27
Biakòheng
(Exo 38.1-7)
1 “Biakòheng cu anri thing in na ser lai. Tungvangpalh a si lai, a tung pe 7½, a vang pe 7½ a si lai i a san cu pe 4½ a si lai.
2 A kil pali ah khan a fong na ser hna lai. Biakòheng he khan an i peh dih lai i an ningpi cun dar in na tuam hna lai.
3 Biakòheng caah cun hihi na ser hna lai: sathau nih a tlakhnawhmi vutcam ruhnak le laknak ah um le cawhlek le kheng le thirzum le meiòil ruhnak kheng an si lai. Biakòheng ca thilthuam vialte cu dar in na ser hna lai.
4 Biakòheng caah cun dar kharvar pakhat in na ser lai. Cu kharvar putnak ah cun a kil cio ah khan dar kual pali na thlaih hna lai i
5 cu na thlaihmi cu biakòheng tlang tangah khan an si lai i biakòheng a laifang ah khan an um lai.
6 Biakòheng caah cun zawnhnak fung anri thing in na ser hna lai i dar in na tuam hna lai.
7 Biakòheng kha zawnh a si tikah dar kual chungah khan nan hrolh hna lai.
8 Biakòheng cu a chung a kua in na ser lai, thing in na ser lai. Tlang cungah hmuhsak na simi pungsan ning khan na ser lai.
Puan Biakinn Tual
(Exo 38.9-20)
9 “Puan biakinn caah tual na ser lai. Thlanglei kam ca puanzar kha khumla hrual hmangòhia in sermi a si lai i pe 150 a sau lai, kam khat ca a si lai.
10 Cu puanzar cu dar tung pakul ah bah a si lai i cu dar tung 20 cu dar kedanh pakhat cio an ngei lai. Cun tung ah cun bahnak pakhat cio an um lai i ngun in sermi fung pakhat cio an ngei lai.
11 Cu bantuk òhiamòhiam in chaklei kam zongah puanzar pe 150 a saumi a um lai i cu puanzar cu dar tung pakul cungah bah a si lai i dar tung pakul cu dar kedanh pakul chungah bunh an si lai. Tung ah cun bahnak an um cio lai i ngun in sermi fung zong an um lai.
12 Nitlaklei tual kulhnak a vang caah khan puanzar pe 75 a saumi a um lai i tung pahra le kedanh pahra zong an um lai.
13 Nichuahlei ah cun a tual cu pe 75 a kau lai.
14 Luhnak kutka kam khat ca puanzar cu pe 21½ a si lai i tung pathum le kedanh pathum a ngei lai;
15 khattelei kam ca zongah cun puanzar cu pe 21½ a si òhiamòhiam lai i tung pathum le kedanh pathum a ngei ve òhiamòhiam lai.
16 Luhnak kutka ca puanzar cu pe 30 a si lai i tuuhmul a dummi le a senmi le a sendungmi le khumla hmangòhia a hrual in tahmi a si lai i thawi in òamhmi a si lai. Tung danh pali chungah a dirmi tung pali cungah zar a si lai.
17 Tual velchum i a ummi tung vialte hna cu sui fung in pehtlaihter dih an si lai i an i pehtlaihnak sio cu ngun in sermi an si lai. An dirnak kedanh cu dar in sermi an si lai.
18 A tual cu pe 150 a sau lai i pe 75 a kau lai i pe 7½ a sang lai. Puanzar cu khumla hrual hmangòhia in tahmi an si lai i tung dirnak kedanh cu dar in sermi an si lai.
19 Puan biakinn chungah hmanmi thilri vialte cu, zei ca i hmanmi an si zongah, dar in sermi an si lai; cun puan biakinn hrennak ca fung vialte le tual ca fung vialte zong cu dar in sermi an si dih lai.
Meiinn Zohkhenhnak
(Lev 24.1-4)
20 “Meiinn caah oliv chiti a òha bik phun kha nan rak put lai, tiah Israel mi cu nawl na pek hna lai i meiinn cu nan van thluangthluan lai.
21 Aaron le a fapa hna nih khan hi meiinn cu Pathian nih a mi hna a ton hnanak thlam chungah khan an chiah lai, cucu puanzar leng, biakamnak hngalhter òhantu lungtlap hna chiahnak biakamnak kuang hmaiah khan a si lai. Cuka ah cun, Pathian hmaika ah khan zanlei in zinglei tiang a alh zungzal lai. Hi nawlbia hi Israel mi le an tefa hna nih an zulh zungzal awk a si lai.