9
Jerusalem Dan A Tat
1 A thang ngaimi aw thawng pakhat kha ka theih i, “Khuapi kha hrawh awkah thiahmi cu an hriamnam cio kha i put in an ra
khih,” tiah a ti.
2 Cun cunglei chaklei kutka hei fuhnak lam khan mi paruk an rat kha ka hmuh, raldohnak hreitlung an i put cio i anmah lak i
pakhat cu puan hmangòhia aa aih i a tai ah cafung le cahang kha
a ngei; cun dar biakòheng pawngah khan an dir.
3 Cun cherubim cung khan Israel Pathian sunparnak cu a tho. Biakinn tual ah khan a ra i puan hmangòhia aa aih i a tai ah
cafung le cahang a ngeimipa kha a kawh i,
4 “Khua chungah khan vaa chawk tuah, Jerusalem khua chungah khan vaa chawk tuah, khika i thil fihnung an tuahmi ruang i a
òapmi hna le a ngaih a chiami hna kha an cal ah hmelchunhnak va
khenh hna, tiah
Bawipa
nih a ti,” tiah a ti.
Ref 9.4: Biat 7.3; 9.4; 14.1
5 Cun a dang hna cu, “Khua chungah khan zul u law zaangfahnak um loin that hna u, ngan hna hlah u.
6 An dihlak in that hna u law hrawk dih hna u, a tar siseh, a no siseh, nu ngakchia si hna seh, ngakchia tete si hna seh, nu
si hna seh, that dih hna u; sihmanhsehlaw hmelchunhnak a ngeimi
kha cu ahohmanh tawng hna hlah u; ka hmunthiang khan i thawk
u,” tiah a ti thawng kha ka theih. Cucaah biakinn hmai khan upa
hna nih cun an i thawk.
7 “Biakinn kha thurter u, a tual kha miruak in khahter dih u law cun khua chungah va kal u law va that hna u,” tiah a ti.
8 Annih nih an rian an òuan lioah khan keimah lawng cu ka um i khi tikah ka bawk i, “Maw Bawipa
Pathian,
Israel mi a tangmi vialte hi na thah dih hna lai maw?
Jerusalem khua cungah na thinhunnak cu na bungh ko lai maw?,”
tiah ka au.
9 Cun a ka leh i, “Israel mi le Judah mi òhat lonak cu a ngan hringhran ko; ram cu lainawnnak in a khat i khuapi cu dinlonak
in a khat. Hi ram hi
Bawipa
nih a hlawt cang tiah an ruah.
Bawipa
nih zeihmanh a hmu lo, tiah an ruah.
10 Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah
ka chimter hrimhrim hna lai,” tiah a ti.
11 Cun puan hmangòhia aa aih i a tai i cafung le cahang a ngeimipa nih khan a tuahmi cu a hung chim i, “Nangmah nih nawl
na ka pekmi kha ka tuah dih cang,” tiah a ti.