12
Jerusalem A Rawk Hrimhrim Lai
Bawipa bia cu ka sinah a ra phan i, “Mipa, na umnak mi hi ralthawh hmangmi an si. Mit an ngei nain khua an hmu lai lo i hna an ngei nain khua an thei lai lo, zeicahtiah mi dohhmang an si. Ref 12.2: Isa 6.9-10; Jer 5.21; Mar 8.18 Cucaah mipa, an mit hmuh hrimhrim ah chun ah lam ca i na herh ding kha i tim law khualtlawn ah cun i thawh tuah. Na inn kha na kaltak i an hmuhhngan ah ral taannak chungah na kal tikah hin, annih nih mi dohhmang kan si ti kha an hei hngalh hmanh hnga maw. Na thil kha chuah hna law ral taannak chung i a kal ding bantukin i tim; an hmuhhngan te ah chun ah tuah law cun zanlei ah cun an hmuh hngan òhiamòhiam ah saltannak chung i a kal dingin na inn in i thawh tuah. Cun an hmuh hngan ah cun vampang kha pem law cu a pemnak chung cun na thilri kha kalpi hna. Cun khua a muih tikah, na thil cu na liang ah i khinh law an hmuh hngan ah cun chuahpi, cun vawlei kha na hmuh khawh nakhnga lo na hmai kha i khuh. Nangmah cu Israel mi hna ca i ralrinnak hmelchunhnak ah kan ser lai,” tiah a ti.
A ka chimh bantukte cun ka tuah. Chun ah ka thilri kha ka chuah hna i saltannak i a kal lai ding bantukin kaa tim i zanlei ah vampang cu ka kut in ka pemh. Khua a muih tikah ka thil cu kaa khinh i an hmuhhngan ah cun ka chuahpi.
8-9 A thaizing ah Bawipa bia cu ka sinah a ra phan i, “Mipa, Israel mi, khi dohhmangmi hna nih khin, zeidah na tuahmi kha a si? tiah an in hal lo maw?” tiah a ti. 10 Cun a ka thawh òhan i, “Mah hihi Bawipa Pathian bia a si tiah chim hna: Hi bia hi Jerusalem khua i a ummi siangpahrang fapa le khika i a ummi Israel mi vialte caah a si. 11 Nangmah cu an caah ralrinnak hmelchunhnak na si kha chim hna; na tuahmi cu an cungah tuah a si lai, annih cu ral taannak le sal taannak ah an kal lai. 12 An siangpahrang fapa nih khan thil kha mui ah aa khinh lai i a chuahnak ding ca i an sermi awng khan a chuak lai, amah cu ahohmanh nih an hmuh khawh nakhnga lo le amah zong nih vawlei kha a hmuh khawh nakhnga lo, a hmai kha aa khuh lai.
13 Sihmanhsehlaw ka sur in ka vorh lai i aa awh lai. Khaldi mi hna umnak Babilon ram ah khan, a hmu lai lo nain ka kalpi lai; cun khika ah khan a va thi lai. Ref 12.13: 2Sia 25.7; Jer 52.11 14 Amah a cawngtu ralkap hna le a ralkap bu vialte kha thlitu pali lakah ka òhek dih hna lai i phawi cia vainam he ka zulh hna lai. 15 Cun miphun dang hna sin le ram dangdang ah ka òhek hna tikah khan Bawipa ka si cu an hngalh lai. 16 Sihmanhsehlaw an lakah tlawmpalte cu vainam le mangòam in le rai in a luat ding kha ka nganh hna lai i cu hna nih cun an va kalnak miphun dang hna sinah khan thil fihnung an tuahnak kong vialte kha an va chim dih lai i annih nih Bawipa ka si kha an hngalh lai,” a ti.
A Biakhiahnak A Leet Lai Lo
17-18 Cun Bawipa bia cu ka sinah a ra i, “Mipa, rawl na ei tikah ther lengmang in ei law ti na din tikah therphang lengmang in um tuah. 19 Cun zapi cu, Jerusalem khua chung i a ummi hna le Israel ram kong i Bawipa bia cu hihi a si, tiah chim hna: ‘Annih nih rawl an ei tikah thinphang in an ei lai i ti an din tikah therphang in an din lai; ram chungah hin tuksapur thil a khat lai; zeicahtiah khika i a ummi hna cu zaang-ennak in an khat. 20 Mi an um tawnnak khua kha a òhing lai i ram cu a rawk dih lai. Cuticun keimah cu Bawipa ka si kha nan hngalh lai,’ tiin na chimh hna lai,” tiah a ti. 21-22  Bawipa bia cu ka sinah a ra phan i, “Mipa, Israel ram chung i atu lio caan i a leng ngaimi phungthluk bia, ‘Caan cu a liam lengmang ko, langhnak hna cu an lo dai lengmang ko,’ timi hi zeidah a si? 23 Annih cu thawh hna law mah hihi Bawipa Pathian bia a si, tiah chim hna: Hi phungthluk bia hi ka donghter cang lai; Israel ram chungah theih a si òhan bal ti lai lo, a ti. Cun annih cu, ‘Cu caan cu a nai ngaingai cang i langhnak cu a tling taktak lai,’ tiah chim hna, a ti. 24 Hi hnuah cun Israel mi hna lakah langhnak deu a um ti lai lo i lih òawnchommi mangihnak zong a um ti lai lo, 25 zeicahtiah Bawipa nih ka duhmi kha ka chim lai i tuah a si ko lai. Hmailei ah thawn a si ti lai lo, mi doh hmangmi hna, nanmah chan ah hin ka chim lai i ka tuah lai, tiah Bawipa Pathian hrimhrim nih a ti,” tiah a ti.
26-27  Bawipa bia cu ka sinah a ra i, “Mipa, Israel mi nih an i thawh i, ‘Langhnak na hmuhmi cu saupi tlin loin a um ko lai, na chimmi cu hmaileipi kum ca khi a si,’ an ti. 28 Cucaah hihi Bawipa Pathian bia a si tiah chim hna: Ka bia cu pakhat hmanh kha a rau lai lo i ka chim lio hmanh ah hin tuah a si lai. Mah hihi Bawipa Pathian bia hrimhrim a si,” tiah a ti.