46
Phunglam Dangdang
Mah hihi Bawipa Pathian bia an si: Chunglei tual nichuahlei kutka cu rianòuan ni ni ruk chung kha khar a si lai; sabbath ni le thla thar ni lawngah hun a si lai. Uktu bawi kha lenglei in kutka innleng ah khan a rat tikah, innka tung ah khan a dir lai i tlangbawi hna nih khan a khangh thawinak le daihnak thawinak kha an thawi hna lai. Kutka luh lai te ah cun a lu a khun lai i cun a chuak lai, sihmanhsehlaw kutka cu zanlei tiang khar a si lai lo. Sabbath ni le thla thar ni ah kutka luhnak ah cun mizapi nih Bawipa hmaiah an kun lai.
Uktu bawi nih Bawipa sinah a pekchanhmi khangh thawinak cu hi bangin a si lai: sabbath ni ah dotla tuu paruk le dotla tuukawng pakhat; rawl thawinak cu tuukawng he pek chih awkah khan ephah pakhat a si lai i tuu he pek chih awkah khan cun a duh zat paoh a si lai, cun ephah pakhat ca i chiti hin khat kha aa tel chih lengmang lai. Thla thar ah dotla cawtum no pakhat, tuu paruk le tuukawng pakhat, an dihlak in dotla, pekchanh an si lai. Cun rawl thawinak caah khan cawtum he pek chih awkah ephah pakhat, tuukawng he pek chih awkah ephah pakhat, tuu he pek chih awkah a pek khawh zat paoh an si lai i ephah pakhat caah chiti hin khat lengmang a chap lai.
Uktu bawi cu a rung luh tikah kutka innleng khan a rung lut lai i cu lam òhiamòhiam cun a chuak lai. Sihmanhsehlaw puai ni ah cun, mizapi kha Bawipa hmai i an rat tikah cun, kun awkah chaklei kutka in a lutmi pa cu thlanglei kutka in a chuak lai i thlanglei kutka in a lutmi pa cu chaklei kutka in a chuak lai. I mer in a luhnak kutka khan a chuah òhan awk a si lai lo, hmailei tu ah khan a lanh awk a si deuh lai. 10 Uktu bawi cu an sinah cun a um lai i an luh ah a lut ve lai i an chuah ah a chuak ve lai.
11 Khual puai ah le puai ni paoh ah rawl thawinak cu cawtum he pek chih awkah ephah pakhat, tuukawng he pek chih awkah ephah pakhat, tuu he pek chih awkah a duh zat paoh, a si lai i ephah pakhat ah chiti hin khat lengmang a si chih lai.
12 Uktu bawi nih khan khangh thawinak siseh, daihnak thawinak siseh, mah lungtho tein Bawipa sinah pekmi raithawinak caah a pek tik hna ah, nichuahlei kutka kha hunpiak a si lai i sabbath ah a tuah bantuk khan a khangh thawinak le a daihnak thawinak kha a tuah hna lai; cun a chuah tikah a hnu cun kutka cu khar a si lai.
13 Nifate in dotlami tuufa, kum khat a timi kha Bawipa sin i khangh thawinak caah nan thawh lai; zing fate in nan thawh lai. 14 Cu sinah cun rawl thawinak caah zing fate in ephah cheu ruk cheu khat kha nan thawh chih lai i changvut nawnnak caah chiti hin cheu thum cheu khat zong nan thawh chih fawn lai; Bawipa ca i rawl thawinak hi zeitik caan paoh ca i nan tuah lai tiah timi a si. 15 Zing fate in pekchanh tawnmi khangh thawinak caah cun tuu pakhat le rawl thawinak kha le chiti kha an pekchanh zungzal lai.
16 Hihi Bawipa Pathian bia cu an si: Uktu bawi nih khan a thilri chungin thil pakhatkhat cu a fapa pakhatkhat kha a òhenh tikah cu thil cu a fapa ta a si lai, zeicahtiah cu thil cu a innchungkhar thil lak i aa telmi kha a si. 17 Sihmanhsehlaw cu bantuk laksawng cu a sal pakhatkhat sinah a òhenh tikah sal in a luat tiang ca lawng kha a si lai; sal in a luat tikah cun a bawi sinah khan a kir òhan lai; cu thil cu a fapa hna thil a si i anmah ta a si lai. Ref 46.17: Lev 25.10
18 Uktu bawi nih khan mi nih an ngeihmi thilri kha a lakpiak hna lai lo; a fapale kha ro pek a duh hna tikah amah nih a ngeihmi vawlei khan a cheuh hna lai i cuticun ka mi hna cu an ro sin khan an i òhen lai lo i an i òhek lai lo.
19 Cun mipa nih cun chunglei tual thlanglei kam i a ummi, chaklei a hoihmi khaan hna i va luhnak ah khan a ka kalpi. Hi khaan cu tlangbawi hna ca i chiahmi khaan thiang an si. Cu khaan hna nitlaklei i a ummi khaan pakhat kha a ka sawhpiak i 20 a ka thawh i, “Tlangbawi pawl nih thilzarh kha lenglei tual ah an chuahpi sual i mizapi kha mizarh ah an ser sual hna nakhnga lo, hi hmun hi tlangbawi pawl nih phungbuar thawinak le sual thawinak sa an chuannak hmun a si lai i rawl thawinak an reunak hmun a si lai,” tiah a ti. 21 Cun lenglei tual ah khan a hei ka kalpi i cu tual a kil pali ah cun a hei ka lanhpi i cu kil ah cun tual dang aa pehmi an rak um cio. 22 Hi tual pali hna cu cungkhuh an ngei dih i an hmetngan kha aa khat dih, an saulei cu dong 40 an si i an kauhlei cu dong 30 an si. 23 Cu hna pali an velchum cio ah cun lungtian tlang khat cio an um i cu lungtian hngatchan cun tappi an um cio. 24 A ka thawh i, “Hi hmun hna hi innpi a zohkhenhtu hna nih mizapi raithawinak an chuannak rawlchuan inn an si lai,” a ti.\c 47
Biakinn Chungin A Luangmi Tiva
Biakinn kutka ah cun a ka kalpi òhan i biakinn innleng tangin tiput pakhat a chuah i nichuahlei ah a luan kha ka hmuh; biakinn cu nichuahlei a hoih. Ti cu orhlei kam thluahmah in a luang i biakòheng thlanglei kamah cun a vung luang. Ref 47.1: Zek 14.8; Jhn 7.38; Biat 22.1 Chaklei kam kutka khan a ka chuahpi i tual nichuahlei kam i a ummi kutka ah khan a lenglei i a ummi lam in a ka kalpi i ti cu orhlei kam in a tla kiahmah. Mipa cu nichuahlei i a va chuah tikah khan tahnak fung pakhat aa put. Dong 1-000 kha a vun tah i ti cu a ka tanter i ka fengbeo a phan. Dong 1-000 a vun tah òhan i ti cu a ka tanter òhan i ka khuk tiang a phan. Dong 1-000 a vun tah òhan i ti cu a ka tanter òhan i ka tai tiang a phan. Dong 1-000 a vun tah òhan i tilianpi ah a cang i ka tan kho ti lo, zeicahtiah ti cu a òhang tuk cang i a thuh leiah leuhnak tlak a simi a si cang; tan khawh lomi tilianpi ah a cang cang. A ka thawh i, “Mipa, mah hihi chingchiah tuah,” a ka ti i tilian kamah cun a ka kalpi òhan. Ti kam i kan rat òhan tikah cun a kap hnih in thingkung tampi an um kha ka hmuh. Cun a ka thawh i, “Hi ti hi nichuahlei i a ummi hmun ah a luang i Arabah tiang a vung luang; a donghnak ah cun, a ti a thumi rili tiang kha a vung phan lai i a ti cu a thlumter lai. Hi ti a luannak hmun paoh ah khan sermi thilnung zeipaoh nih nunnak an hmuh lai. Nga cu rel cawk lo an si lai; zeicahtiah hi ti cu tithlum a si caah hi ti a luannak paoh ah zeizong vialte an nun nakhnga caah a si. 10 En-gedi in En-eglaim tiang a kam ah cun ngatlai pawl nih khan an sur an samh hna lai i an dir lai. Khika ah khin nga phun zakip cu a bu pipi in an um lai, Rili Ngan i a ummi nga hna bantuk khin; 11 sihmanhsehlaw a cerh le a tidil hna cu an ti kha thlumter an si lai lo, cite sernak caah cuticun chiah an si ko lai. 12 Cu tiva a kam hnih ah cun rawl ca i a òhami thingkung vialte kha an um lai. An hnah cu a uai lai lo i an thei cu dongh ti a um lai lo; thla fate in tuante ah an tlai lengmang lai. Zeicahdah cuticun an si ti ahcun, an tohmi ti kha hmunthiang in a rami a si i an thei cu rawl caah an si i an hnah cu damnak caah an si,” tiah a ti. Ref 47.12: Biat 22.2
Ramri Fianternak
13 Hihi Bawipa Pathian bia cu an si: Israel miphun hna nih ram cu co awkah an luh tikah hihi an ramri cu an si lai, Josef nih khan vo hnih a co lai. 14 Kut hler in nan pupa hna sinah pek awkin chiat ka sermi ram cu pakhat le pakhat nan i cheu cio lai; camcawhfung khiah in nan ro ca ding cio ah khan pek nan si lai. 15 A ramri cu hihi a si lai: chaklei kamah, Rili Ngan in aa thawk lai i Hethlon le Lebo-hamath le 16 Zedad le Berothah le Sibraim kha a tan hna lai, cu hna cu Damaskas le Hamath ramri karlak i a ummi an si, cun Hauran ramri pawng Hazar-enan ah a lan lai. 17 Cucaah ramri cu rili in Damaskas ramri pawng i a ummi Hazar-enan tiang a kal lai i chaklei ah a hung kai lai; hihi a chaklei kam ramri cu a si. 18 Nichuahlei ah cun Jordan kha Hauran le Damaskas, Gilead le Israel mi hna karlak ramri a si lai, cun ramri cu a vung kal lai i Nichuahlei Rili ah Tamar tiang a phan lai, cu vial cu nichuahlei ramri kongah cun a si lai. 19 Thlanglei kam ramri cu Tamar in aa thawk lai i Kadesh pawng i a ummi Meribah ti tiang a phan lai; nannih pekmi ram cu Rili Ngan tiang a phan lai. Mah hihi Negeb leiah thlanglei kam cu a si. 20 Nichuahlei ramri cu Rili Ngan cu a si ko; Lebo-hamath zawn tiang khan cucu ramri a si ko. 21 Nitlaklei ramri cu hi vial hi a si ko. 22 Hi ram cu Israel miphun hna kha ro caah camcawhfung khiah in nan i phaw lai, cun ramdangmi nan sin i a ummi hna zong kha fapa a ngeimi cu nan phawt ve hna lai. Annih cu Israel ram kek ah nan rel ve hna lai i Israel miphun hna lakah khan camcawhfung khiah in ro kha an co ve lai. 23 Ramdangmi cu a umnak phun sinah khan a covo cu nan pek lai, tiah Bawipa Pathian hrimhrim nih a ti.