10
Pathian Sunparnak Nih Jerusalem A Kaltak
1 Cun cherubim hna lu cung i a ummi cungkhuh cungah khan safaiar lungvar bawiòhutdan bantuk a hung langmi kha ka hmuh.
Ref 10.1: Eze 1.26; Biat 4.2
2 Bawipa nih puan hmangòhia aa aihmipa kha, “Cherubim hna tang i
aa mer lengmangmi lengkekual hna karlak ah khan ra law cherubim
hna lak i a ummi meiòil kha na kut khat in i lak hna law khuapi
cungah khan hlonh tuah hna,” tiah a ti. Cucaah ka mithmuh te ah
khan a kal.
Ref 10.2: Biat 8.5
3 Cun mipa cu a vung luh tikah cherubim cu biakinn orhlei kamah khan an dir i chungchin tual cu minmei nih a zelh.
4 Bawipa sunparnak cu cherubim hna cung cun a tho i sangpi ah a kai i
tual leiah cun a kal; cun biakinn chungah cun minmei cu aa zel i
Bawipa
sunparnak ceu nih cun a tual cu a ceuh.
5 Cherubim hna thla khawn thawng cu lenglei tual tiang khan aa thei kho i Lianngan Bik Pathian nih bia chim seh law cu
bantuk cun a thang.
6 Cun puan hmangòhia aa aihmi cu, aa mer lengmangmi leng kekual hna karlak le cherubim hna lak i a ummi meiòil kha lak a
fial i
7 mipa cu a ra i lengkekual pakhat pawngah cun a dir. Cun cherubim hna lak i cherub pakhat nih cun anmah lak i a ummi mei
cu a hei banh i tlawmpal cu a lak hna hnuah puan hmangòhia aa
aih mipa kha a pek; cun mipa nih cun aa lak hna i a chuak.
8 Cherubim hna thla tangah cun minung kut a lomi kha a hung lang.
9 Cherub pakhat sir ah pakhat lengmang in, cherubim hna sir ah cun lengkekual pali ka hmuh hna.
Ref 10.9-13: Eze 1.15-21
10 Topaz lungvar bantukin an cer i an palite cun an i lo dih, lengkekual pakhat chung i a kekual chin bantuk khin.
11 Cherubim hna cu kehlei ah siseh, orhlei ah siseh, hnulei ah siseh, hmailei ah siseh, an kal tikah i mer lo tein an kal;
an lu an hoihnak lei paoh ah khan i mer lo tein an kal.
12 An pum cu a dihlak in, an keng he an kut he an thla he mit in an khat dih, an palite cun, lengkekual zong kha mit in an khat dih. Ref 10.12: Biat 4.8
13-14 Leng kekual aa mer thawng cu ka hna chungah a hung thang. Pakhat nih hmai pali cio an ngei; pakhatnak cu cherub
hmai bantuk a si, pahnihnak cu mi hmai bantuk a si, pathumnak cu
chiandeih hmai bantuk a si, palinak cu mupi hmai bantuk a si.
Ref 10.14: Eze 1.10; Biat 4.7
15 Cun cherubim cu an hung tho i annih cu Khebar tiva pawng i ka hmuhmi thilnung hna kha an si ko.
16 Cherubim cu an kal tikah an sir in lengkekual kha an kal ve; cherubim hna nih an thla an samh i vawlei in an thawh tik
hmanh ah lengkekual cu a pingah an ril lo.
17 Cherub pakhat a dir tikah khan a pawng i lengkekual pakhat zong kha a dir ve i cherub a thawh tikah khan lengkekual
pakhat zong kha a rak tho ve; zeicahtiah thilnung hna thlarau cu
lengkekual chungah khan a um.
18 Khi tikah Bawipa
sunparnak cu biakinn tual khan a chuak i cherubim hna cungah
khan a dir.
19 Cherubim hna nih cun an thla kha an samh hna i vawlei khan an tho; an sir i lengkekual hna he an kal kha ka zoh ko hna.
Bawipa
inn nichuahlei kutka ah khan an dir i Israel Pathian
sunparnak cu an cungah khan a um.
20 Israel Pathian tangah, Khebar tiva ah ka hmuhmi hna thilnung cu hi hna hi an si, annih cu cherubim an si kha ka
hngalh.
21 Hmai pali le thla pali an ngei cio hna i an thla tangah minung kut bantuk kha an um cio.
22 An hmai cu Khebar tiva pawngah langhnak in ka hmuhmi bantuk kha an si; an dihlak te cun hmailei ah ding tein an kal
cio.
ReEdit: Sui Mawng, June 8, 2012, 1:47 pm