11
Jerusalem Cu Hlawt A Si
1 Thlarau nih a ka cawi i Bawipa inn, nichuahlei kutka ah khan a ka chiah; nichuahlei a hoihmi kutka ah khan. A innka pawngah khan minung kul le panga an um i an lakah cun bawi ngan pahnih ka hmuh hna, annih cu Azzur fapa Jaazaniah le Benaiah fapa Pelatiah kha an si.
2 Cun Bawipa nih a ka thawh i, “Mipa, hi hna hi khua chung i òhat lonak le harnak khua a khangtu cu an si,
3 an i thawh i, ‘Caan sau nawn chung cu inn sak a um lai lo; khuapi hi sa chuannak um a si i kannih hi a chung sa cu kan si,’ an ti.
4 Cucaah annih kha chim hna, maw mipa, annih kha chim hna,” a ka ti.
5 Cun Bawipa thlarau kha chikkhatte ah ka cungah a rung tlung i, “Mah hihi Bawipa bia a si: Nannih Israel mi hna, mah hihi nanmah le nanmah nan i chimhmi bia cu a si: nan lung chung i a chuakmi ruahnak cu fiang tein ka hngalh ko.
6 Hi khua chungah hin mi kha nan thah lengmang hna i lam ah khan an ruak cu a pon in nan pon hna.
7 Cucaah hihi Bawipa chimmi bia cu an si: Khika i nan chiahmi ruak hna khi pei sa cu an si cu. Khuapi hi sa chuannak um cu a si taktak, sihmanhsehlaw hi khua chung hin kan chuah hna lai.
8 Nannih nih nan òihmi cu vainam a si i cu vainam cu nan cungah ka tlunter lai, tiah Bawipa nih a ti.
9 Nannih cu a chungin kan chuah hna lai; ramdangmi hna kut chungah kan chanh hna lai; biaceihnak hmun ah kan chuahpi hna lai.
10 Israel ramri ah bia kan ceih hna tikah nannih zong vainam in nan thi lai; cuticun Bawipa ka si kha nan hngalh lai.
11 Cucaah khuapi cu nan sa chuannak um a si lai lo, nannih zong a chung i sa kha nan si lai lo.
12 Israel ramri ah nannih cu bia kan ceih hna lai i cuticun Bawipa ka si kha nan hngalh lai. Ka phunglam kha nan zul lo i ka nawlbia kha nan tuah lo, sihmanhsehlaw nan velchum i a ummi miphun dang hna phung tu kha nan zulh,” tiah a ti.
13 Bia ka chim lengmang lioah cun Benaiah fapa Pelatiah cu a thi; cun ka bawk i fak piin ka òap i, “Maw Bawipa Pathian, a tangmi Israel mi vialte kha an donghnak na phakter dih ko hna lai maw?” tiah ka ti.
Saltangmi Sinah Pathian Biakamnak
14-15 Bawipa bia cu ka sinah a ra i, “Mipa, annih cu na unau an si, atu ah Jerusalem khua i a ummi hna nih, ‘ Bawipa sinin ram hlapi ah an um cang, ram cu kanmah ta si awkah pek kan si cang’ tiin an timi hna Israel mi vialte hna hi an ning piin na unau le na rualchan lawngte an si dih.
16 Cucaah, mah hihi Bawipa bia an si, tiah chim hna: Miphun dang hna lakah ram hlapi ah ka òhawl hna i ram tampi ah ka òhek hna tikah, an va kalnak ram hna ah khan caan tlawmte cu an caah himnak hmun ka rak si. Cucaah mah hihi Bawipa Pathian bia cu an si, tiah chim hna:
17 Miphun dang hna chung khan ka pumh òhan hna lai i ka òhek hnanak ram chung khan ka khawmh òhan hna lai, cun Israel vawlei cu ka pek òhan hna lai.
18 Annih cu a chung i an luh tikah òhat lonak an tuahmi vialte le thil fihnung an tuahmi vialte kha an hlawt lai.
19 Lungthin dang ka pek hna lai i an chungah thlarau thar ka khumh lai; an pum chungin lung bantukin a hakmi lung an ngeihmi kha ka chuah lai i titsa bantukin a nemmi lung kha ka pek hna lai. Ref 11.19-20: Eze 36.26-28
20 Cun ka phung kha an zulh lai i ka nawlbia kha an tuah lai. Annih cu ka mi an si lai i kei cu an Pathian ka si lai.
21 Sihmanhsehlaw òhat lonak an tuahmi le thil fihnung an tuahmi cung i a lung a chia òheo rihmi tu cu an tuahmi kha zeicahdah an tuah tiah ka chimter hna lai, tiah Bawipa hrimhrim nih a ti,” tiah a ti.
22 Cun cherubim nih cun an thla an samh i an sirah cun leng kekual kha an um i an cungah khan Israel Pathian sunparnak kha a um. Ref 11.22-23: Eze 43.2-5
23 Bawipa sunparnak cu a tho i khuapi chung khan a chuak i khuapi nichuahlei i a ummi tlang cungah khan a dir.
24 Cun thlarau nih a ka cawi i Khaldia ram i saltangmi hna sinah khan a ka kalpi. Hi thil vialte hi Pathian nih a run thlahmi langhnak khan a rami a si i ka hmuhmi langhnak nih cun a ka kaltak.
25 Bawipa nih ka sin i a phuanmi vialte cu saltangmi kha ka chimh hna.