4
Cu a si caah cun Bawipa ruangah thongtla keimah nih auh nan si cangnak he aa tlakin nun awkah kan nawl hna. Zeizong vialte ah toidornak le nunnemnak le lungsaunak le dawtnak in pakhat le pakhat i nawlthiam u. I rem tein Thlarau ah pumkhat si awkah nan lung tho peng ko u. Ruahchannak pakhat caah auh nan si bantukin pum pakhat Thlarau pakhat a um. Bawi pakhat, zumhnak pakhat, baptisma pakhat lawng a um. Mi vialte kan Pa Pathian pakhat lawng a um, zeipaoh a uk dih, zeipaoh a hlanh dih i zeikip ah aa hrolh. Sihmanhsehlaw velngeihnak cu Khrih nih a laksawng a tahning in pek cio kan si. Cucaah Cathiang nih,
“A sannak bik hmun i a kai ah khan raltang sal tampi aa kaipi hna i
mi hna sinah laksawng a pek hna,” a rak ti.
“A kai,” ti tikah zeidah a chim duhmi a si, vawlei tawne zongah a vung òum, tinak a si ko. 10 A òummi pa cu van sangpi hmun zongah a kai, cucu zeizong vialte a tlinter nakhnga caah a si. 11 Laksawng a pekmi hna cu, cheukhat lamkaltu ah, cheukhat profet ah, a cheu phungchim vak dingah, a cheu pastor le cawnpiaktu ah an si. 12 Mithiangmi hna kha a rianòuantu ah thuamh awk le Khrih pum òhanter awkah a tuahmi hna a si. 13 Cuticun zumhnak le Pathian Fapa a si hngalhnak ah khan pakhat kan si lai i mitling satling si in Khrih a tlinnak cu kan phan kho lai. 14 Fimzertian hlenthawinak in a pingah hruai awkah zumhnak cawnpiakmi a phunphun thli a hrangmi nih a kenkip ah a choihmi ngakchia bantuk kan si ti lai lo. 15 Dawtnak in biatak tu kan chim lai i lu a simi Khrih chung tu ah khan zeizong leiah kan òhan awk a si. 16 Lu a simi Khrih cu lu a si i pum dihlak cu amah ah aa hngat, hliah le cang vialte an i peh i an i òemòawn dihnak a si. Pum cheubang hna nih an òuan awk hnga kha ningcang tein an òuan cio tikah a pum dihlak cu dawtnak in an òhanpi i an senghter.
17 Cun Jentail hna bantukin lolak ti hlah u, tiah Bawipa min in fek tein bia kan beuh hna. 18 Annih cu an lung mit a caw, hngalhnak zeihmanh an ngei lo ruang le an lung a khawn caah Pathian nunnak he cun an i òhen. 19 Ningzah zong an hngal lo, sualnak tu ah an i pe i a thurhnawmmi phunkip kha hakkau ngaiin an tuah. 20 Cucu Khrih nan rak hngalhning a si lo! 21 Jesuh ah biatak a umning in nan theih lai i cawnpiak nan si diam cang lai tiah ka ruah. 22 Cucaah thisa duhnak nih a hrawh cangmi hlanlio nan nunning horduhcuainak nun hlun khan i hlitphuak u. 23 Nan ruahnak le nan lungthin cu thar chuah u law, 24 Pathian he aa lo in sermi dinnak le thianhlimnak a taktak sining thar cu i hruk cang u.
25 Cu a si caah lihchim ti loin, pakhat le pakhat pum cheubang cio kan si bantukin innpa chakthlang sinah biatak lawng chim u sih. 26 Nan thin hung ko seh, sualnak tu cu tuah hlah. 27 Nan thinhun buin ni tlakter hlah u. Khuachia cu caan rem pe hin hlah u. 28 Mifir nih fir ti hlah seh, a chambaumi hna sinah pekòhenh awk a ngeih nakhnga zaangba in rian òuan ko seh. 29 Nan ka in holh phun chia chuak hlah seh law mi a òhanchotertu ding lawng a herhning in chim u law a theimi hna ca zongah vel a tlunter lai. 30 Tlanhnak ni caah chingchiahnak an khenhchihtu hna Pathian Thiang Thlarau cu a lung fahter hlah u. 31 Huatnak, ingpuannak, thinhunnak, phunzainak, thangchiatnak le i ralnak vialte hna cu hlonh diam u law 32 Pathian nih Khrih in an ngaihthiam hna bantukin pakhat le pakhat cungah zaangfahnak, lungnemnak le ngaihthiamnak ngei ko u.