehna, Kain le Abel kong tehna, Noah le buanchukcho kong tehna le Babel (Babilon) Innsang kong tehna kha an um.
2. Dal 12 in 50 tiang. Hi chungah hin Israel mi a hringsortu hna tuanbia kha kan hmuh. A hmasa bik cu Abraham a si i amah cu Pathian a zumhnak le aa bochannak ah minthang a si. Cun amah a hun zultu ah cun a fapa Isak le Isak fapa Jakob, Israel ti zongah timipa kong kha a si. Cun Jakob fapa hleihnih, Israel miphun hleihnih a hringsortu hna kha an si. Cu dih cun cu hna lak i Josef kong kha tam khun in a hung um i amah chan ah cun Israel le a tefa vialte kha Izipt ram ah khan an pem.
Hi cauk nih a chimmi cu minung kong a si nain aa tinh bikmi cu Pathian nih rian a òuannak kong a si. Pathian nih zeizong vialte a ser dih hnanak kong khan aa thawk i Pathian nih a mi hna cu an zawn a ruah zungzal hna lai ti biakamnak in a dong. Hi cauk ah hin a hramthawk in a donghnak tiang a biapi bikmi cu Pathian a si, Pathian nih òhat lonak a tuahmi hna an bia a ceih hna i dan a tatnak hna kong le a mi a hruainak hna kong le a bawmhnak hna le an tuanbia a sersiamning kha kan hmuh. Hi cauk hi hlan lio pi i a rak ummi miphun pakhat an zumhnak kong le cu zumhnak cu zeitindah a nun tinak kong cinken zungzalnak ding caah a si.
1
Sernak Kong
A hramthawk ah, Pathian nih van le vawlei a ser hna tikah,a Pathian nih van le vawlei ser hram aa thawk tikah, tiah leh khawh a si. vawlei cu mui zong a ngei lo, pungsan zong a ngei lo. Rilipi cu muihnak nih a khuh i ti cungah cun Pathian òhawnnakb Pathian òhawnnak thlipi asiloah Pathian Thlarau, tiah leh khawh a si. cu aa chawk. Cun Pathian nih, “Ceunak um seh,” tiah a ti i ceunak cu a hung um. Ref 1.3: 2Kor 4.6 Ceunak cu a zoh i aa lawm. Cun ceunak le muihnak cu a òhen hna i ceunak cu “Chun” tiah min a sak i muihnak cu “Zan” tiah a ti. Zanlei cu a hung dih i zinglei kha a hung um § cucu ni khatnak ni a si.
Cun Pathian nih cun, “Ti le ti a òhentu hna ding caah aa kuaimi van pakhat in um seh law, ti cu hmun hnih ah um hna seh,” tiah a ti i cu tining cun a hung si. Ref 1.6-8: 2Pet 3.5 Cuticun Pathian nih cun van kuai cu a ser i a tang i a ummi ti le a cung i a ummi ti cu a òhen hna; van kuai cu a min ah “Van” a sak. Zanlei cu a hung dih i zinglei kha a hung um § cucu ni hnihnak ni a si.
Cun Pathian nih cun, “Van tang i a ummi ti cu hmun khat ah i pum hna seh law vawlei kha hung lang seh,” tiah nawl a pek i cu bang cun a hung si. 10 Cucu a min ah “Vawlei” a sak i a pumhtermi ti cu “Rili” tiah a ti. A tuahmi kha a zoh i a lung a si. 11 Cun aa thawh i, “Vawlei cungah hin thingram a phunphun kho hna seh, a tlaimi kung hna le rawl a phunphun thei a phunphun a vuimi rawlkung hna,” tiah a ti i cu bang cun a hung si. 12 Cucaah cun vawlei cungah cun thingram a phunphun an kho, rawl a vuimi rawlkung hna le thei a tlaimi thingkung hna an si. Pathian nih a tuahmi cu a zoh i a lung a si. 13 Zanlei cu a hung dih i zinglei kha a hung um § cucu ni thumnak ni a si.
14 Cun Pathian nih cun, “Chun le zan a òhentu ding le ni le kum le caan kha zeitik in dah an i thawk cio ti hngalhtertu dingah van ah khin ceunak um hna seh; 15 cun cu ceunak hna nih cun vawlei hi ceuh hna seh,” tiah a ti i cu bang cun a hung si. 16 Cucaah Pathian nih cun ceunak ngan pipi pahnih hi a ser hna, ni hi chun uktu dingah a ser i thlapa hi zan uktu dingah a ser; arfi zong khi a ser hna; 17 ceunak hna cu van ah khin vawlei a run ceuhtu dingah a chiah hna, 18 chun le zan a uktu hna ding le ceunak le muihnak a òhentu hna dingah a chiah hna. A tuahmi kha a zoh i a lung a si. 19 Zanlei cu a hung dih i zinglei kha a hung um § cucu ni linak ni a si.
20 Cun Pathian nih cun aa thawh i, “Ti nih hin thilnung phun tampi a hrin hna lai i va hi thli lakah hin an zuang lai,” a ti i cu bang cun a hung si. 21 Cuticun Pathian nih cun rili chung i a ummi sahrang òihnung pipi le ti lak i a tlongmi thilnung a phunphun le va a phunphun kha a ser hna. A tuahmi kha a zoh i a lung a si. 22 Cun thluachuah a pek hna i, “Ti chung i a ummi thilnung hi karh u law rili hi khat u, va hi tampi in karh u,” tiah a ti hna. 23 Zanlei cu a dih i zinglei kha a hung um § cucu ni nganak ni a si.
24 Cun Pathian nih cun, “Vawlei nih hin innzuat saòil a phunphun le ramlak saram a phunphun, a hme he a ngan he, hring hna seh,” a ti i cu bang cun a hung si. 25 Cuticun innzuat saòil a phunphun le ramlak saram a phunphun a hme he a ngan he a ser hna. A tuahmi kha a zoh i a lung a si.
26 Cun Pathian nih cun, “Atu cu minung kan ser cang hna lai; kanmah mui an keng lai i kanmah he kan i lo lai. Nga si hna seh, va si hna seh, innzuat saòil si hna seh, ramlak i a ummi saram a hme he a ngan he si hna seh, an uk dih hna lai,” tiah a ti. Ref 1.26: 1Kor 11.7 27 Cuticun Pathian nih minung cu amah mui lo in a ser, minung cu Pathian mui in a ser hna. Mipa le minu kha a ser hna. Ref 1.27: Mat 19.4; Mar 10.6 28 Thluachuahnak a pek hna i, “Tefa tampi in ngei u law nan tefa cu vawlei cung khuazakip ah khat hna seh, cun annih nih vawlei cu uk hna seh. Nannih cu nga cung le va cung le ramlak saram a hme he a ngan he an dihlak cung i nawlngeihnak kan pek hna,” a ti. Ref 1.27-28: Gen 5.1-2 29 Nan ei awk caah thlai phun kip le thei phun kip kan pek hna; 30 Sihmanhsehlaw ramsa vialte hna le va vialte hna le vawlei ah a lawn in a lawnmi vialte nunnak thaw a ngeimi vialte hna caah ramhring le thlaihnah borbor ka pek hna,” a ti i cu bang cun a hung si. 31 Pathian nih a sermi thil vialte cu a zoh i a lung a si ngaingai. Zanlei cu a hung dih i zinglei kha a hung um § cucu ni ruknak ni a si.