5
Cu a si caah dawtmi fale nan si bantukin amah Pathian nun kha cawng ko u. Khrih nih a kan dawt caah pekchanhnak rimhmui in nan caah a nunnak kha Pathian sin i a pek bantukin dawtnak in nung ko u.
Sihmanhsehlaw nu le pa sualnak, thurhnawmhnak le hakkauhnak hna cu mithiang nunning he aa tlakin, nan lakah a chim in chim ti hlah u. Zer ceih, holh dawh lo le capo thurhnawm chim te hna he nan i tlak ti lo, lunglawmhnak tu chim deuh u.
Nu le pa sualnak a tuahmi, mi thurhnawm le mi hakkau (cucu siasal biami) hna nih cun Khrih le Pathian pennak cu an co lai lo ti cu fiang tein hngal ko u. Ahohmanh nih sullam ngei lomi bia in in hleng hna hlah seh, zeitintiah hi bantuk thil ruangah hin Pathian thinhunnak cu nawlngai lomi hna cungah a tlung tawn. Cucaah mah bantuk mi hna he cun i kom hlah u. Zeitintiah muihnak ah nan rak um tawn nain atu cu Bawipa ah ceunak ah nan um cang. Ceunak fale bantukin nung u; (ceunak theitlai cu a òhami le a dingmi le a takmi ah a lang tawn). 10 Bawipa duhning cu zeidah a si ti kha hngalh i zuam u. 11 Theitlai ngei lo muihnak rianòuannak ah cun i tel ve hlah u. A hmaan lomi kha phuan i zuam deuh u. 12 A thli in an ruahmi hna cu chim awk hmanh ah ningzak an si. 13 Sihmanhsehlaw zei thil paoh ceunak nih a phuan tikah cun hmuh khawh a si dih, zeitintiah a lang khomi thil paoh cu ceu ah aa cang. 14 Cucaah cun,
“Tho tuah u, a it mi hna,
Thihnak cun tho òhan u law
Khrih nih ceunak an pek hna lai,” tiin an rak chim tawn.
15 Cucaah cun nan nunning ah i ralring ko u, mihrut bantuk si loin mifim bantukin nung u. 16 Caan chia i a ummi kan si caah nan caan cu òha tein hmang u. 17 Hrut hlah u, Bawipa duhnak tu kha hngalh i zuam u. 18 Cun zu ri hlah u, zeitintiah cucu nunning hman lo a si. Thlarau tu khan khat deuh u. 19 Thangòhatnak hla le Pathian hla le Thlarau lei hla in i chawnbia u law nan lungthin vialte in Bawipa sinah hla sa u. 20 Kan Bawipa Jesuh Khrih min in zeizong kip ah Pa Pathian sinah lunglawmhnak chim zungzal ko u.
21 Khrih nan upat caah pakhat le pakhat i nawl thiam u. 22 Nupile hna Bawipa nawl nan ngaih bantukin nan vale nawl ngai ko u. 23 Zeitintiah Khrih cu Khrihfabu, amah pum, lu a si i a khamhtu zong a si bantukin va cu nupi lu a si. 24 Khrihfabu nih Khrih nawl a ngaih bantukin nupile zong zeikip ah nan vale nawl ngai ko u. 25 Vale hna Khrih nih a Khrihfabu a dawt i a nunnak a pek bantukin nan nupile cu daw ko hna u. 26 Khrih nih a Khrihfabu cu amah sin lila ah khan dawh te le thianghlim tein palhnak zeihmanh um lo le buahneh, sawngkor, 27 chambaunak zeihmanh um lo tein a um khawh nakhnga bia in ti chungah a òawl i a thianter. 28 Cu bantuk cun vale hna nih cun anmah pum an i dawt bantukin an nupile an dawt hna awk a si. A nupi a dawmi cu amah le amah zong aa daw ve. 29 Zeitintiah ahohmanh nih amah thisa a hua bal lo, Khrih nih a Khrihfabu a zohkhenh i a dawt bantukin a dawt tawn; 30 zeicahtiah kannih zong a pum cheubang kan si. 31 “Cucaah cun mipa nih a nu le a pa a kal tak hna lai i a nupi he an i fon lai i an pahnih in pakhat an si lai.” 32 Hihi biakenret thuk ngaimi a si, kei nih cun Khrih le a Khrihfabu kong a chim tiah ka ruah. 33 A zei a si khom ah ahopaoh nih nan nupile cu nanmah nan i dawt bangin daw hna u law nupi zong nih a va cu a upat awk a si ti kha hngal seh.