6
1 U le nau hna, mi zeimaw nih palhnak a tuah ahcun nannih Thlaraumi hna nih cun nem tein nan tunmer òhan awk hna a si; nanmah zong tukforh nan si sual nakhnga lo i fimkan ko u.
2 Pakhat le pakhat nan thilrit i chawng u law Khrih phung kha tlinter ko u.
3 Zeitintiah amah le amah kha pipa ah aa ruah i zeihmanh a si òung lo ahcun amah le amah aa hlen a si.
4 Ahopaoh nih a rianòuannak i zoh seh law i porhlawt awk a tlak ahcun amah chung lawngah siseh, innpa he khahchun hlah seh.
5 Zeitintiah mi kip nih mah le an thil cio an phorh awk a si.
6 Thawngòha cawnpiak a simi nih cun thil òha a ngeihmi vialte cu a cawnpiaktu pa kha hrawm ve seh.
7 Nangmah lila i hleng hlah; Pathian cu cawhdeh awk a si lo, zeitintiah amah nih a tuhmi paoh kha a zun lai.
8 Amah thisa ah a tuhmi nih cun a thisa in rawhralnak kha a zun lai; sihmanhsehlaw Thlarau ah a tuhmi nih cun Thlarau in nuncanghmunhnak kha a zun lai.
9 Òhatnak tuah nih kan simh hlah seh, kan hnabei a dongh lo ahcun a caan a cut tikah kan zun te ko lai.
10 Cu a si caah caan rem kan hmuh tik paoh ah mi vialte sinah òhatnak tuah ko u sih, zumhnak ah chungkhar khat a simi hna sinah tuah khun u sih.
11 Zohmanh u, zeitluk cafang ngan pipi in dah keimah kut hrimhrim in ka òial.
12 Cuarpartan an hneetu hna kha pumsa leiin hmai langh duhmi an si. Khrih vailamtahnak ruangah hrem an in lo nakhnga caah an tuahmi a si.
13 Cuarpar aa tanmi anmah hmanh nih khan phung cu an zul lo, cuarpartanter an in duh hna cu nan pumsa ah thangòhat an duh caah a si.
14 Kei cu kan Bawipa Jesuh Khrih vailam dah ti lo cu chawr awk zeihmanh ka ngei lo, cu vailam ah cun vawlei hi ka caah tahchih a si i keimah zong vawlei caah cun tahchih ka si ve.
15 Zeitintiah cuarpartan zong tan lo zong zeihmanh a si lo, sihmanhsehlaw a biapimi cu a thar in sermi si hi a si.
16 Hi phung a zulmi vialte le Pathian Israel mi hna cungah daihnak le zaangfahnak um ko seh.
17 Atu thawk in ahohmanh nih hna ka hnawh ti hna hlah seh, zeitintiah ka pumsa ah Jesuh sal sinak hmape ka ngei.
18 U le nau hna, kan Bawipa Jesuh Khrih vel cu nan cungah um ko seh. Amen.