25
Biakinn Ca Thawhlawm
(Exo 35.4-9)
Bawipa nih Moses cu a thawh i, “Israel mi cu va chim hna law keimah caah thawhlawm tho hna seh. Ahohmanh an si ah thawhlawm pek a ka duhmi cu an thawhlawm kha na cohlanpiak hna lai. Na cohlan awk hnga thawhlawm cu hihi an si lai: sui, ngun, dar, tuuhmul a sen, a eng, a dum, la hmangòhia, meheh hmul in sermi puan, tuukawng phaw si sen buhmi, saphaw òha phun, anri thing, meiinn ca sathau, thuh awk chiti he cawhmi zihmui, khangh awk sa he cawh awk zihmui, karnelian lungvar le tlangbawi ngan angki thiang le òang benh i hman awk lungvar. Biakinn pakhat an ka serpiak lai i cuticun an lakah ka um lai. Ka umnak le a chung thilri vialte hna cu kan hmuhsak laimi pungsan ningin na ser hna lai.
Biakamnak Kuang
(Exo 37.1-9)
10 “Anri thing in kuang pakhat nan ser lai i a tung lehhmah 45, a vang lehhmah 27, a san lehhmah 27 a si lai. 11 A chunglei he a lenglei he sui thiang in nan tuam lai i a velchum in sui in a tlangkawm nan ser lai. 12 A bing pali sui in nan ser lai i cu a bing cu a ke ah khan nan thlaih hna lai, kap khat ah pahnih lengmang in nan thlaih hna lai. 13 Anri thing in zawnhnak lang nan ser hna lai i sui in nan tuam hna lai. 14 Cu lang cu a kap veve i a ummi a bing chung khan nan hrolh hna lai i cuticun kuang cu nan zawnh lai. 15 Lang cu a bing chungah khan nan hrolh zungzal hna lai, nan phawi hna lai lo. 16 Kuang chungah cun kan pek laimi lungtlap pahnih, biakamnak hngalhter òhantu, kha na chiah hna lai.
17 “A chin kha sui thiang in na ser lai i lehhmah 45 a sau lai i 27 a kau lai. Ref 25.17: Heb 9.5 18 A chin a par veve caah cun a den in denmi sui in cherubim pahnih na ser hna lai i 19 khattelei dongh ah pakhat, khattelei dongh ah pakhat na chiah hna lai. A chin he i seng citcet tein na ser hna lai. 20 Kuang chin kha an ven khawh nakhnga, cherubim nih khan an cunglei veve ah an thla kha an samh veve lai; hmaitonh in an um lai i kuang chin kha an zoh veve lai. 21 A chin cu kuang cungah cun na chiah lai i kuang chungah cun biakamnak hngalhter òhantu lungtlap pahnih kan pek laimi kha na chiah hna lai. 22 Cuka ah cun kan ton lai; Israel mi hna caah ka timi ka nawlbia vialte cu kuang chin cung le biakamnak kuang cung i a ummi cherubim pahnih hna karlak cun kan pek tawn lai.
Pathian Sin Pekmi Changreu Ca Cabuai
(Exo 37.10-16)
23 “Anri thing in cabuai pakhat na ser lai i a sau lehhmah 36, a kauh lehhmah 8, a san lehhmah 27 a si lai. 24 Sui thiang in na tuam lai i a velchum in a tlangkawm kha sui in na ser lai. 25 A velchum in a tlangpang kha lehhmah pali kau in na ser lai i a tlangkawm cu sui in na ser lai. 26 A putnak ding a bing pali sui in na ser hna lai i a ke an umnak a kil pali ah khan na thlaih hna lai. 27 Cabuai putnak lang hrolhnak ca i na sermi a bing hna cu a tlang pawngah khan na thlaih hna lai. 28 Lang cu anri thing in na ser hna lai i sui in na tuam hna lai. 29 Cun dinmi thawinak caah khan pakan le hrai le than-um le kanto kha na ser hna lai. An dihlak in sui thiang in na ser hna lai. 30 Cun ka hmaika cabuai ah khan ka sin i pekchanhmi changreu kha hun zungzal a si lai. Ref 25.30: Lev 24.5-8
Mei Vannak Tung
(Exo 37.17-24)
31 “Mei vannak tung pakhat sui thiang in na ser lai. A ke le a tung kha denmi sui in na ser hna lai; cun a òamhnak pangpar hna le pangpar kuhkulul tete hna le pangpar sarh tete hna cu, a tungpi he cun i seng cikcek tein na ser hna lai. 32 Kam khat khan nge pathum veve an tho lai. 33 A nge paruk nih khan òamhnak pangpar par thum cio an ngei lai i almon pangpar bantuk an si lai, a kuhkulul tete hna le a sarh tete hna kha an um lai. 34 Meiinn tungpi nih cun òamhnak pangpar pali a ngeih hna lai i cu pangpar cu kuhkulul tete le a sarh tete he an si lai. 35 A nge khuah thum hna tang cio ah cun kuhkulul pakhat cio an um lai. 36 Kuhkulul le nge hna cu mei vannak tungpi he cun i seng cikcek tein an um lai, an dihlak in denmi sui hlum khat an si lai. 37 Mei vannak tung caah cun meiinn pasarih na ser hna lai i na chiahning hna cu hmailei ceuh hna seh tiin a si lai. 38 A cengceh le a vutcam ruhnak hna cu sui thiang in na ser hna lai. 39 Mei vannak tung le a thilthuam sernak caah hin sui thiang pawng 100 na hman lai. 40 Tlang cung i kan hmuhsakmi pungsan ning te khan ser naa zuam lai. Ref 25.40: Lam 7.44; Heb 8.5