42
Khaan Thiang Hna le Lenglei Vampang
1 Cun chaklei kam i a ummi lenglei tual ah khan a ka kalpi i Biakinn tual lei a hoihmi khaan hna ah khan a ka luhpi. Cu khaan
hna cu chaklei i a ummi inn hna kha hmaitonh in an um.
2 Chaklei kam i a ummi khaan hna cu an saulei dong 100 an si i an kauhlei dong 50 an si.
3 Chunglei tual ta a simi hmun dong kul chungah khan lenglei tual ta a simi lungrual he hmaitonh in inn khaan dot thum in an
um.
4 Cu khaan hna hmaiah cun chunglei kamah lam pakhat a um i dong hra a kau i dong 100 a sau i a luhnak innka hna cu
chaklei kamah khan an um.
5 Cungdot khaan hna cu tangdot le a laifang khaan hna nakkhan an bi deuh. Zeicahtiah hnulei ah pil deuh in sak an si.
6 Dot thum in an um i dot khatnak khaan si hna seh, dot hnihnak khaan si hna seh, dot thumnak khaan si hna seh, an i
ruang hna lo, cucaah cun inntual i a ummi inn dang hna nih dohtu
tung pipi an ngeihmi hna kha an ngei hna lo.
7 Cun innkhaan hna hril lenglei thluahmah ah cun lenglei tual he hmaitonh in vampang pakhat dong 50 a saumi a um.
8 Lenglei tual innkhaan hna cu dong 50 an sau i biakinnpi he hmaitonh in a ummi khaan hna cu dong 100 an
sau.
9 Hi khaan hna kehram thluahmah hin lam pakhat a kal i cu lam ah cun nichuahlei in luh a si, lenglei tual in innkhaan hna chung
i nitlaklei in luh khawh nakding caah khan hi lam cu a si.
10 Cu lam a kauhlei cu inntual vampang rup khan a si.
Thlanglei kam zongah, tual he hmaitonh in le inn he hmaitonh in khaan kha an um
11 i an hmaiah khan lam pakhat a um. Chaklei khaan hna he khan an i lo dih, an saulei le an kauhlei aa khat dih, an innka
hna nih thlanglei an hoih, kha dah ti lo cu, an chuahnak innka
umtuning tehna, an pungsan tehna an i khat dih.
12 Cucaah thlanglei kamah a ummi khaan hna chung luhnak caah khan lam donghnak chaklei vampang hram ah khan innka pakhat a
um.
13 Cun a ka thawh i, “Tual hmai i a ummi chaklei khaan hna le thlanglei khaan hna kha khaan thiang an si caah cu khaan hna
cu
Bawipa
hmaiah a chuakmi tlangbawi hna nih thawinak thiang bik an
einak hna hmun an si lai, cuka khaan hna cu thil thiang bik
thawinak § rawl thawinak, sual thawinak le phungbuar
thawinak § chiahnak hmun thiang an si lai.
14 Tlangbawi kha hmun thiang i a luh tikah, khika ah a hmanmi thilthuam hna kha cuka i an chiahtak hna lo ahcun, lenglei tual
ah khan an chuak lai lo, zeicahtiah cu thilthuam hna cu thil
thiang an si, zapi sin i an va chuah hlanah khan thil dang in an
i thlen awk a si.
Biakinn Hmun Bitkauh
15 Biakinn chunglei hmun kha a tah dih tikah nichuahlei a hoihmi kutka khan a ka chuahpi i biakinn hmun kha a velchum in a
tah dih.
16 Nichuahlei kam kha tahnak fung khan a tah i a tahnak fung ningin dong 500 a si.
17 Cun aa mer i chaklei kam kha a tah i a tahnak fung in dong 500 a si.
18 Cun aa mer i thlanglei kam kha a tah i a tahnak fung ningin dong 500 a si.
19 Cun nitlaklei ah aa mer i a tah i a tahnak fung ningin dong 500 a si.
20 A kam li te khan a tah dih, a saulei dong 500, a kauhlei dong 500 a si. A velchum in vampang nih a kulh i cu
vampang cu hmun thiang le hmun thiang lo thleidannak ca i tuahmi
a si.\c 43
Pathian Sunparnak Biakinn Ah A Kir Òhan
1 Nichuahlei a hoihmi kutka ah cun a hei ka kalpi
2 i Israel Pathian sunparnak cu nichuahlei in a rat kha ka hmuh. A aw cu ti thawng nganpi bantuk a si i vawlei cu a sunparnak cun a ceu. Ref 43.2: Eze 10.3-4, 18-19; 11.22-23; Biat 1.15
3 A mui ka hmuhmi cu khuapi kha hrawh awk i a rat lio i ka hmuhmi bantuk kha a si. Kebar tiva pawng i ka hmuhmi bantuk kha a si i vawlei ah ka bawk.
4 Bawipa sunparnak cu biakinn leiah cun a hung kal i nichuahlei hoih in a ummi kutka leiah khan a kal.
5 Thlarau nih a ka cawi i chunglei tual ah khan a ka chiah i Bawipa sunparnak cu biakinn cu a khat.
6 Cun biakinn chung cun pakhat nih a hun ka chawnh kha ka theih i mipa cu ka pawngah khan a dir.
7 A ka thawh i, “Mipa, ka bawiòhutdan umnak hmun, ka ke chiahnak hmun, Israel mi sinah zungzal in ka umnak ding hmun khi na hmu maw? Annih nih siseh, an siangpahrang nih si hna seh, ka sinah zumhawktlak loin an umnak le an thih tikah an siangpahrang hna ruak in ka min thiang cu an thurhhnawmh ti lai lo.
8 An innleng cu ka innleng pawngah an chiah i an innka tung cu ka innka tung pawngah an bunh, cun keimah le annih karlak ah cun vampang a um i annih nih ka minthiang cu thil fihnung an tuahnak khan an thurhhnawmh i ka thinhun in ka hrawh hna.
9 Sihmanhsehlaw atu cu ka sin i zumhawktlak loin an umnak kha an hlawt lai i an siangpahrang hna ruak kha ka sinin aa hlatnak hmun ah an òhial hna lai i zungzal in an lakah ka um cang lai.
10 Cucaah mipa, Israel mi cu hi biakinn kong le a sawisam le a hmetngan ning cu chim hna, annih cu thilòhalo an tuahmi kha an ning a zah nakhnga.
11 Annih nih an tuahmi vialte kha an ning a zah ahcun annih cu biakinn le a chung thilri hna le chuahnak innka hna le luhnak hna le a sanning vialte le cuticun sak a si lai ti i ruahnak vialte kha tling tein na chimh hna lai; annih cu òha tein chim hna law an hmuh khawh dingin suaipiak hna law annih nih an lung in an i cinken lai i an tuah khawh lai.
12 Hihi tlang cung i sak ding biakinn sawisam cu a si; a velchum in a umnak hmun cu hmun thiang bik a si lai,” a ti.
Biakòheng
13 Hihi biakòheng cu a tungvang kha dong in tah tikah a si, (cu dong cu dong khat le zabok a si kha). Biakòheng a sanlei cu hihi a si: a hram cu dong khat a sang i dong khat a kau. A velchum i a tlang cu khap khat a kau. Ref 43.13-17: Exo 27.1-2; 2Cha 4.1
14 Vawlei i a tonak in a hram tang nung bik cu dong hnih a si, a kauhlei cu dong khat a si, cun a dot hme deuh in a dot lian deuh tiang cu dong li a si i a kauhlei cu dong khat a si.
15 Biakòheng tappi cu dong li a sang i dong khat cio a sangmi ki nih khan an doh.
16 Tappi cu dong hleihnih a sau i dong hleihnih a kau, cucu tungvangpalh tling cu a si.
17 A hram dot cungnung deuh cu a kam li in a saulei dong hleili, a kauhlei dong hleili a si i a tlang cu dong cheu a chah. Biakòheng hram cu dong khat a chah i nichuahlei a hoihmi lamhbak kha an um.
18 A ka thawh i, “Mipa, hihi Bawipa Pathian bia an si: Biakòheng cu ser dih a si tikah pumpek thawinak pekchanhnak ca le a cung i thi thehnak ding caah hihi zulh awk phunglam an si lai.
19 Levi tlangbawi, Zadok tefa hna lawng kha ka rian òuan awkah ka pawngah an ra lai, tiah Bawipa Pathian nih a ti. Annih cu sual thawinak caah cawtum no pakhat na phawt hna lai;
20 a thi cu tlawmpal in na lak i biakòheng ki pali ah khan le a hram dot cungnung deuh a kil pali ah khan le a tlang a velchum ah khan na chiah hna lai i cuticun na thianh lai i a caah remnak na serpiak lai.
21 Cun sual thawinak ca i chiahmi cawtum kha na lak lai i biakinn kulh chungah khan amah ca i chiahmi hmun ah cun mei in an khangh lai, sihmanhsehlaw Hmun Thiang Bik lengah khan a si lai.
22 A ni hnih ni ah do a tlami mehehtum pakhat kha sual thawinak caah na pekchanh lai i cawtum in an thianh bantuk khan biakòheng cu mehehtum in an thianh lai.
23 Biakòheng cu na thianh hirhiar tikah saòil run chung i cawtum no dotla le tuukawng dotla kha na pekchanh hna lai.
24 Bawipa hmaiah khan na pekchanh hna lai; tlangbawi nih cite an phulh hna lai i Bawipa ca i khanghthawinak caah an thawi hna lai.
25 Ni sarih chung cu nifate sual thawinak caah saòil run chungin meheh pakhat, cawtum no pakhat le tuukawng pakhat kha na hman lengmang hna lai; cu hna cu an dihlak in dotla lawngte an si lai.
26 Ni sarih chung kha biakòheng caah cun remnak an ser lai i cun a thiang cang tiah an ti lai i Pathian ca hman awkah an thleidan lai.
27 Cu caan a dih tikah, a ni riat ni in a hmailei ah cun tlangbawi hna nih khan, biakòheng cungah cun nan khangh thawinak hna le nan daihnak thawinak hna cu an thawi hna lai i ka cohlan hna lai,” tiah Bawipa Pathian nih a ti. Ref 43.27: Exo 29.35-37