18
Jethro Nih Moses A Tlawn
1 Midian ram tlangbawi Jethro, Moses pu nih khan, Moses le Israel mi hna caah Pathian nih a tuahmi vialte le Bawipa nih Izipt ram in a chuahpi hna ning kha a rak theih.
2 Cucaah Moses nih a rak tluntermi a nupi Zipporah kha Jethro nih cun a ratpi. Ref 18.2-3: Exo 2.21-22
3 Jethro nih Zipporah fapa pahnih Gershom le Eliezer zong kha aa ratpi ve hna. (Moses nih khan, “Ramdang ah khual ka si,” a rak ti i cucaah a fapa pakhat kha Gershom a sak. Ref 18.3: Lam 7.29
4 Cun, “Ka pa i a Pathian cu a ka bawmtu a si i Faro vainam chungin a ka khamh,” a ti fawn i cucaah a min ah a fapa a dang pakhat cu Eliezer a sak.)
5 Jethro cu Moses nupi le fapa hna he khan Moses te an riahnak thetse ram chung Bawipa tlang ah khan a ra.
6 Moses kha bia a hei cah i, “Na pu keimah le na nupi le na fapa pahnih cu na sinah kan ra lio,” a ti.
7 Amah ton awkah khan Moses cu a kal i a hmaiah a kun i a hnamh. Pakhat le pakhat cu an dam dam lo kong kha an i hal i thlam chungah khan an lut.
8 Israel mi hna ruangah Izipt mi hna le Faro cungah Bawipa nih a tuahmi vialte kha a chimh dih. Lampi ah harnak an tonmi le Bawipa nih a khamh hnanak zong kha a chimh.
9 Jethro nih an cung i Bawipa a òhatnak vialte le Izipt mi hna sinin a khamh hnanak kong a theih tikah a lung aa lawm ngaingai.
10 Aa thawh i, “Izipt mi hna kut chung le Faro kut chungin an khamhtu hna Bawipa cu thangòhat ko u. Izipt mi kut tang sal cannak i a mi a khamhtu hna Bawipa cu thangòhat ko u.
11 Atu cu Bawipa hi pathian vialte hna lakah a ngan bik a si tiah ka hngalh; Izipt mi hna nih Israel mi cungah huatnak in rian an òuan tikah hi bantukin a tuah caah khan, a ngan bik a si cu ka hngalh,” a ti.
12 Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei òi hna.
Biaceihtu An Thim Hna
(Deu 1.9-18)
13 A thaizing ah cun Moses cu mi zapi biaceih awkah khan a òhu i zinglei in zanlei tiang a hmaika ah cun mi kha an um.
14 Moses pu Jethro nih khan a tuahmi vialte cu a hmuh tikah, “Mi zapi ca i na tuah lengmangmi hi zeidah a si? Mi nih zinglei in zanlei tiang an in dirhnawh tikah, zeicahdah hika ah hin nangmah lawngin na òhut?” tiah a ti.
15 Moses nih cun, “Pathian duhnak kha zeidah a si kan kawlpiak an ka ti caah hitihin ka tuah ko.
16 Mi pahnih an i sik tikah ka sinah an ra i ahodah a palh, ahodah a palh lo ti kha bia ka thlehpiak hna i Pathian nawl le upadi kha ka chimh hna,” tiah a leh.
17 Cu tikah Jethro nih cun a leh i, “Na tuahmi hi ahmaan lo.
18 Nangmah zong na ba tuk lai, na sin i a ummi zong an ba tuk lai. Hi rian hi na caah a tam tuk, nangmah lawngin na tuah kho lai lo.
19 Cucaah ruahnak in cheu tuahning, ka bia cu ngai tuah, Pathian nih in umpi ko seh. Nang na rian cu mi zapi Pathian sin i chuahpi i an i siknak bia a sin i lanh kha a si lai.
20 Cun nawlbia le phunglam kha na cawnpiak hna lai i zeitindah an nun awk a si ti le zeidah an tuah awk a si ti kha na hngalhter hna lai.
21 Sihmanhsehlaw thil ti khomi kha na thim hna lai i mi zapi hruaitu ah na chiah hna lai: a thong bu hruaitu le a za bu hruaitu le sawm nga bu hruaitu le pahra bu hruaitu tiin na chiah hna lai. Annih cu Pathian a òihmi, bochan awktlak a simi an si lai, nawhthuh pek khawh lomi an si lai.
22 Annih nih biaceihtu an si tikah zungzal ca in an si lai. Bia har deuhdeuh kha na sinah an chuahpi lai, asinain a hme deuh pawl kha cu anmah nih an ceih lai. Cu nih cun na caah rian kha a fawiter deuh lai i na thilrit kha an in chan lai.
23 Hi bantuk hin na tuah ahcun, Bawipa nih nawl an pek ningin na tuah ahcun, na ba tuk lai lo i mi zong kha an bia limpiak in inn ah an òin kho lai,” a ti.
24 Moses nih Jethro bia cu a ngaih i a chim bantuk khan a tuah.
25 Israel mi dihlak chung khan thil ti kho deuhdeuh pawl kha a thim hna i hruaitu ah khan a chiah hna: a thong pawl hruaitu, a za pawl hruaitu, sawm nga pawl hruaitu, pahra pawl hruaitu, tiin a chiah hna.
26 Mi zapi ca biaceihtu rian kha zungzal ca in an òuan. Bia har deuhdeuh kha Moses sinah an chuahpi, sihmanhsehlaw a fawi deuh pawl kha cu anmah nih an ceih.
27 Cun Moses nih a pu cu a kalter i amah ram leiah khan a tlung.