38
Biakòheng
(Exo 27.1-8)
Khanghthawinak ca biakòheng cu anri thing in a ser. Tungvangpalh a si, pe 7½ a sau i pe 7½ a kau, cun pe 4½ a sang. A kil pali ah khan ki pali a bunh hna i cu ki pali hna cu a pum he khan an i peh dih. A dihlak in dar in a tuam. Biakòheng ca thilri, um, cawhlek, khengkuar, sio le mei zawhnak pakan kha a ser hna. A thilri vialte cu an dihlak in dar in a ser hna. Biakòheng caah cun fingrilh pakhat a ser i cu fingrilh cu dar fingrilh a si. Cu fingrilh cu a tlang tangah khan a chiah i biakòheng canceo cu a hun phak. Cun a zawnhnak kual pali a ser hna i dar fingrilh kil pali ah cun lang hrolhnak ding caah khan a thlaih hna. Lang cu anri thing in a ser hna i dar in a tuam hna. Cun biakòheng kap i aa thlaihmi kual ah khan a hrolh hna. Biakòheng cu thingphel in a ser i a chung cu a kua.
Kut Òawlnak Kheng
(Exo 30.18)
Kut òawlnak dar kheng le a hunnak dar tawdanh cu nu pawl bihmi thlalang in a ser hna, cu nu pawl cu pumhnak thlam luhnak i rian a òuanmi kha an si.
Puan Biakinn Tual
(Exo 27.9-19)
Tual kha a ser. Thlanglei kam ca puanzar cu khumlahrual hmangòhia in tahmi a si i pe 150 a sau. 10 Tung pakul hna le an dirnak kedanh pakul hna cu dar in sermi an si. Cu tung sio hna zong cu dar in sermi an si; cun cu tung nih cun ngun fung an ngei cio. 11 Chaklei kamah puanzar cu pe 150 a sau i tung pakul nih an doh, cu tung pakul hna cu dar kedanh pakul chungah khan an dir i sio an ngei cio i ngun fung zong an ngei cio. 12 Nitlaklei kamah puanzar cu pe 75 a sau i tung pahra nih an doh, cu tung pahra hna cu dar kedanh pahra chungah khan an dir i sio an ngei cio i ngun fung zong an ngei cio. 13 A nichuahlei kam cu pe 75 a kau. 14 A chung i vung luhnak khattelei kamah khan puanzar an um i pe 22½ an kau i tung pathum kedanh chung i a dirmi nih khan an doh hna. 15 Khattelei kap zongah cun cu bantuk òhiamòhiam cun a um; cucaah tual i vung luhnak kutka ah khan a kap hnih in puanzar pe 22½ a kau i kedanh pathum chungah a dirmi tung pathum nih an dohmi kha an um veve. 16 Tual velchum i an hmanmi puanzar cu khumlahrual hmangòhia in tahmi an si. 17 Tung kedanh cu dar in an ser hna i tung ca i sio hna le an fung hna le an par khuhnak cu ngun in sermi an si. Tual kulhnak tung vialte cu ngun fung in peh dih an si. 18 Tual luhnak kutka ca puanzar cu dawh tein òamhmi a si i tuuhmul a dum, a sendung le a sen le khumlahrual hmangòhia in tahmi an si. Pe 30 a sau i pe 7½ a sang i tual kulhnak puanzar bantuk kha a si. 19 Dar kedanh pali chungah a dirmi tung pali nih an doh hna. An sio le an par tuamnak le an fung cu ngun in sermi an si. 20 Pathian umnak thlam le a velchum i a ummi a tual khenhnak fung cu dar in sermi an si.
Biakinn Ca Hmanmi Thilri
21 Biakamnak lungtlap an chiahnak Pathian umnak thlam chung hmanmi thilri cu hihi a si: Cu thilri hna cu Moses nih a fial hna ningin tuahmi an si i tlangbawi Aaron fapa Ithamar kuttang i a òuanmi Levi mi hna nih an sermi an si.
22  Bawipa nih Moses a fialmi vialte kha Judah phun chungmi Hur fapa Uri fapa Bezalel nih khan a tuah dih hna. 23 Amah a bawmtu Dan phun chung mi Ahisamak fapa Oholiab kha lung òial thiam, pungsan suai thiam le tuuhmul a dum, sendung, a sen le khumla hmangòhia tah thiam a si.
24 Biakinn chung hmanmi sui cu a dihlak in pawng 2-195 a si. Bawipa sinah pekchanhmi biakinn cuaithlainak in thlaimi an si. 25 An milu relning in thawhmi ngun cu pawng 7-550 a si, cu zong cu biakinn cuaithlainak in thlaimi òhiamòhiam an si. Ref 38.25-26: Exo 30.11-16 26 Milu relnak ah relmi nih an thawh awk hnga a simi ning cio ah an thawhmi cu hi zat hi a si i biakinn cuaithlainak in thlaimi an si. Milu relnak ah cun, pa kum kul ri in a cunglei cu 603-550 an si. Ref 38.26: Mat 17.24 27 Ngun chungin pawng 7-500 cu biakinn tungdanh le puanzar kedanh hna sernak ah khan hman an si: kedanh 100 an si i kedanh pakhat ah pawng 75 cio a si. 28 A taang rihmi ngun pawng 30 cu tung, sio hna le an par khuhnak hna le an fung hna kha sernak ah khan Bezalel nih a hman. 29  Bawipa sin pekmi dar cu pawng 300-010 a phan. 30 Cu dar cun pumhnak thlam luhnak innka tungdanh hna le dar biakòheng le a dar fingrilh le biakòheng ca thilri vialte le 31 a velchum i a ummi tual kulhnak tungdanh hna le tual luhnak kutka tung danh hna le Pathian umnak thlam le a velchum tual ca fungkhenh vialte kha a ser hna.