44
Nichuahlei Kutka Hmanning
1 Hmunthiang lenglei kutka, nichuahlei a hoihmi ah cun a hei ka kalpi òhan i a rak i khar.
2 Bawipa nih cun a ka thawh i, “Hi kutka hi aa khar peng ko lai, aa hung lai lo. Bawipa, Israel Pathian cu a chung hin a luh caah minung ahohmanh an lut ve lai lo.
3 Khar a si peng ko lai. Sihmanhsehlaw uktu bawi belte cu hika i bawi a si caah, Bawipa hmai i rawl ei awkah khika ah a òhu lai; kutka innleng cun a lut lai i a chuak lengmang lai,” a ti.
Biakinn Chung Luhning Phung
4 Chaklei kam kutka, biakinn lei a hoihmi ah khan a hun ka kalpi i Bawipa sunparnak nih Bawipa inn chungah a rak i zelh kha ka hmuh i ka bawk.
5 Bawipa nih cun a ka thawh i, “Mipa, nangmah kan chimhmi vialte, Bawipa inn ca i zulh awk phung le lam vialte hna kha òha tein i chingchiah hna law òha tein zoh hna law òha tein ngai hna. Bawipa inn chung i luhnak vialte le hmunthiang chungin chuahnak vialte kha òha tein i chingchiah hna.
6 Ral thawh a hmangmi Israel mi cu thawh hna law, hihi Bawipa Pathian bia an si, tiah chim hna: Nan fihnunnak cu kaa zaa cikcek cang, nannih Israel mi hna.
7 Cu hleiah ramdangmi kha nan i ratpi fawn rih hna; annih cu lungthin in siseh pum in siseh cuarpartan lomi an si, ka hmunthiang ah khan nan dir i ka rawl kha a thau he a thi he nan ka pek tikah ka inn kha nan thurhhnawmh i ka biakamnak kha pakpalawng ah nan ser.
8 Ka thil thiang hna cu nanmah nih zohkhenh awk nan si nain hi hna tu hi ka hmunthiang zohkhenhtu ah khan nan chiah hna,” a ti.
9 Mah hihi Bawipa Pathian bia an si: Ramdangmi ahohmanh, lungthin in siseh, pum in siseh, cuarpar tan lo a simi cu ka hmunthiang chungah an lut kho lai lo, Israel mi lak i a ummi hmanh ramdangmi cu ahohmanh an lut kho lai lo.
10 Sihmanhsehlaw Levi mi nih cun Israel mi hna nih a pingah an kal i an siasal kha an biak hna i an òhat lonak ruangah dantatnak an hmuh tikah khan, rak ka hlaw hna hmanh seh law, anmah òhiamòhiam nih ka hmunthiang chungah rian an òuan lai.
11 Biakinn kutka kha an zohkhenh hna lai i khika ah rian an òuan lai. Mi zapi ca i khangh thawinak hna le raithawinak hna kha anmah nih cun an thah hna lai i mi zapi caah cun rian kha an òuan lai.
12 Annih nih an siasal hna hmaiah khan an rian cu an rak òuanpiak hna i an òhat lonak ruangah Israel cu vawlei ah an rak òhumh caah, an òhat lonak ca dantatnak cu an in lai, tiin kut hler in chiat ka ser, tiah Bawipa Pathian nih a ti.
13 Ka sinah tlangbawi rian òuan awkah ratnak lam an ngei lai lo; a thiangmi ka thil kha an naih hna lai lo i Hmun Thiang Bik pawngah khan an ra lai lo; annih nih fihnung an tuahmi thil ningzahnak kha an in lai.
14 Asinain biakinn zohkhenhtu ah cun ka chiah hna lai i khika i òuan ding rian vialte cu anmah kha ka pek hna lai.
Tlangbawi Hna
15 Sihmanhsehlaw Israel mi hna cu ka sinin lam an tlau tikah khan Levi miphun tlangbawi hna, Zadok innchungkhar chung mi a simi tu nih khan cun ka hmunthiang kha òha tein an zohkhenh; hi hna tu nih hin cun ka rian òuan awkah an ka naih lai. Anmah nih an ka tuammuai lai, sathau le sathi cu an ka pek lai, tiah Bawipa Pathian nih a ti.
16 Ka rian òuan awkah le ka fialmi hna tuah awkah ka hmunthiang chungah a lut i ka cabuai a naihmi cu anmah an si lai.
17 Chunglei tual kutka chung i an luh tikah puan hmangòhia in an i thuam lai; chungchin tual kutka le chungchin tual chungah ka rian an òuan tikah sahmul puan an i hruk lai lo. Ref 44.17-18: Exo 28.39-43; Lev 16.4
18 La hmangòhia ludomh an i domh lai i la hmangòhia tawhrolh an tai ah an i hrolh lai; an puan cungah taisawm an i sawmh lai lo, an thlan a chuak sual hnga.
19 Lenglei tual i mizapi sinah an va chuah tikah, ka rian an òuan lio i an i hrukmi thilpuan kha an i phoih lai i a thiangmi khaan chungah khan an chiahtak hna lai i thilpuan dang an i hruk lai; cu ti an tuah lo ahcun thiannak òhawnnak kha an thilpuan cun mi zapi sinah khan an kalpi sual hnga. Ref 44.19: Lev 16.23
20 An lu an i met lai lo, an sam zong an sauter fawn lai lo, an sam cu a riam lawngin an riam tawn lai. Ref 44.20: Lev 21.5
21 Tlangbawi ahohmanh, chungchin tual kha a luh lai ah zu a ding lai lo. Ref 44.21: Lev 10.9
22 Nuhmei siseh, makmi siseh, a òhi lai lo, Israel hrin a simi ngaknu kha a òhit lai. Tlangbawi rohmi nuhmei bel a òhit khawh lai. Ref 44.22: Lev 21.7, 13-14
23 A thiangmi thil kha a thiang lomi thil lakin thleidan khawh ding kha ka mi cu an cawnpiak hna lai i a thiangmi thil le a thiang lomi thil an i dannak kha an hmuhsak hna lai. Ref 44.23: Lev 10.10
24 Pakhat le pakhat i siknak a chuah tikah zung ah bia an ceih hna lai i bia cu ka phung ning zulh in an khiah hna lai. Caan ngei in tuahmi ka puai dihlak ah ka phung le ka nawlbia kha an zulh hna lai. Ka sabbath kha thiang tein an ulh hna lai.
25 An nu an pa, an fanu an fapa, an u an nau, va a ngei lomi an far hna dah ti lo ahcun, mithi ruak he i tonghnak in an i thurhhnawmh lai lo. Ref 44.25: Lev 21.1-4
26 An i thianh hnuah ni sarih an rel lai i cu hnuah cun an thiang lai.
27 Hmun Thiang Bik chung i rian òuan awkah chungchin tual ah khan an luh tikah, an sual thawinak kha an pekchanh lai, tiah Bawipa Pathian nih a ti.
28 Israel ram chungah ro caah ram zeihmanh an ngeih awk a si lai lo; keimah cu an ro cu ka si. Israel ram chungah tinvo rorah zeihmanh na pe hna lai lo, keimah cu an tinvo cu ka si. Ref 44.28: Nam 18.20
29 Rawl thawinak le sual thawinak le phungbuar thawinak ca i hmanmi kha an ei hna lai, cun Israel mi nih Pathian sin i an pekmi paohpaoh cu anmah ta a si lai. Ref 44.29-30: Nam 18.8-19
30 Theitlai hmasa bik hna lak i hmasa bik hna le nan thawhlawm zeizong phun zakip vialte cu a ning piin tlangbawi hna ta a si lai. Nan inn chungah thluachuahnak a cam khawh nakhnga changreu ca nawnmi chang a hmasa bik hlum cu tlangbawi kha nan pek hna lai.
31 Tlangbawi ahohmanh nih, va siseh, saram siseh amah thih in a thimi le sahrang nih a sehmi paoh cu a sa an ei lai lo. Ref 44.31: Lev 22.8