20
Kan Saltannak Kum
Kum sarihnak kum, thla nganak thla ni hra ni ah, Israel mi upa tlawmpal hna cu Bawipa kha lungthin hal awkah an ra i ka sinah khan an òhu. Khi tikah Bawipa sinin hi bia cu ka sinah a ra. A ka thawh i, “Mipa, hihi Bawipa Pathian bia a si tiah Israel upa cu chim hna: ‘Keimah cu ruahnak hal awkah nan ra maw? Ka nun bangin ka chim, nan ka hal kho lai lo. Hihi Bawipa Pathian bia hrimhrim a si,’ a ti,” tiah a ti.
“Mipa, annih cu bia na ceih hna lai maw? Annih cu bia na ceih hna lai maw? Cun an pale nih fihnung an tuahmi vialte kha chim hna law, mah hihi Bawipa Pathian bia a si, ti hna: Israel kha ka rak thim tikah khan kut hler in Jakob phun sinah khan chiatser in ka rak i òem chih i an sinah Izipt ram ah khan ka rak i phuang; ka kut kha ka hler i, Keimah cu Bawipa nan Pathian ka si, tiah ka rak ti. Ref 20.5-6: Exo 6.2-8 Kha ni ah khan kut hler in chiat ka ser i Izipt ram in kan chuahpi hna lai i nan caah ka thimmi, cawhnuk le khuaihliti in a luangmi ram, ram vialte lak i ram òha cem ah cun kan luhpi hna lai, ka ti. Annih cu an dihlak in, nan mit lungriam koin nan zohmi thil fihnung kha hlaw cang hna u law Izipt ram siasal khan i thurhhnawmh ti hlah u. Keimah cu Bawipa nan Pathian ka si, tiah ka ti hna.
“Sihmanhsehlaw an ka doh, ka bia kha ngaih an duh lo i ahohmanh nih an mit lungriam in an rak zohmi thil fihnung kha hlonh an duh hna lo i Izipt siasal kha hlawt an duh hna lo. Izipt ram ah khan, ka thinhunnak cu ka bunghhnawh lawlaw ko hna lai hlah maw, ka thinlinhnak cu ka hlinh lawlaw ko hna lai hlah maw, tiah ka rak ruat. Israel mi hna an umnak miphun hna lakah khan, ka min cu thurhnawmh a si kun ai lai ri tiah ka min upat in rian kha ka òuan òhan. Khi miphun hna sinah khan, Israel mi cu Izipt ram in ka chuahpi hnanak khan kaa phuang. 10 Izipt ram chung cun ka chuahpi hna i ramlak ah khan ka kalpi hna. 11 Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah. Ref 20.11, 13: Lev 18.5 12 Cu pinah, annih nih kannih cu Bawipa nih Amah caah a kan thianter ti kha an hngalh nakhnga annih le keimah karlak i hmelchunhnak caah sabbath kha ka pek hna. Ref 20.12: Exo 31.13-17 13 Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah òhan. 14 Asinain ka chuahpi hna, a hmumi miphun hna hmaiah khan ka min cu thurhhnawmh a si nakhnga lo ka min hmaizah in ka òuan òhan.
15 “Cuhleiah, ramlak ah cun kut hler in ka chimh hna i kan pekmi hna ram, cawhnuk le khuaihliti in a luangmi ram, ram vialte lak i ram òha cem ah cun kan luhpi hna lai lo, tiah chiatser in ka ti hna. Ref 20.15: Nam 14.26-35 16 Zeicahtiah anmah an siasal kha zulh an duh caah ka phunglam kha an hlawt hna, ka nawlbia kha zulh an duh hna lo i ka sabbath kha an thurhhnawmh hna. 17 Asinain ka zaangfah tuk hna caah ramlak i hrawh le an donghnak phakter ko kha cu ka duh lo. 18 An fale hna cu ramlak ah khan, nan pale zulhmi nawlbia kha zul hna hlah u, an phunglam zulhmi zong kha zul hlah u, an siasal hna zong khan i thurhhnawmh ve hlah u, tiah nawl ka pek hna. 19 Ka thawh hna i, Keimah cu Bawipa nan Pathian ka si, ka nawlbia kha nan zulh hrimhrim lai, 20 ka phunglam kha nan tuah hrimhrim hna lai. Ka sabbath kha thiang tein nan ulh hna lai i nannih le keimah karlak i hmelchunhnak an si lai; cuticun keimah cu Bawipa nan Pathian ka si kha nan hngalh lai, ka ti hna.
21 “Sihmanhsehlaw an fapale hna zong nih cun an ka doh òhiamòhiam. Ka nawlbia kha an zul hna lo i ka phunglam kha an tuah hna lo, pakhatkhat nih rak tuah hna seh law cu, cu thawng cun nunnak an hei hmuh òung hnga, ka sabbath kha an buar fawn hna. Cu tikah ramlak ah cun ka thinhun ka chuahhnawh hna lai i ka thinlinh ka hlinh ko hna lai dahra maw, tiah ka ruah òhan. 22 Sihmanhsehlaw ka chuahpi hna kha a ka hmumi miphun hna mithmuh ah ka min cu thurhhnawmh a si nakhnga lo, ka min hmaizah in ka òuan òhan. 23-24 Cun annih nih ka nawlbia kha an ngai lo i ka phunglam kha an hlawt hna i ka sabbath kha an thurhhnawmh hna i an pupa hna siasal kha an mitthlirh peng hna caah, ‘Nannih cu miphun hna lakah kan òhek hna lai i khuazakip ah kan kalter hna lai,’ tiah kut hler in an sinah ramlak ah chiat kha ka ser. Ref 20.23: Lev 26.33 25 Cun ka tuah rihmi cu hihi a si: An cungah khan nawlbia òha a si lomi kha ka chiah i nunnak hmuh khawhnak a si lomi phunglam kha ka chiah hna. 26 Anmah le anmah kha siasal sin i laksawng an pekchanhnak thawngin ka thurhhnawmhter hna; an tuksa a purh khawh hna nakhnga, an siasal hna sinah khan an fapa upa bik hna kha ka pekter ko hna. Mah hihi ka tuahnak chan cu Bawipa ka si kha an hngalh nakhnga caah a si.
27 “Cucaah maw mipa, Israel mi cu thawh hna law, ‘Mah hihi Bawipa Pathian bia a si,’ tiah chim hna: Nan pupa hna nih an ka serhsat òhan hoi i zumh awktlak loin an um òhan hoi. 28 Annih cu kan pek hna lai tiah kut hler in chiat ka sermi ram i ka luhpi tik hna ah tlangbo kip le thingkung a hnah a òhami paoh kha an i chingchiah i khaka ah khan an raithawinak kha an tuah hna, ka thin a ka phoktu an laksawng kha an pekchanh hna i an rim thaw thawinak le an thlet thawinak kha an hun hna. 29 Nan fuhmi khuahrumbo hi zeidah a si? tiah ka hal hna, a min ah khuahrumbo ti a si lan.
30 “Cucaah Israel mi cu chim hna law hihi Bawipa Pathian bia a si, tiah ti hna; ‘Nan pupa hna nih an i thurhhnawmh bangin nan i thurhhnawmh lengmang ko maw? Fih a nungmi an pathian hna sinah khan maw zeihmanh ruat loin nan i pek lengmang ko? 31 Nannih nih nan laksawng nan pekchanh hna le nan fapale hna cu raithawinak caah mei in nan khangh lengmang hna caah hin nan siasal hna sinah hin nihin ni tiangin nan i thurhhnawmh lengmang ko. Zeitindah nannih nih cun ka ruahnak cu nan ka hal khawh lai, maw Israel mi hna? Nan ka hal kho lai lo, tiah ka nun bangin ka chim,’ tiah Bawipa Pathian nih a ti. 32 Nannih nih nan i thawh i, ‘Ram dang miphun cio hna bang si ve u sih law thing le lung kha bia hna u sih,’ tiah nan ti tikah hin, a si kho bal lai lomi thil kha nan ruahmi hi a si.
33 Nannih cu a òhawngmi kut in kan uk hna lai i ka baan kha kan samhhnawh hna lai i ka thinhunnak kha kan toih hna lai, tiah ka nun bangin ka chim, tiah Bawipa Pathian nih a ti. 34 Nan i òheknak ram chung khan le miphun hna chung khan a òhawngmi ka kut le samhmi ka baan le thletmi ka thinhunnak in kan chuah òhan hna lai i kan pumh òhan hna lai. 35 Miphun dang hna ramlak ah khan kan kalpi hna lai i cuka ah cun hmaitonh tein kan i tawng lai i bia cu kan chalh hna lai. 36 Izipt ram lak chungah nan pupa hna ka rak chalh hna bantuk khan nannih zong kan chalh ve hna lai. Hihi Bawipa Pathian bia hrimhrim a si.
37 “Ka fung tangin kan lanhter hna lai i biakamnak chungah kan luhpi hna lai. 38 Keimah a ka dohtu le a ka raltu kha nan sinin ka òhawl hna lai. Atu i an umnak ram chung hin ka lak hna lai, sihmanhsehlaw Israel mi ram cu an ke nih a lam lai lo. Cuticun Bawipa ka si kha nan hngalh lai.
39 “Cucaah maw Israel mi hna, hihi Bawipa Pathian bia cu a si: Va kal u law nan dihlak in nan siasal kha va phiak dih hna u. Cuticun hmailei ah ka nawl kha ngai loin nan um ti lai lo i nan laksawng hna le nan siasal hna khan ka min thiang cu nan thurhhnawmh ti lai lo. 40 Sihmanhsehlaw ka tlang thiang cungah, Israel tlang sang cungah, khika ah Israel mi hna nih ram chungah an dihlak in ka rian an òuan lai, tiah Bawipa Pathian nih a ti. Khika ah khin ka cohlan hna lai i khika ah khin nan laksawng le nan pekchanhmi thil chung i a òha bikbik hna le a thiangmi nan thawhlawm vialte he khan ka pe u, tiah kan hal hna lai. 41 Nan i òheknak ram hna le miphun hna chungin kan chuahpi hna i kan pumh hna tikah, nan raithawinak rim thaw cu kan cohlanpiak hna lai. Miphun vialte hmuh awkah keimah lawnglawng kha nan ka biak lai.
42 “Nannih cu kut hler in nan pupa hna sinah pek awkin bia ka kammi ram, Israel mi vawlei ah khan kan tlunpi hna tikah, Bawipa cu keimah ka si kha nan hngalh lai. 43 Khika ah nannih nih hlanlio nan umtuning le nan i thurhhnawmhnak thil òhalo vialte kha nan hngalh hna lai i thil òhalo nan rak tuahmi vialte ruangah khan nan i fih lai. 44 Maw Israel mi hna, nan ziaza òhalo le nan tuahmi thil òhalo ningin si loin ka min upatnak in nan cungah ka tuah tikah, Bawipa ka si kha nan hngalh lai. Mah hihi Bawipa Pathian bia hrimhrim a si,” tiah a ti.
45-46 Mah hihi Bawipa nih ka sinah a chimmi bia cu a si. A ka thawh i, “Mipa, i mer law Teman lei kha hoih law thlanglei kha na bia cu chimhnawh tuah; Negeb ram i tupi kha chimhnawh tuah. 47 Thawh law, ‘ Bawipa bia hi ngai tuah, Bawipa bia cu hihi a si: Mei in kan duah lai i thing vialte kha a hring he a ro he an kangh dih hna lai. A meizik kha a mit lai lo i Negeb in a chaklei paohpaoh ah khan hmai vialte cu a kangh dih hna lai. 48 Mi vialte nih a duahtu cu Bawipa ka si kha an hmuh lai; hmih khawh a si lai lo,’ tiah chim,” a ka ti. 49 Cun kei nih, “Aa, a si kho lo! Maw Bawipa Pathian, an ka thawh i, ‘Anih tham cu bianabia lawng pei a chim lengmang ko cu,’ an ka ti,” tiah ka au.