15
Moses Hla
(Slm 78.12-14)
1 Khi tikah Moses le Israel mi nih
hi hla hin Bawipa cu
an thangòhat:
“ Bawipa nih lianhngannak in
a tei cang,
rangtum hna le an cung i
aa citmi hna cu rili chungah
a paih hna,
cucaah Bawipa cu hla in
ka thangòhat lai. Ref 15.1: Biat 15.3
2 Bawipa nih a òhawngmi le
a liannganmi ah a ka ser,
amah cu a ka khamhtu kha a si.
Amah cu ka Pathian a si i
ka thangòhat lai,
ka pupa hna Pathian a si i
a lianhngannak cu hla in
ka sak lai. Ref 15.2: Slm 118.14; Isa 12.2
3 Bawipa cu ralkap a si,
a min cu Bawipa a si.
4 “Faro rangleng hna le ralkapbu cu
rili ah a paih hna,
a bawi òhawng bikbik hna cu
Rili Sen chungah an thi.
5 Rili thuk nih khan a phum hna,
ti ne ah khan lung bantukin an tla.
6 Bawipa, na orhlei kut a òhawngmi cu
khuaruahhar a si;
ral pawl kha a den cikcek hna.
7 A òhawngmi na lianhngannak in
na ral cu na tei hna i
na thinhunnak cu a alh in a alh i,
capawl bangin a kangh dih hna.
8 Na thaw in na chem i ti cu an i chong,
a luang liomi ti cu vampang bangin a dir;
rili thuk cu a ne tiangin a hak.
9 Ral nih khan an i thawh i, ‘Kan dawi
hna lai, kan tlaih hna lai;
an chawva cu kan i òhen lai i
kan duhmi paoh kha kan i lak lai.
Kan vainam kha kan i chuah lai i
an ngeihmi thil vialte kha
kanmah òhawnnak thawngin
kan chuh hna lai,’ an ti.
10 Sihmanhsehlaw na thaw voi khat
na chuah i rili nih a khuh hna;
òih a nungmi ti chungah khan
suan bantukin an tla.
11 “ Bawipa, pathian hna lakah hin
ahodah nangmah bantuk
a um?
Ahodah nangmah bantukin
a thiangmi a um hna?
Ahodah nangmah bantukin
khuaruahharmi thil a tuah khomi
a um i
a liannganmi thil tuahnak ah
òih awk a simi a um?
12 Na orhlei kut kha na samh i
vawlei nih a dolh hna.
13 Bia na kamhmi hna bantuk te khan,
na tlanhmi hna cu na hruai hna i
na òhawnnak in lam na òhit hna i
na inn thiang na phakpi hna.
14 Miphun dang nih khan cucu
an theih i a ther in an ther;
nau nganfah bantuk a simi
òihnak nih
Filistin mi cu a tlaih hna.
15 Edom bawi hna cu
an thin a phang i
Moab mi hna lak i
an miòhawng hna cu
a ther in an ther;
Kanaan ram i a ummi cu
an dihlak in an lung a phang.
16 Òihnak le thinphannak kha
an cungah a tlung.
Na òhawnnak a lianhngan ruangah,
lung bantukin cang loin an dir,
maw Bawipa, na mi hna
an lanh dih hlantiang,
nangmah na mi hrimhrim
an lanh dih hlantiang an dir.
17 Na mi cu na luhpi hna lai i
na tlang cungah khan
na phun hna lai,
na umnak inn ca i na sermi
hmun ah khan
na phun hna lai maw Bawipa,
nangmah hrimhrim nih
na sakmi biakinn ah khan
na phun hna lai, maw Bawipa.
18 Bawipa cu
zungzal in zungzal tiang
siangpahrang a si lai,” an ti.
Miriam Hla
19 Faro rangtum hna cu a rangleng le a mawngtu hna he khan rili chungah an lut i Bawipa nih ti cu a kirter òhan i a khuh dih hna. Sihmanhsehlaw Israel mi cu rili chung khan vawlei ro cungin an kal.
20 Profetnu Miriam, Aaron far nih khan khuangte aa lak i nu vialte nih khan a hnu in an zulh i khuangte tum pah cun an laam.
21 Miriam nih cun hla a sakpi hna i,
Bawipa nih lianhngannak in a tei caah
Bawipa cu hla in thangòhat u;
rangtum hna le
a cung i aa citmi hna kha
rili chungah a paih hna,” a ti.
Ti Khaa Cerh
22 Moses nih khan Israel mi cu Rili Sen khan a thawhpi hna i Shur ramcar chungah khan an lut. Ramcar chungah cun ni thum an kal i ti zeihmanh an hmu lo.
23 Cerh Khaa kha an va phan i a ti kha a rak khaat tuk caah an ding kho lo. Cucaah cun a min ah Cerh Khaa tiah an sak.
24 Moses cungah khan an zai i, “Zeidah kan din lai?” an ti.
25 Moses nih Bawipa sinah thla fak piin a cam i Bawipa nih cun thingtan pakhat a hmuhsak i cu thingtan cu ti chungah khan a paih i ti cu a khaat kha a lo.
Cuka ah cun Bawipa nih zulh awk phunglam a pek hna i a hnek zong a hneksak hna.
26 Bawipa nan Pathian ka bia kha òha tein nan ngaih i a ding ka timi kha nan tuah i ka nawlbia kha nan zulh hna i ka phunglam kha nan tuah hna ahcun, Izipt mi cungah ka tluntermi rai kha nan cungah ka tlunter lai lo. Keimah cu an damtertu hna Bawipa ka si,” a ti.
27 Cun Elim kha an va phan i cuka ah cun cerh pahleihnih le ungkung 70 an rak um; cun ti pawngah khan an riak.