40
HMAILEI CAAN BIAKINN
Ezekiel kha Jerusalem Ah An Ratpi
1 Sal i kan tan a kum 25nak, cu kum a hramthawk thla, a ni hra ni ah, cu ni hrimhrim ah cun Pathian kut cu ka cungah a phan i khika ah a ka kalpi, cucu khuapi a rawk hnu kum hleili kha a si.
2 Langhnak kha ka hmuh i cu langhnak chungah cun Pathian nih Israel ram ah khan a ka kalpi i a sang ngaingaimi tlang cungah khan a ka chiah i cuka ah cun keimah lei a hoihmi khuapi chung i a ummi inn bantuk inn pakhat kha ka hmuh. Ref 40.2: Biat 21.10
3 Khuapi leiah cun a hei ka kalpi i dar in an sermi mipum a lomi mipa kha ka hmuh i la hmangòhia le tahnak fung kha aa put i kutka ah cun a dir. Ref 40.3: Biat 11.1; 21.15
4 A ka thawh i, “Mipa, òha tein zoh law òha tein ngai hmanh, kan hmuhsakmi thil vialte kha òha tein i chingchiah hna, cucaah cun pei hika ah hin ratpi na si fam cu. Cun na hmuhmi vialte kha Israel mi va chim dih hna,” a ka ti.
Nichuahlei Kutka
5 Cun biakinn a lenglei velchum cu vampang pakhat nih a kulh. Mipa nih aa putmi tahnak fung cu dong ruk a sau, cu dong cu dong sau phun a si i dong khat cu dong khat le zabok lengmang a si. Vampang cu a chahlei kha a tah i cu fung khat cu a si, a sanlei zong cu fung khat òhiamòhiam cu a si. Ref 40.5§42.20: 1Sia 6.1-38; 2Cha 3.1-9
6 Nichuahlei a hoihmi kutka ah khan a ra i a hlei khan a hung kai i kutka innleng cu a tah i cu fung khat cu a kauhlei a rak si.
7 A kam thluahmah i a ummi khaan hna cu an tung ah cu tahnak fung pakhat cio cu an si i an vang zongah cu tahnak fung pakhat cio cu an si òhiamòhiam; khaan pakhat le pakhat karlak ah cun dong nga lengmang a tla; biakinn lei a hoihmi chungpi dongh i a ummi kutka innleng cu, cu fung khat cu a kauhlei a si ve.
8-9 Chungpi le kutka karlak khaan cu a tah i dong riat a si, cun a tung pahnih hna cu dong hnih veve an chah; chungpi le kutka karlak khaan cu biakinn lei naih bik ah khan a si.
10 Nichuahlei kutka a kam veve ah cun khaan pathum an um, an hmetngan cu an i tia dih; cun an karlak i vampang hna cu an chahlei kha an i khat dih fawn.
11 Luhnak kha a tah i a kauhlei cu dong hra a si; cun kutka tiangah khan a thluanchuak in a kauhlei cu dong hleithum a si.
12 Kha khaan hna hmaiah khan tlaihtleng an um cio i a kap hnih in a ummi tlaihtleng veve hna cu dong khat cio an kauhlei cu a si; cun a khaan cu a sau dong ruk, a kauh dong ruk cio an si.
13 Kutka lam cu a tah; hmaitonh in a ummi khaan hna hnulei vampang in hnulei vampang tiangah khan, thlalangawng in thlalangawng tiangah dong kul le dong nga a si.
14 Innleng cu a tah i khattelei kam in khattelei kam tiangah dong kul a si, kutka innleng cu a tah dih hnuah lenglei tual kha a tah,
15 kutka in vung luhnak cun khattelei innleng dongh tiang dong 50 a si.
16 A khaan hna le tung hna nih cun a chunglei cio ah kutka lam lei hoih cio ah cun, thlalangawng an ngei i innleng a chunglei zongah cun thlalangawng an um i tung ah cun tumkung kha an suai cio hna.
A Lenglei Tual
17 Lenglei tual ah khan a ka chuahpi i cu tual ah cun a velchum in a khaan hna le a dot a dot in remhmi lungrual kha ka hmuh hna.
18 Lungrual cu kutka lam tiang kha an sang i an kauhlei le an saulei kha an i can dih; cucu a niam deuhmi lungrual kha a si.
19 Tual cu a kauhlei kha a tah i a niam deuhmi kutka lam khan a chung deuh kutka lam a lenglei tiangah dong 100 a si.
Chaklei Kutka
20 Chaklei ah a hun ka merpi i chaklei a hoihmi kutka lam kha ka hmuh, cucu a leng deuh tual ta kha a si, cun a saulei le a kauhlei kha a tah.
21 A khaan hna cu sir khat ah pathum cio an um. An karlak i a ummi vampang hna le an innleng hna zong cu, kutka pakhatnak i bantuk kha an chahlei cu an si cio: an saulei dong 50, an kauhlei dong 25 cio an si.
22 A thlalangawng hna le a innleng hna le a tum kung hna cu nichuahlei a hoihmi kutka i bantuk kha an si dih; cuka i hung kainak ah cun lamhbak pasarih a um i a innleng cu a chunglei donghnak ah cun a um.
23 Cun chaklei kam kutka he hmaitonh in a ummi tual ah cun nichuahlei kam i a ummi kutka in va luh a si; kutka pakhat cun kutka pakhat tiang cu a tah i dong 100 a si.
Thlanglei Kutka
24 Cun thlanglei ah khan a vun ka kalpi i thlanglei a hoihmi kutka pakhat ka hmuh. A khaan hna le an tung hna le a innleng hna kha a tah hna i hawidang bantuk cio ah an saulei cu dong 50 an si i an kauhlei cu dong 25 an si.
25 Cun kutka nih siseh, innleng nih siseh, hawidang bantuk cio khan an velchum in thlalangawng an ngei cio.
26 Cuka i hung kainak ah cun lamhbak pasarih a um i a innleng cu a chunglei donghnak ah cun a um i a tung ah cun tum kung kha an suai cio hna.
27 Chungchin tual cu thlanglei a hoihmi kutka pakhat a ngei, kutka pakhat in kutka pakhat tiang cu a tah i dong 100 a si.
Chungchin Tual: Thlanglei Kutka
28 Chungchin tual ah cun thlanglei kam kutka khan a ka luhpi i a tah i a hawidang bantuk òhiamòhiam kha a si.
29 A khaan hna le a tung hna le a innleng hna cu a sau dong 50, a kauh dong 50 cio an si ve.
30 Chungchin tual nih cun le a innleng nih cun an velchum in thlalangawng an ngei. A innleng cu lenglei tual kha a zoh;
31 a tung hna ah cun tumkung kha an suai hna i hungkainak ah cun lamhbak pariat a um.
Chungchin Tual: Nichuahlei Kutka
32 Cun chungchin tual, nichuahlei kam i a ummi ah cun, a ka luhpi i a kutka cu a tah i a hawidang bantuk òhiamòhiam kha a hmetngan ah a si.
33 A khaan hna le a tung hna le a innleng zong cu a hawidang bantuk òhiamòhiam kha an si ve ko; chungchin tual cu le a innleng nih cun an velchum in thlalangawng an ngei i a tung cu dong 50 a si i a vang cu dong 25 a si.
34 A innleng cu lenglei tual kha a hoih i a tung kip ah cun tum kung kha an suai hna; hung kainak ah cun lamhbak pariat a um.
Chungchin Tual: Chaklei Kutka
35 Cun chaklei kutka ah khan a ka kalpi i a tah i a hmetngan cu hawidang bantuk òhiamòhiam kha a si.
36 A khaan hna le tung le innleng zong cu cu bantuk òhiamòhiam cu an si ve i a velchum in thlalangawng an um; a tung cu dong 50 a si i a vang cu dong 25 a si.
37 A innleng cu lenglei tual kha a hoih i a tung cungah cun a kam kip khan tumkung an suai hna; hungkainak ah cun lamhbak pariat a um.
Chaklei Kutka Kam Inn Hna
38 Kutka innleng in vung luhnak ah khin khaan pakhat a um i cu khaan ah cun pumpek thawinak kha an òawl hna.
39 Kutka innleng ah cun a kam veve ah cabuai pahnih an um i cuka ah cun pumpek thawinak le sual thawinak le phungbuar thawinak kha an thah hna.
40 Chaklei kutka lei i hung kainak a lenglei ken ah khan cabuai pahnih an um, cun kutka innleng a kil ah khan a dang pahnih zong an um òhan.
41 Kutka lam a kil pali ah khan, kil khat ah pakhat cio an um òhan; an dihlak in sa thahnak ca i hmanmi cabuai cu pariat an si.
42 Pumpek thawinak ca i hmanmi pali hna cu lung in sermi an si, an saulei dong khat le a cheu, an kauhlei dong khat le a cheu, an sanlei dong khat cio an si; cu hna cungah cun pumpek thawinak ca le raithawinak dangdang hna ca i hmanmi thilri kha an chiah hna.
43 Pekchanhmi sa cu cabuai cungah cun an chiah hna, cabuai cu a tlang zabok in a velchum in an kamh, a tlang kamhnak cu a chunglei a hoih.
44 Cun chungchin tual chungah khan a ka luhpi i a chungah cun khaan pahnih ka hmuh hna, pakhat cu chaklei kutka kil ah khan a si i thlanglei a hoih, pakhat cu thlanglei kutka kil ah khan a si i chaklei a hoih.
45 Thlanglei a hoihmi khaan hi biakinn a zohkhenhtu hna tlangbawi hna caah a si tiah a ka chimh.
46 Chaklei a hoihmi khaan hi biakòheng a zohkhenhtu hna tlangbawi hna caah a si; hi tlangbawi hna cu Zadok fapale kha an si i Levi miphun chungah khan anmah lawnglawng hi Bawipa rian òuan awkah a pawngah a ra ding cu an si.
Chungchin Tual le Biakinn
47 Tual cu a tah i tungvangpalh a si; a tung dong 100, a vang dong 100 a si i biakinn hmaiah cun biakòheng kha a um.
48 Biakinn chung a innleng ah cun a ka luhpi i innleng i a ummi tung pakhat cu a tah i a chahlei cu dong nga veve a si, kutka lam cu dong hleili a kau i kutka lam a kil cu dong thum cio an si.
49 Innleng cu a sau dong kul a si i a kauh dong hleihnih a si; hung kainak ah cun lamhbak pahra a um i innka tung pawngah cun a kap hnih in tung ngan pipi an um.