ESTHER
Esther
1
Siangpahrangnu Vashti Nih Siangpahrang Ahasuerus Kha Zei Ah A Rel Lo
1 Ahasuerus a Ahasuerus hi Xerxes ti zongin an auh. chan, India ram in Ethiopia ram tiang, ram 127 a uktu Ahasuerus chan ah khan, Ref 1.1: Ezr 4.6
2 Siangpahrang Ahasuerus cu a khuapi bik Susa khua i a bawiòhutdan cungah khan a òhu i,
3 a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i
4 a siangpahrang sunparnak chawhlawn le a lianhngannak sunlawinak le upatnak kha ni saupi, ni 180 chung a hmuhsak hna.
5 Cun hi ni hna an dih tikah Susa khuapi chung i a ummi mi vialte hna caah, a ngan he a hme he, rawl danghnak pakhat, ni sarih chung, siangpahrang inn dum chung tual ah cun a serpiak hna.
6 La in tahmi puanzar a rangmi le puanzar aa thlaimi a dummi hna cu la hmangòhia in le a senduk in a senmi la in lungrang tung i ngunkual ah khan an òem chih hna; cun lung hak le lung rang le lungvar le lung mansung in a mui an sermi òuang ah cun sui òhutdan le ngun òhutdan kha an chiah hna.
7 Cun zu cu sui hrai a phunphun khan an ser hna i siangpahrang nih a ngeihmi a tam rup khan an pek huahmah hna.
8 Cun zudin cu a phung ning tein a si, ahohmanh hnek a um lo; zeicahtiah siangpahrang nih cun a siangpahrang inn bawi pawl kha nawl a pek hna i mi nih anmah duhning cio in nan tuah lai, tiah a ti hna.
9 Siangpahrangnu Vashti zong nih khan Siangpahrang Ahasuerus ta a simi siangpahrang inn chungah khan nu caah rawl danghnak a tuah ve.
10 A ni sarihnak ni, siangpahrang cu zu nih a lung a lawmhter ni ah cun, inn zohkhenhtu a simi hna tildit pasarih Mehuman, Biztha, Harbona, Bigtha le Abagtha, Zethar le Karkas hna cu nawl a pek hna i
11 Siangpahrangnu Vashti cu muidawh ngai a si caah aa dawhnak cu mizapi hna le bawi hna kha hmuhsak awkah a bawi luchin he siangpahrang hmaiah cun ra chuak seh, tiah a ti hna.
12 Sihmanhsehlaw tildit pawl nih siangpahrang nawlbia an hei lanhpimi cu Siangpahrangnu Vashti nih khan a rak al i a chuak duh lo. Hi ruangah hin siangpahrang cu a thin a hung. A thinhunnak cu a chungah a kangh in a kang.
13 Cun siangpahrang nih khan caan a hngalthiammi mifim kha a thawh hna i, cu hna cu
14 amah a hun changtu Persia le Media mi hna i an bawi pasarih, siangpahrang hmai a hmu tawnmi le a pennak chungah bawi bikbik a simi Karshena, Shethar, Admatha, Tarshish, Meres, Marsena le Memukan an si, cu hna cu phungbia le biaceihnak ah a thiam ngaingaimi hna a ti tawn hna ning khan a thawh hna i,
15 “Siangpahrangnu Vashti nih Siangpahrang Ahasuerus nawlbia, tildit pawl nih an chimhmi cu a tuah duh lo caah, a phung bantukin a cungah zeidah tuah a si lai?” tiah a ti hna.
16 Cun siangpahrang le bawi pawl hmaiah cun Memukan nih a thawh i, “Siangpahrangnu Vashti nih hin siangpahrang cung lawngah palhnak a tuah a si lo, Siangpahrang Ahasuerus ram chung i a ummi bawi vialte hna le mi vialte hna cung zongah khan a tuah a si.
17 Zeicahtiah siangpahrangnu nih a tuahmi hi nu vialte nih an hngalh ve lai i, ‘Siangpahrang Ahasuerus nih Siangpahrangnu Vashti cu a hmai i chuah awkah nawl a pek i a chuak duh lo,’ an ti lai caah an vale kha an serhsat hna lai.
18 Nihin hrimhrim ah hin, siangpahrangnu umtuning a theimi Persia le Media ram minu hna nih cu kong cu siangpahrang bawi pawl kha an chimh cang hna lai i serhsatnak le thinhunnak tampi a um ko cang lai.
19 Siangpahrang nih na duhnak a si ahcun, Vashti hi siangpahrang hmaiah chuak ti hlah seh, tiin, nangmah sinin siangpahrang nawlbia pakhat chuahter law, thlen òhan a si nakhnga lo Persia le Media nawlbia hna chungah òial si ve seh; cun siangpahrangnu sinak cu amah nakin a òha deuhmi sinah siangpahrang nih pe ko seh,
20 cun siangpahrang nih na sermi nawl cu a kau ngaingaimi na ram chungah hin thanh a si tikah nu vialte nih an vale hna cu a sang he a niam he upatnak an pek hna lai,” tiah a ti.
21 Hi ruahnak cheuhmi nih hin siangpahrang le a bawi hna cu an lung a ton hna i Memukan nih a chim bantuk cun siangpahrang nih a tuah.
22 Siangpahrang ram chung vialte ah khan, ram kip ah khan anmah le an holh cio le miphun kip sinah khan anmah le an ca cio in, pa paohpaoh cu amah le a innchung ah cun bawi a si lai i a miphun holh khan holh a si lai, tiin ca a kuat hna.