17
Lungpi Chungin Ti A Chuak
1 Israel mibu cu an dihlak in Sin ramcar khan an i thawh i Bawipa nih nawl a pek hna bangin riahhmun pakhat hnu pakhat an i thawn. Refidim ah khan an riak, asinain din awk ti a um lo.
2 Moses cu an sik i, “Din awk ti kan pe,” an ti. Moses nih annih cu a leh hna i, “Zeicahdah keimah cu nan ka sik? Zeicahdah Bawipa cu hneksak nan del?” a ti hna.
3 Sihmanhsehlaw mi cu an ti a hal tuk i Moses cu an zaihnawh i, “Zeicahdah Izipt ram khan na kan chuahpi? Kanmah he kan fale he kan saòil he tihal in thah awkah maw na kan chuahpi?” an ti.
4 Moses nih Bawipa sinah khan thla fakpi in a cam i, “Hi mi hna hi zeitindah ka tuah hna lai? Atu hi lung in a cheh zong an ka cheh sual ko lai,” a ti.
5 Bawipa nih Moses cu a thawh i, “Israel mi hruaitu pawl kha tlawmpal in i sawm hna law zapi hmaiah va kal u. Tiva na tuknak na òhiangòhunh kha i lak law va kal.
6 Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai,” a ti. Moses nih Israel mi hruaitu pawl hmaiah cun cu bantuk cun a tuah.
7 Cuka hmun cu “Hneksaknak” ti le “Siknak” tiin a min ah kawh a si; zeicahtiah Israel mi cu Bawipa he khan an i si i, “ Bawipa hi kanmah leiah a òang maw òang lo dah?” tiin an hneksak ruangah khan cuticun min an sak cu a si.
Amalek Mi He An I Do
8 Amalek mi kha an ra i Israel mi cu Refidim ah khan an ra tuk hna.
9 Moses nih Joshua kha a thawh i, “Mi tlawmpal in i thim hna law thaizing ah Amalek mi kha va do hna u. Kei tu cu tlangpar ah khan ka dir lai i Pathian nih a ka pekmi òhiangòhunh kha ka hler lai,” a ti.
10 Moses nih a fial bang khan Joshua cu Amalek mi hna doh awkah khan a kal i Moses, Aaron le Hur cu tlangpar ah khan an kai.
11 Moses nih a ban a hler hna chung paoh cu Israel mi nih khan an tei lengmang hna, sihmanhsehlaw a òhumh hna paoh ah cun Amalek mi nih khan an nawr ve tawn hna.
12 Moses cu a ban tha kha a dit tikah Aaron le Hur nih khan lung pakhat an lak i a cungah cun an òhutter i annih nih khattelei veve in an dirkamh i a ban kha an doh hna. Ni a tlak tiang a ban cu an doh hna i
13 Joshua nih cun Amalek mi cu a tei dih cikcek hna.
14 Cun Bawipa nih Moses kha a thawh i, “Hi kong hi philh a si nakhnga lo cauk chungah òial tuah, cun Amalek mi kha a philh in philh an si lai, tiah Joshua kha chim,” tiah a ti. Ref 17.14: Deu 25.17-19; 1Sam 15.2-9
15 Moses nih biakòheng pakhat a ser i a min ah, “ Bawipa cu ka hmelchunhnak puanzar a si,” a ti.
16 Moses nih cun aa thawh i, “ Bawipa hmelchunhnak puanzar cu i tlaih u! Bawipa nih Amalek mi cu a zungzal in a doh hna lai,” a ti.