19
Òah Hla
Israel bawi hna cu òah hla lawh
hna law hi bangin ti hna:
‘Nan nu cu chiandeih hna lakah
chiandeih pi a rak si!
Chiandeih no hna lakah
aa bu kha rak ser i
a hrinmi a fa cu an tam.
A fale lak i pakhat cu a cawm i
chiandeih no ah a hung cang.
Sa seh kha a hun thiam i
mi kha a ei hna.
Cun miphun hna nih khan
an auhnawh i
an tlung chungah khan an thlak,
Cun Izipt ram ah khan
sio in an hruai.
A nu nih a umtuning kha
ruahchannak a um lo, tiah
a hmuh tikah a lung a dong.
Cucaah a fale lak i a dang pakhat kha
a lak i chiandeih tum no ah
a ser òhan.
Chiandeih hna lakah khan aa chawk i
Chiandeih tum no umtuning
bantuk khan a um.
Sa seh kha a hun thiam i
mi kha a ei hna;
An inn òhaòha kha a hrawh hna i
an khua kha a òhio dih hna.
Ram le a chung i a ummi thil vialte
kha a onh thawng an theih tikah
an khuaruah a har dih.
Cu ram velchum i a ummi
ram vialte hna nih khan
an hawhawthnawh i
an dawi ciammam i
sur in an vorh i
khor chungah an thlak.
Sio in bawm chungah an hruaih i
Babilon siangpahrang sinah
an ratpi i thong chungah
an thlak.
Cucaah Israel ram tlang cungah
a aw cu zeitikhmanh ah
theih a si ti lo.
 
10 Nan nu cu ti kam i phunmi
mitsur ruang a rak si,
Ti tampi a um caah thei tampi
a tlai i a hnah cu
hring hlerhhlurh in an um.
11 A nge hna cu an òhawng i
Uktu bawi òhiangòhunh i
ser awk hmanh ah an i tlak.
A hung sang i a dang cungah khan
a hung fong,
A san caah khan le a nge an tam
caah khan a lang ngaingai.
12 Sihmanhsehlaw thinhun in sam a si i
vawlei ah hlonh a si;
Nichuahlei thli nih a chem i
a ro dih,
A thei kha a choih dih hna,
A nge òhawngòhawng kha
an ro dih i
mei nih a kangh hna.
13 Atu cu ramlak ah, a ro a carnak
hmun ah phun a si òhan,
14 Amah nge chung lila khan
mei a chuak i
a nge vialte cu a kangh dih hna.
Uktu bawi hna ca i òhiangòhunh
i ser awkah a òhawngmi nge
a ngei ti lo, a ti,’
tiah a ti. Hihi òah hla cu a si i zapi hmanmi ah a cang lan.