7
Ezra Cu Jerusalem A Phan
Cun hi hnuah hin Persia siangpahrang Artazaksis chan ah Ezra cu Babilon in a hung kal; Ezra cu Seraiah fapa a si, Seraiah cu Azariah fapa a si, Azariah cu Hilkiah fapa a si; Hilkiah cu Shallum fapa a si, Shallum cu Zadok fapa a si, Zadok cu Ahitub fapa a si, Ahitub cu Amariah fapa a si, Amariah cu Azariah fapa a si, Azariah cu Meraioth fapa a si, Meraioth cu Zerahiah fapa a si, Zerahiah cu Uzzi fapa a si, Uzzi cu Bukki fapa a si, Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si § hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.
Cun Artazaksis a bawi kum sarihnak ah khan Israel mi tlawmpal, tlangbawi tlawmpal, Levi mi tlawmpal, hlasatu hna, kutka cawngtu hna le biakinn rianòuantu hna kha Jerusalem ah amah he cun an hung kal. Cun siangpahrang a bawi kum sarihnak a thla nganak thla ah khan Jerusalem cu an phan; thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um. 10 Ezra nih Bawipa phungbia kha cawn awk le tuah awk le a nawlbia hna le a phunglam hna kha Israel mi cawnpiak awk kha a lung in aa sehchih.
11 Cun mah hihi Siangpahrang Artazaksis nih Israel mi ca i Bawipa nawlbia hna le phungbia hna a thiam ngaingaimi cazi, tlangbawi Ezra sinah a pekmi ca a khawpi cu a si:
12 “Siangpahrang hna siangpahrang Artazaksis nih vancung Pathian phungbia cazi, tlangbawi Ezra sinah: 13 Atu cu keimah nih nawlbia ka chuah i ka ram chung i a ummi Israel mi ahopaoh si hna seh, an tlangbawi si hna seh, Levi mi si hna seh, Jerusalem ah mah lungtho tein kal a duhmi paoh cu nangmah sinah an kal kho lai. 14 Zeitintiah nangmah kut chung i a ummi na Pathian phungbia bangin Judah le Jerusalem kong kha va dothlat awkah, nangmah cu siangpahrang le a ruahnak petu pasarih hna nih kan in thlah, 15 cun siangpahrang le a ruahnak petu hna nih Jerusalem i a ummi Israel Pathian caah mah lungtho tein an thawhmi ngun le sui le 16 Babilonia ram i na hmuh laimi ngun le sui vialte le Jerusalem i a ummi an Pathian inn ca i mah lungtho tein biakamnak in mizapi hna le tlangbawi hna nih mah lungtho tein an thawhmi vialte zong kha na hei phorh lai.
17 Hi tangka hin fel tein cawtum hna le tuukawng hna le tuufa hna kha an changvut thawinak hna le an thlet thawinak hna he tiah na cawk hna lai i na Pathian inn Jerusalem i a ummi biakòheng cungah cun na pekchanh hna lai. 18 Cun ngun le sui a tang rihmi hna cu nangmah le na unau hna nih a òha tiah nan ruahmi paoh, nan Pathian duhnak ningin, nan tuah lai. 19 Na Pathian inn rianòuannak caah an in pekmi umkheng hna cu Jerusalem Pathian hmaika ah cun na va chiah hna lai. 20 Cun na Pathian inn caah thil dang a herh rihmi paohpaoh nangmah nih peknak caan na ngeihmi paoh cu, siangpahrang tangka chungin na rak pek ko lai.
21 “Cun keimah Siangpahrang Artazaksis nih Tiva Ral ram i a ummi tangka kengtu vialte hna sinah nawlbia ka chuah cang i: Vancung Pathian phungbia cazi tlangbawi Ezra nih an halmi hna paoh cu, 22 ngun talen 100 tiang, changvut phor 100 tiang, mitsur hang bath 100 tiang, chiti bath 100 tiang, cun cite cu zeizat tinak um loin, fel tein nan rak tuah lai. 23 Vancung Pathian nawl pekmi paoh cu, siangpahrang le a fapa hna pennak cungah hin a thinhunnak a tlun sual nakhnga lo, vancung Pathian inn caah tling tein tuah si seh. 24 Cun hi Pathian inn chung tlangbawi si hna seh, Levi mi si hna seh, hlasatu si hna seh, kutka cawngtu si hna seh, biakinn rianòuantu si hna seh, rianòuantu dangdang si hna seh, ahohmanh ngunkhuai siseh, thil ngeih man siseh, lam hman man siseh, thawhter cu a phung a si lai lo ti zong kha kan in theihter hna.
25 “Cun nang, Ezra, na Pathian fimnak na kut chung i a ummi ning khan, Tiva Ral ram i a ummi vialte, na Pathian phungbia a hngalmi vialte kha bia a ceihtu dingah uktu bawi le biaceihtu kha na chiah hna lai; cun phungbia a hngal lomi kha nan cawnpiak hna lai. 26 Cun na Pathian phungbia le siangpahrang nawlbia a ngai lomi paoh cu thah awk siseh, ram chungin òhawl awk siseh, a thil chuh awk siseh, thong thlak awk siseh, a cungah biakhiahnak kha fek tein tuah a si lai,” tiah a ti.
27 Ezra nih, “ Bawipa, kan pupa hna Pathian cu thangòhat si ko seh. Bawipa inn Jerusalem i a ummi kha dawhter awkah hi thil hi amah nih siangpahrang lung chungah khan a chiah i 28 amah nih siangpahrang le a ruahnak petu hna hmai le siangpahrang bawi a òhawngmi vialte hna hmaiah khan a fekmi a dawtnak cu ka cungah a chuan. Bawipa, ka Pathian kut cu ka cungah a um caah ka ral a òha i Israel mi hna lakin keimah sin i kal awkah hruitu deuhdeuh kha ka thim hna,” a ti.