39
Tlangbawi Ca Thuam
(Exo 28.1-14)
Tuuhmul a dum, a sendung le a senmi khan tlangbawi nih biakinn chung rian òuannak ca i a hman ding puan kha an ser hna. Bawipa nih Moses a chimhning khan Aaron ca puan thiang cu an ser hna.
Angki thiang cu sui le tuuhmul a dum, a sendung le a sen a simi le khumla hrual hmangòhia khan a ser. Sui tlap kha pan tein an den i an riam hnuah tuuhmul a dum, sendung le a senmi le khumla hrual hmangòhia in tahmi puan ah khan an tah chih hna i thawi in dawh tein an òamh. Angki cu hnam a kap veve ah an sih i liang ah bah khawh a si. Dawh tein tahmi taisawm cu angki he cun peh chih a si i cu taisawm cu angki ser bantuk khan ser a si ve, Bawipa nih Moses a fial bantuk te khan ser a si ve, Bawipa nih Moses a fial bantuk khan sui le tuuhmul a dum, sendung le a senmi le khumlahrual hmangòhia khan ser a si.
Karnelian lungvar kha an remh hna i sui tlangkawm chungah khan an benh hna, min khenhnak bantukin an òial hna i an cungah cun Israel fapa hna an min kha an òial. Tlangbawi angki liang bahnak hnam ah cun an benh hna. Cu lungvar cu Israel fapa hna caah khan lung pemtertu lungvar an si i Bawipa nih Moses a chimh bantuk te khan tuah a si.
Òangbenh cu, angki bantuk khan, dawh tein a ser. Sui le tuuhmul a dum, sendung le a senmi le khumlahrual hmangòhia in an ser. Tungvangpalh bil khawh dingin an ser; bil tikah a tung lehhmah pakua a si i a vang lehhmah pakua a si. 10 A cungah khan lungvar tlar li in an benh hna: a tlar hmasa bik ah cun rubi le topaz le karnet an si; 11 a tlar hnihnak ah cun emeral, safaiar le daimon an si; 12 a tlar thumnak ah jasin le agate le amethist an si, 13 a tlar linak ah beril le oniks le jasper an si. Sui tlangkawm chungah òhutter an si. 14 Lungvar cu hleihnih an si i an cungah Israel fapa hna min kha an i òial. Min khenhnak bantukin ser an si. Israel phun hleihnih hna chung min pakhat cio kha an cungah cun aa òial cio. 15 Hri bantukin hrualmi sui thiang in sermi cikcin kha òangbenh caah cun an ser. 16 Sui tlangkawm pahnih le sui kual pahnih kha an ser hna i cu sui kual pahnih hna cu òangbenh a cunglei tlang kil pahnih ah khan an thlaih hna. 17 Sui hri pahnih cu sui kual ah khan an òem hna i 18 sui hri khattelei an donghnak cu sui tlangkawm ah khan an hren veve hna i cuticun tlangbawi angki liang bahnak hnam pahnih hna hmailei ah khan an òem chih hna. 19 Sui kual pahnih an ser hna i òangbenh a tanglei tlang ki, angki a hun changtu a chunglei kamah khan an thlaih hna. 20 Sui kual pahnih an ser òhan i angki liang bahnak hnam pahnih hna an hmailei tanglei ah khan an thlaih hna; cucu a tlang pawng te ah khan a si i angki ca taisawm òha tein tahmi cung te ah khan a si. 21 Òangbenh sui kual cu angki sui kual ah khan la dum in an òem chih hna i cuticun òangbenh cu taisawm cungah khan a um i a poih lo; cu ti an tuahmi cu Bawipa nih Moses a chimh bantuk te khan a si.
22 Angki a khuhtu puan cu tuuhmul a dummi lawnglawng in an tahmi a si. 23 Puan laifang i a ummi awng cu saphaw angki chung i a ummi awng bantuk kha a si. A awng cu tlek zau hlah seh tiah a tlang an kawm. 24 Puan a tanglei tlang ah cun tuuhmul a dum le sendung le a sen le khumla hrual hmangòhia in taleti kha an ser hna. 25 Sui thiang khi-ing kha an ser hna i puan a tanglei tlang a velchum ah cun taleti le taleti karlak ah khan an chiah diahmah hna. 26  Bawipa nih Moses a fial bantuk te khan, tlangbawi rian caah hmanmi puan cu a tanglei tlang duahmah ah khan khi-ing tete le taleti kha an thlaih diahmah hna.
27 Aaron le a fapa hna caah khan angki cu khumla hmangòhia in an ser hna, 28 lupawng cu khumla hmangòhia in, lukhuh cu khumla hmangòhia in, tawhrolh tawi cu khumla hrual hmangòhia in, 29 taisawm cu khumla hrual hmangòhia le tuuhmul a dum, sendung le a senmi in an ser hna i dawh tein an òamh hna; Bawipa nih Moses a chimh bantuk te khan an ser hna. 30 Cun Pathian sin pekmi ti hngalhnak hmelchunhnak cu sui thiang in an ser i min khenhnak cung òial bang khin “ Bawipa sin pekmi,” tiah an òial. 31  Bawipa nih Moses a chimh bantuk te khan hri dum in lupawng par ah khan an òem chih.
Rian An Lim
(Exo 35.10-19)
32 Cuticun pumhnak thlam rian vialte cu lim an si. Bawipa nih Moses a chimh bantuk te khan Israel mi nih cun an tuah. 33 Cun Moses sinah khan Pathian umnak puan biakinn, a cungkhuh thlam, a thilri vialte, a sio, a vampang, a thingthluan, a tung, a kedanh, 34 tuukawng phaw sii sen in buhmi in sermi a khuh, saphaw òha phun in sermi a khuh, phentu puanzar, 35 biakamnak hngalhter òhantu lungtlap chiahnak kuang, a zawnhnak lang le a chin, 36 cabuai le a thuamthil vialte, Pathian hmai hunmi changreu, 37 sui thiang in sermi meiinn tung, a meiinn hna, a tlar in chiahmi meiinn hna, an thilthuam vialte, meiinn ca chiti, 38 sui biakòheng, thuhnak chiti, rimhmui zihmui, thlam luhnak kutka ca puanzar, 39 dar biakòheng le a dar fingrilh, a tung le a thilthuam vialte, kut òawlnak hmaihum le a hunnak, 40 tual ca puanzar, tung, an kedanh, tual luhnak kutka ca puanzar, a hri le a thlam khenhnak fung, Pathian umnak thlam pumhnak thlam chung i rian òuannak ca i a herhmi thil vialte, 41 biakinn chung tlangbawi rian òuannak ca thuam thiang, Aaron le a fapa hna nih tlangbawi rian an òuan caan i an i hruk awk thuam thiang, hi vialte hi an si. 42  Bawipa nih Moses a chimh bantuk te khan Israel mi nih cun rian vialte kha an tuah dih. 43 An tuahmi vialte kha Moses nih òha tein a zoh i Bawipa nih a chimhning tein an tuah ti kha a hmuh. Cucaah Moses nih thluachuah a pek hna.