34
Lungtlap Pahnih A Ser Òhan
(Deu 10.1-5)
1 Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser òhan hna. An cungah cun hmasa lungtlap cung i a ummi bia kha ka òial òhan hna lai.
2 Thaizing ah i tim law Sinai Tlang cungah khan hung kai law a par ah khan hung ka tong tuah.
3 Ahohmanh na sinah ra hna hlah seh; tlang cung khuazeika hmanh ah khan ahohmanh um hna hlah seh; tlang hmaiah cun tuu zong caw zong tlong hna hlah seh,” a ti.
4 Cucaah Moses nih cun hmasa i bantuk kha lungtlap pahnih cu a ser òhan hna i a thaizing zingkate ah Bawipa nih a fial bangin Sinai Tlang cungah cun a kai i lungtlap pahnih cu aa put hna.
5 Bawipa cu khuadawm in a rung òum i a sinah cun a rung dir i ka min cu Bawipa a si, tiah a ti.
6 Bawipa cu a hmaika cun a lan i, “ Bawipa cu zaangfahnak le vel ngeihnak in a khatmi Pathian a si, amah cu fawi tein a thin hunter khawh lomi, a fekmi dawtnak tampi mi cungah a langhter i mi cungah zumhawktlak ngaingai a simi Pathian cu a si. Ref 34.6-7: Exo 20.5-6; Nam 14.18; Deu 5.9-10, 7.9-10
7 A biakamnak kha mi thong tampi cungah a hmunhter i palhnak le òhat lonak le sualnak kha a ngaihthiam hna; asinain an pale sualnak ruangah an fale le an tule kha a chan thum a chan linak tiang dantat a tlolh lomi a si,” tiah a au.
8 Moses cu khulrang in a kun i a biak.
9 Aa thawh i, “Ka cungah na lung a tlin taktak a si ahcun, kan kalpi ko, tiah kan nawl Bawipa. Hi mi hna hi milungòhawng an si taktak ko, sihmanhsehlaw kan òhat lonak le kan sualnak cu kan ngaithiam law nangmah ta ah kan cohlang ko,” a ti.
Biakamnak A Tharchuah Òhan
(Exo 23.14-19; Deu 7.1-5, 16.1-17)
10 Bawipa nih cun aa thawh i, “Nanmah he biakamnak ka ser lai. Nan mi hna dihlak hmaiah, vawleicung khuazeihmanh ah le miphun aho lak hmanh ah tuah bal lomi khuaruahharnak kha ka tuah hna lai. Na sin i a ummi vialte nih khan Bawipa nih zeidah ka tuah khawh ti kha an hmuh lai, zeicahtiah nangmah caah thil lianngan ka tuah hna lai.
11 Nihin ah kan pek hna laimi nawlbia hi zul hna u. Nan hmai in Amor mi le Kanaan mi le Hit mi le Periz mi le Hiv mi le Jebus mi kha ka òhawl hna lai.
12 Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.
13 An biakòheng le an lungzarh le an thingzarh kha nan hrawh, nan khuai, nan hau dih hna lai. Ref 34.13: Deu 16.21
14 “Nannih nih pathian dang zeihmanh nan bia hna lai lo, zeicahtiah Bawipa cu ka min ah “Nahchuak” ka si i Pathian nahchuak ka si.
15 Ramchung mi hna he khan hnatlaknak zeihmanh nan tuah lai lo, zeicahtiah an pathian an biak hnanak ah khan hlawhhlangnu bantukin an um i an pathian hna sinah raithawinak an tuah tikah an in sawm hna lai i an raithawinak sa kha nan va ei sual lai.
16 An fanule kha nan fapale nupi ah nan òhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.
17 “Nanmah caah thletmi pathian nan ser lai lo. Ref 34.17: Exo 20.4; Lev 19.4; Deu 5.8; 27.15
18 “Thilnu Phulh Lo Changreu Puai kha nan tuah lai; Abib thla chungah khan nan tuah lai, kan fial hna bantukin thilnu telh lo changreu kha ni sarih chung nan ei lai; zeicahtiah Abib thla kha Izipt ram in nan chuah thla a si. Ref 34.18: Exo 12.14-20; Lev 23.6-8; Nam 28.16-25
19 “Hrin hmasa bikmi fapa hna le saòil zong nih an hrin hmasa bikmi hna cu keimah ta an si: fapa hrin hmasa bikmi hna paohpaoh le nan caw le nan saòil run nih an hrin hmasa bikmi hna paohpaoh cu keimah ta an si. Ref 34.19: Exo 13.2
20 Asinain hrin hmasa bik laa paohpaoh cu tuu in nan tlanh hna lai; nan tlanh hna lo ahcun an hngawng nan khiah hna lai. Hrin hmasa bik fapa paohpaoh kha nan tlanh hna lai. Ka hmaiah ahohmanh pekchanhmi thil um loin nan chuak lai lo. Ref 34.20: Exo 13.13
21 “Ni ruk chung rian nan òuan lai, sihmanhsehlaw ni sarihnak ni ah cun nan òuan lai lo, leithuan caan le rawl òuan caan hmanh ah ni sarih ni ah cun rian nan òuan lai lo. Ref 34.21: Exo 20.9-10; 23.12; 31.15; 35.2; Lev 23.3; Deu 5.13-14
22 “Cun Zarh Puai le Thingthei Lawh Puai kha kum dongh ah nan tuah lai. Ref 34.22: Lev 23.15-21; 39.43; Nam 28.26-31
23 “Nan lak i pa vialte cu kum khat ah voi thum lengmang Bawipa Pathian Israel Pathian ka hmaiah nan chuak lai.
24 Nan hmai in miphun dang kha ka òhawl hna i nan ram kha ka kauhter hnuah cun, Bawipa nan Pathian ka hmai i chuah awkah kum khat ah voi thum lengmang nan rat tikah hin, hi caan ah hin nan ram cu ahohmanh nih tei an i zuam lai lo.
25 “Raithawinak caah saram nan ka pek tikah thilnu phulhmi changreu nan hmang lai lo. Lanhtak Puai i nan thahmi sa kha a thaizing tiang zeihmanh nan i chiah lai lo. Ref 34.25: Exo 12.10
26 “Nan lo chungin a chuakmi theitlai hmasa bik lak i a òha bik kha Bawipa inn ah nan rak put lai.
“Tuufa cu a nu hnuk in nan chuang lai lo,” a ti. Ref 34.26: Deu 24.21; 26.2
27 Bawipa nih Moses cu, “Hi bia hi nangmah le Israel mi hna he biakamnak ka sernak bia an si caah òial hna,” a ti.
28 Moses cu Bawipa sinah khan ni 40 le zan 40 a um i zeihmanh a ding lo i a ei lo. Lungtlap cungah khan biakamnak bia cu a òial hna § nawlbia pahra cu.
Moses Tlang Cungin A Òum
29 Moses cu Sinai Tlang cungin biakamnak lungtlap pahnih he a rung òum ah khan, Bawipa he kan i chawnh caah ka hmai cu a ceu ti kha a hngal lo. Ref 34.29-35: 2Kor 3.7-16
30 Aaron le mi vialte nih khan Moses cu an rak zoh i a hmai a ceu kha an hmuh tikah an naih ngam lo.
31 Sihmanhsehlaw Moses nih khan a auh hna i Aaron le mi zapi hruaitu vialte kha a sinah cun an va kal i Moses nih cun bia a rak ruah hna.
32 Cu hnuah cun Israel mi vialte cu a pawngah khan an ra i Bawipa nih Sinai Tlang cungah a chimhmi nawlbia vialte kha a pek hna.
33 Moses nih an sin i bia a chimmi cu a dongh tikah a hmai cu puan in aa khuh.
34 Moses cu thlam chungah khan Bawipa he i chawnh awkah Bawipa hmai i a vung luh fate a hmai khuh kha, a chuah òhan hlantiang a hun tawn. A hung chuah tikah, na chimh hna lai tiah Bawipa nih a fialmi vialte cu Israel mi kha a chimh hna,
35 a hmai a ceu cu annih nih khan an hmuh. Cun Bawipa he bia i ruah awk i a kal òhan hlantiang a hmai cu aa khuh òhan tawn.