3
1 Maw Galati mihrut hna! Ahodah an mawnh hna? Nan mit hmuh hngan te ah Jesuh cu vailam ah tah a si tiah langhter a si ko òung.
2 Hi lawng hi kan hal hna lai: Thlarau nan hmuhmi kha phung zulhnak in maw nan hmuh, asiloah, thawngòhabia nan theih i nan zumhnak thawngin dah nan hmuh? Cu tluk cun maw nan hruh ko.
3 Thlarau in nan i thawk ko nain thisa ah maw nan dongh òhan lai?
4 Nan hmuhtonmi vialte kha pakpalawng ah maw a can kun lai? Can awk a si hngin lo.
5 Thlarau an pek hna le nan lakah thil khuaruahhar a ser kha phung nan zulh ruangah maw a si thawngòha nan theih i nan zumh ruangah dah?
6 Abraham nih, “Pathian a zumh i cucu dinnak ah relpiak a si,” ti a rak si.
7 Cu a si caah a zummi kha Abraham fale an si ti cu nan hngalh.
8 Cathiang zong nih Jentail mi cu zumhnak in thiamcoh an si lai ti kha a rak hmuh chung caah Abraham sinah, “Nangmah in miphun vialte cu thluachuah an si lai,” tiah thawngòha a rak chim chung.
9 Cu a si caah a zummi hna paoh kha an zumh caah zumhnak a ngeimi Abraham he thluachuah pek an si.
10 Phung zulhnak aa cherhchanmi vialte cu chiatserhnak tangah an um, zeitintiah hitihin òial a rak si, “Phung cauk ah aa òialmi vialte a zul lomi le a tuah òung lomi cu chiatserh an si.”
11 Cucaah phung nih ahohmanh Pathian hmaiah thiam a coh hna lo ti cu a fiang ko, zeitintiah “Zumhnak thawngin a dingmi cu a nung lai.”
12 Sihmanhsehlaw phung cu zumnak ah aa cherhchan lo, “Zeitintiah phung ning in a tuahmi cu, cuticun a nung lai,” ti a rak si.
13 Khrih cu kan caah chiatserh a si i phung chiatserhnak in a kan tlanh, zeicahtiah Cathiang ah hitihin òial a rak si: “Thing ah thlaimi paoh cu chiat si ko seh,”
14 Cucu Jesuh Khrih thawngin Abraham thluachuahnak cu Jentail mi hna cungah a phanh nakhnga caah a si i cuticun kannih zong nih zumhnak in kamhmi Thlarau cu kan hmuh khawh nakhnga caah a si.
15 U le nau hna, minung tuah tawnmi tahchunhnak la u sih law, minung rovuimi hmanh voi khat fehter hnuah cun an hrawk in an chap bal lo.
16 A biakam cu Abraham le a chungchuak hna sinah a rak tuah, “Na chungchuak hna,” tiah tampi ca in a rak ti lo, pakhat lawng ca in a chim i, “Na chungchuak fa,” a ti, cucu Khrih a si.
17 Ka chim duhmi cu hihi a si: Kum zali le kum sawm thum hnuah sermi phung nih khan Pathian nih a fehtermi biahren cu a biakam phelh awkah a thleng hlei lo.
18 Zeitintiah phung zulhnak in roco khawh a si ahcun biakam ruangah a si hnga lo, sihmanhsehlaw Pathian nih Abraham sinah biakam in roconak cu a rak pekmi a si.
19 Zeiruang ah dah phung cu pek a si kun? Biakamhmi hna sinah Abraham hrinsor a rat tiang caah buarsonak langhternak caah chapmi a si; cucu lamkaltu hmang in vanmi nih pek a rak si.
20 Lamkaltu cu mi pakhat nak tam deuh caah a si tawn, asinain, Pathian cu pakhat lawng a si.
21 A si ah phung cu Pathian biakam he aa ralchanmi a si maw? Si naisai hlah; zeitintiah phung cu nunter khotu ah pek a si ahcun dinnak cu phung in a si taktak ko hnga;
22 Sihmanhsehlaw Cathiang nih cun zeizong vialte hi sualnak tangah a chiah, Jesuh Khrih zumhnak thawngin kamhmi cu a zummi paoh sinah pek a si.
23 Zumhnak a rat hlan paoh cu phung tangah chiah kan si i zumhnak kha phuan a si hlan paoh cu phung in hren kan si.
24 Cucaah Khrih rat hlan paoh cu phung nih a kan tawlrel i cucu zumhnak thawngin thiamcoh kan si nakhnga caah a si.
25 Sihmanhsehlaw atu cu zumhnak a phanh cang caah phung tawlrelnak tangah kan um ti lo.
26 Zeitintiah zumhnak thawngin Khrih ah cun Pathian fale nan si dih cang.
27 Khrih ah baptisma a ingmi hna paoh cu Khrih in nan i thuam cang.
28 Judah e, Grik e, sal e, miluat e, nu e, pa e, ti a um ti lo. Khrih Jesuh ah cun pakhat nan si dih cang.
29 Khrih ta nan si ahcun Abraham hrinsor, biakamning in rocotu nan si cang.