27
Tair Òahnak Hla
1 Bawipa nih ka sinah a chimmi bia cu hihi a si. A ka thawh i,
2 “Mipa, Tair hi òahhla lawh tuah, i thawh law,
3 ‘Maw Tair, nangmah cu na rili lawngdinhnak hmun cungah naa hmung liailuai ko i nangmah nih miphun hna chawlehnak le chawhrawlnak cu rilikam ram tampi hna le tikulh tampi hna sinah na kalpi, mah hihi Bawipa Pathian bia a si:
Maw Tair, naa thawh i,
“Kei cu dawhnak ah ka tling,” na ti.
4 Na ramri cu rili chungpi tiang khi
a phan i
nangmah an sertu hna nih
naa dawhnak cu tling tein an ser;
5 Na thingrua caah Senir ram
farthing kha an hman hna i
na sangphawlawng tung sernak caah
Lebanon sidar thing kha an lak hna.
6 Bashan ram kuhthing a sang
bikbik hna in na lawng zahnak
fung kha an ser hna.
Kittim tikulh rili kap tufar thing
in na lawng innleng cu
fek tein an ser hna.
7 Na lawng puanzar le alan caah
Izipt ram puan òamhmi kha
an hman hna;
Na lawng cung ni deu thlamhnak
hna cu Elishah tikulh maimaw
puan le puan senduk in an ser hna.
8 Sidon mi le Arvad mi kha
na lawng zaptu ah an cang i
Maw Tair, na lawng mawngtu ah
mi thiamthiam na chungah
naa ngeih hna.
9 Gebal ram i mi thiamthiam hna nih
na lawng kha an in thloppiak.
Na thil an zuarhpiaktu ah rili i
a kal khomi sangphawlawng le
a cawngtu kha naa ngeih hna.
10 Paras mic Paras cu Persia tinak a si. le Lud mid Lud cu Lidia tinak a si. le Put mie Put cu Libia tinak a si. nih
ralkap an in òuanpiak;
An phaw le an luchin kha
na velchum in an thlai hna i
Sunparnak an petu hna cu
anmah cu an si.
11 Arvad mi hna le Silisia mi hna nih
na ralhau kha an in conghpiak i
Gammad mi hna nih na ralvennak
innsang khan ral an in venpiak i
Na ralhau velchum in an phaw kha
an thlai hna;
Naa dawhnak a tlintertu cu
anmah kha an si.
12 Chawlehnak i na hram pakhat cu Tarshish kha a si i na lungthuhreng chaw caah tampi a ngeihmi ngun le thir le canphio le suan kha an pek.
13 Javan, Tubal le Meshek nih an in dawr ve, na cawk ding caah sal le dar umpu kha an in tarh.
14 Beth-togarmah mi hna nih na lungthu hreng chaw caah rangtum le rangpi le laa kha an in tarh.
15 Rods mi zong nih an in dawr, tikulh ngan hna cu na chawlehnak hram an si, na hmuh awk hnga kha vui ho le eboni thing in an in pek.
16 Edom zong na chawlehnak hram a si, na rian òuanmi a tam hringhran ko, na lungthu hreng chaw caah thlalang sen, òamhmi puan le puan hmangòhia, koral lungvar nak le lungvar sen kha an in pek.
17 Judah le Israel zong nih an in dawr, Minnith in a chuakmi changvut le rawl le a thlummi thil le chiti le balsam thingthling kha na cawk awk caah an in pek.
18 Damaskas cu na chawlehnak hram a si, na thil tuahmi a tam hringhran ko, na lungthuhreng chaw caah tampi a ngeihmi chungin Helbon zu le Sahar tuuhmul le
19 Izalla zu kuang kha an pek; cun na cawkmi chungah kahpathir le kassia thing le fu thlum kha an i tel.
20 Dedan nih a hratmi tuuhmul kha kengdan puan caah an in zuarh.
21 Arabia le Kedar bawi vialte hna cu tuufa le tuukawng le meheh tum in na chawlehnak ah na hram an si; annih he chaw nan i lehnak cu cucu an si.
22 Sheba le Raamah in a rami chawdawr hna zong nih an in dawr ve i zihmui òha bik phun le lung mansung phun zakip le sui kha na lungthuhreng chaw caah an in pek.
23 Harran, Kanneh le Eden, Asshur le Media ram dihlak i chawlet hna nih khan an in dawr;
24 a mui aa dawhmi thilpuan hna le puan sen hna le òamhmi puan hna le a zual in an zualmi hri in an òemmi, a òialmi thilpuan kha an in zuarh; anmah he nan i zuarhnak le nan i cawknak cu hi thil ah hin an si.
25 Tarshish sangphawlawng hna cu
a runrun in
na cawkmi thil a hun phortu
an si;
Rilipi cungah na lawng hna cu
thil tampi phor in an thil a rit ko. Ref 27.25-36: Biat 18.11-19
26 Na lawng zaptu hna nih khan
rili cungah cun an in kalpi,
Sihmanhsehlaw rilipi cungah cun
nichuahlei thli nih an hrawh.
27 Na chawva vialte, na lungthuhreng
chaw vialte, na cawkmi thil vialte,
Na lawng cawng hna le a mawngtu
hna, na lawng remhtu hna le na
chawdawr hna le na ralkap hna le
na lawng chung i
a ummi bu vialte hna,
Nangmah sin i a ummi paohpaoh cu
an dihlak in na vanchiat ni ah
rili chungah thlak an si dih;
28 Na lawng mawngtu hna au thawng ah
ti cu aa let hluahmah ko.
29 Lawng zaptu vialte hna cu
an lawng chungin lengah
an chuah i
Lawng cawngtu hna le lawng
mawngtu hna cu an dihlak in
tikam ah an kal tikah,
30 Na cung i a tlungmi thil kong kha
an thanh lai i
Fak piin an òap lai;
An lu ah leidip kha an i phulh i
vutcam kha an i theh.
31 Na cung i a tlungmi
thil òhalo ruangah khan
an sam an i phawi i
buri puan an i aih;
Nangmah kha fak piin an in òah,
lungfak ngaiin an òap
thluahmah ko.
32 An òah hla ah cun nangmah kha
an in lawh i an hla cu hihi a si:
“Tair bantuk hi ahodah a um?
Rili kamah a inn i chonh tengtung in?
33 Rili kamah na chawva cu
lawng chungin òhumh an si tikah
Miphun tampi hna herhnak kha
na tlinter;
Na thil ngeihmi a tam hringhranmi le
Thil na cawkmi in vawleicung
siangpahrang kha na rumter hna.
34 Atu cu a thukmi ti chungah
rili nih an khuai cang;
Na thilri vialte le na mibu vialte
hna cu an tla cang.
35 Rilikam i a ummi vialte hna le
tikulh i a ummi vialte hna cu
na cung i a tlungmi thil nih
an thlakawk a bar hna;
An siangpahrang hna cu an lau i
an hmai a chia dih.
36 Miphun hna lakah chawdawr hna nih
khan nangmah cu an in nihsawh;
Òih a nungmi donghnak kha
na phan cang i
A zungzal in na lo lan ko cang lai.