3
Pathian Nih Moses A Auh
(Exo 6.2§7.7; 11.1-4; 12.35-36)
1 Moses cu a nupi pa Jethro, Midian tlangbawi a simi, tuu le meheh kha a cawng hna i saòil run cu thetse ram pinah khan a kalpi hna i Horeb tlang, Pathian tlang timi kha a phan.
2 Pathian vancungmi kha meizik bantukin burbuk laifang khan a sinah cun a hung lang. Moses nih cun a hei zoh i burbuk cu a alh hluahmah ko, sihmanhsehlaw a kaang òung lo. Ref 3.2-10: Lam 7.30-34
3 Cucaah cun, “Ka hei naih deuh lai i ka hmuhmi thil khuaruahhar khi ka va zoh tuah lai. Zeicahdah burbuk khi a kangh dih kun hnga lo?” tiah a lung chungin a ti.
4 Bawipa nih a rat kha a hmuh tikah, burbuk chung cun Pathian nih cun a hun auh i, “Moses, Moses” tiah a ti i, “Zeidah?” tiah Moses nih cun a leh.
5 Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si.
6 Kei cu na pa i a Pathian, Abraham Pathian, Isak Pathian, Jakob Pathian kha ka si,” a ti. Moses nih khan Pathian zoh cu a òih caah a hmai kha aa khuh.
7 Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.
8 Izipt mi hna sinin chanh i a vawlei a òhami le a hmun a kaumi ram i annih cu kalpi awkah ka rung òum cang. Cu ram cu cawhnuk le khuaihliti in a luangmi ram a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.
9 Israel mi an ainak kha ka theih cang i Izipt mi nih zeitluk in dah an hrem hna kha ka hmuh.
10 Atu cu nangmah kha Faro sinah kan thlah lai i ka mi Israel mi cu Izipt ram in na chuahpi hna lai,” a ti.
11 Moses nih khan Pathian cu, “Faro sinah va kal i Israel mi Izipt ram in chuahpitu dingah cun kei cu ka tlak lo,” a ti.
12 Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.
13 Moses nih Pathian cu a thawh i, “Israel mi hna sinah ka va kal i, ‘Nan pupa hna Pathian nih nan sinah a ka thlah,’ ka va ti hna tikah, ‘Ahodah a min a si?’ tiah an rak ka hal lai, cu tikah zei a si ti ah dah ka leh hna lai?” a ti. Ref 3.13: Exo 6.2-3
14 Pathian nih cun Moses cu a thawh i, “Keimah cu Keimah ka si ko. Keimah a simi nih khan, keimah cu nan sinah a ka thlah, tiah Israel mi cu na chimh hna lai,” a ti. Ref 3.14: Biat 1.4-8
15 Cun Pathian nih Moses cu a thawh òhan i, “Israel mi cu, ‘ Bawipa, nan pupa hna i an Pathian, Abraham Pathian, Isak Pathian, Jakob Pathian nih khan nan sinah a ka thlah,’ tiah na chimh hna lai. Hihi a zungzal in ka min a si, hi ti hin hmailei chan vialte nih an ka auh lai.
16 Va kal law Israel mi hruaitu pawl vialte kha va pum hna law, ‘ Bawipa, nan pupa hna Pathian, Abraham Pathian, Isak Pathian, Jakob Pathian kha ka sinah a lang i, “Nan sinah ka ra i Izipt mi hna nih nan cungah zeidah an tuah ti kha ka hmuh cang;
17 cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a òhatnak hmun a si,” a ti,’ tiah va chim hna.
18 Annih nih na chimmi cu an ngaih ko lai. Cun Israel mi hruaitu pawl he cun Izipt siangpahrang sinah khan nan va kal lai i, ‘Hebru mi hna Pathian Bawipa nih khan a kan ton; cucaah cun Bawipa kan Pathian sin i raithawinak pekchanh awkah ni thum lamkal ah thetse ram chungah kan kalter,’ nan va ti lai.
19 Hramhram in hnek lo ahcun Izipt siangpahrang nih cun an kalter duh hna lai lo ti cu ka hngalh ko.
20 Ka òhawnnak kha ka hman lai i cuka ah cun khuaruahharmi thil kha ka tuah hna lai i cu khuaruahharmi thil cun Izipt cu dan ka tat lai. Cu hnu ceo ah cun an kalter hna lai.
21 “Izipt mi cu ka mi kha kan hmaizahter hna lai i cucaah nan kal tikah kutro in nan kal lai lo. Ref 3.21-22: Exo 12.35-36
22 Nu paohpaoh nih nan umnak inn nu le nan innpa kha thilpuan le hlawn le sui le ngun kha nan hal cio hna lai. Cucu nan fapa hna le nan fanu hna kha nan hruk nan aih hna lai i cuticun Izipt mi cu an thil kha nan chuh dih hna lai,” a ti.