7
Haman Timhmi Cu A Puang I Amah Tu Kha An Thlai
1 Cuticun siangpahrang le Haman cu Siangpahrangnu Esther rawl danghnak chung i i tel awkah cun an lut.
2 Cun a ni hnihnak ni, zu an din lioah khin, siangpahrang nih Esther cu a thawh òhan i, “Na ka hal duhmi cu zeidah a si, Siangpahrang Bawinu Esther? Pek na si ko lai. Ka ram hnarcheu tiang a si hmanh ah tlinter a si ko lai,” tiah a ti.
3 Khi tikah Siangpahrangnu Esther nih cun a leh i, “Na hmaiah mithmai òha ka hmuh a si ahcun, maw siangpahrang, cun siangpahrang na duhnak a si ahcun, kan nawlnak ah hin ka nunnak hi ka pe òhan law kan halnak ah hin ka miphun hi ka pe òhan tuah.
4 Zeicahtiah kannih cu, keimah he ka miphun hna he, hrawh awk le thah awk le kan ci hmih awkah zuarh kan si cang. Kannih cu nu he pa he, sal si awk men ah khan zuar kan si ahcun, dai tein kan um diam ko hnga, zeicahtiah kannih temhinnak ding cu siangpahrang sunghnak ding he khan tahòhimh awktlak a si lo,” tiah a ti.
5 Khi tikah Siangpahrang Ahasuerus nih Siangpahrangnu Esther cu a thawh i, “Hi thil tuah awkah a rak ruattu hi ahodah a si i khoika ah dah a um?” tiah a ti.
6 Cun Esther nih cun aa thawh i, “Dotu le ral a simi cu hi miòhalopa Haman hi a si!” tiah a ti.
Cu tikah Haman cu siangpahrang le siangpahrangnu hmaiah cun a thin a phang ngaingai i a ther in a ther.
7 Cun siangpahrang cu a thinhun in rawldanghnak cun a tho i siangpahrang inn dum ah khan a kal; sihmanhsehlaw Haman cu a nunnak ca i Siangpahrangnu Esther kha zaangfah nawl awkah hnuah a rung tang, zeicahtiah a cungah khan siangpahrang nih òhat lonak a ruah cang ti kha a hmuh.
8 Cun siangpahrang cu siangpahrang inn dum chung khan puai tuahnak hmun ah khan a ra kir òhan i Haman cu Esther òhutnak òhutdan cungah khan a rak bawh ko kha a hmuh.
Siangpahrang nih cun, “Keimah ka inn cia cungah, ka um hngan hrimhrim ah siangpahrang bawinu hmanh a tihram dah mu!” tiah a ti.
Bia cu siangpahrang kaa chung khan an chuah cangka, Haman cu a hmai kha an khuh colh.
9 Cun siangpahrang a tuammuaitu tilditmi pakhat Harbona nih khan, “Hi lengah hin pei, a bia in siangpahrang a khamhtu Mordekai thlainak ding caah Haman nih hin thahnak tung dong 50 sang a inn ah a phun cu,” a ti.
10 Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Cu tikah siangpahrang thinhunnak cu a dam.