PHUNGCHIMTU
Ecclesiastes
Hi filosofar nih a chimmi bia hi zei thil paoh hmanh hi kap hnih an ngei dih i cu kap hnih ah cun òhat lonak lei in zohnak leikap in hmuhning hi a si bik. Asinain Baibal chungah a ummi Pathian zumhnak nih hin cun kha ti thil hmuhning zong kha a pomhlawm khawh chih ve òhiamòhiam ko.
Phungchimtu timi cauk chungah hin vawlei cung thil hnabei dong an sinak hi kan hmuh lengmang, sihmanhsehlaw nunnak a sullam a nganter deuhtu Pathian sinah hin ruahchannak a um zungzal ti zong fiang tein a langhter ve.
1
Nunnak Hi Pakpalawng Men A Si
David fapa, Jerusalem i a ummi
siangpahrang Phungchimtu bia:
Pakpalawng lawngte,
pakpalawng lawngte!
Zeizong vialte hi pakpalawng
an si ko, tiah
Phungchimtu nih a ti.
Minung nih hin nilin lak le
khuasa lak i a òuanmi rian hin
zeidah a miak a hmuh?
Chan khat cu a liam, a dang
chan khat a hung chuak ve,
sihmanhsehlaw vawlei cu
a sining òhiamòhiam khan
a hmun zungzal ko.
Ni cu a chuah kel in a chuak
òhiamòhiam ko, a tlak ningin
a tla òhiamòhiam ko;
A chuahnak hmun ah khan
a hram in i thawk òhan awkah
a kir òhan lengmang ko.
Thli cu thlanglei ah a vung hrang,
cun chaklei ah a hun i let òhan;
aa kual lengmang i
aa thawknak ah khan a kir òhan.
Tiva vialte cu rili chungah an vung
luang, sihmanhsehlaw rili cu
a khat hlei lo; ti cu tiva an i thawknak
ah khan a kir òhan i a hram in
aa thawk òhan ko.
Zeizong vialte hi thadi le zaangbang
an si dih, holh in chim khawh
hmanh an si lo;
mit nih hin hmuh hi cim ti a ngei lo i
hna nih hin theih hi khim ti
a ngei ve lo.
A rak si cangmi kha
a si òhan ko lai,
tuah lengmangmi hi
tuah lai dingmi cu a si fawn ko lai;
vawlei cungah hin zeihmanh
a thar a um lo.
10 “Zohhmanh, mah hihi a thar a si,”
an ti;
sihmanhsehlaw cucu hlanpi ah,
kan chuah hlanpi ah
a rak um diam cangmi a si.
11 Hlanlio thil kha ahohmanh nih
an hngal camcin hna lo,
cun hmailei caan ah atu le cu caan karlak i
thil a um dingmi zong hi
ahohmanh nih
an hngal camcin hna lai lo.
Phungchimtu Nih A Hmuh A Tonmi
12 Phungchimtu keimah hi Jerusalem khua ah Israel mi hna siangpahrang ka rak si. 13 Vanrang toiah mi nih an tuahmi thil vialte hi ka hneksak hna lai i a sullam hngalh kaa zuam hna lai. Pathian nih minung kan cungah thil a kan khinhmi hi a nuam lo ngaimi a si ko. 14 Vawlei cung i an tuahmi thil vialte hi ka hmuh dih, an dihlak in pakpalawng men a si ko, thlitu dawi bantuk men khi an si ko.
15 A kawimi cu na dinter kho lai lo,
a um lomi cu rel khawh a si lo.
16 Keimah le keimah cu, “Mingan ka si cang, keimah hlan i Jerusalem a rak uktu hna nakkhan a let tam piin ka fim deuh. Fimnak le hngalhnak hi zeidah an si, ti kha ka hngalh hna,” ka ti. Ref 1.16: 1Sia 4.29-31 17 Cun fimnak le hruhnak, thil hngalhthiam khawh lonak le hngalh thiam khawhnak an i dannak hi hngalh kaa zuam hrimhrim lai, ka ti. Sihmanhsehlaw cucu ka caah thlitu dawi tluk ceo kha a rak si ko ti cu ka hngalh òhan.
18 Zeicahtiah fimnak cu
a tam deuh paoh ah
lungretheihnak tam deuh
ngeih a si ve ko,
Cun thil tam deuh hngalh paoh ah
tam deuh temhinnak hmuh
a si ve fawn ko.