5
Nawlbia Pahra
(Exo 20.1-17)
1 Cun Moses nih Israel mi vialte cu a kawh hna i, “Maw Israel, nihin ah nanmah theih ah ka chimmi nawlbia le phunglam hna hi thei tuah u law, cawng hna u law, òha tein ul hna u.
2 Bawipa kan Pathian nih Horeb ah kanmah he biakamnak a ser.
3 Hi biakamnak cu Bawipa nih kan pupa hna he a ser a si lo, sihmanhsehlaw nihin ah hika i a nung rihmi kannih kan dihlak he hin a ser a si.
4 Bawipa nih hmaitonh tein tlang ah khan mei chungin an chawnh hna,
5 Bawipa bia kha nannih sin i thanh awkah Bawipa le nannih karlak i ka dir lioah khan; zeitintiah mei ruangah khan nan thin a phang i tlang cungah khan nan hung kal lo. Amah nih hitin a ti:
6 “ ‘Keimah cu Bawipa na Pathian, Izipt ram, sal sinak inn chungin an chuahpitu ka si.
7 “ ‘Keimah hleiah a dang pathian zeihmanh na ngei hna lai lo.
8 “ ‘Nangmah caah serchommi siasal, cunglei van i a ummi thil a lomi siseh, tanglei vawlei i a ummi thil a lomi siseh, vawlei toi i a ummi ti chung i a ummi thil a lomi siseh, na ser lai lo; Ref 5.8-9: Lev 26.1; Deu 4.15-18; 27.15
9 an hmaiah na kun in na bia hna lai lo; zeitintiah kei Bawipa na Pathian cu nahchuakmi Pathian, a ka huami pale sualnak ruang i fale chan thum chan li tiang dan a tat tawntu, Ref 5.9-10: Exo 34.6-7; Nam 14.18; Deu 7.9-10
10 sihmanhsehlaw a ka dawmi le ka nawlbia a zulmi thong tampi cung i a fekmi dawtnak a langhtertu ka si.
11 “ ‘ Bawipa na Pathian min cu sawhsawh in va hmang hlah, zeitintiah a min a hmang sualmi cu Bawipa nih sual lo ah a ruat hna lai lo. Ref 5.11: Lev 19.12
12 “ ‘ Bawipa na Pathian nih nawl an pek bangin sabbath ni cu thianter awkah va ul ko. Ref 5.12: Exo 16.23-30; 31.12-14
13 Ni ruk rian na òuan lai i na rian vialte na òuan lai; Ref 5.13-14: Exo 23.12; 31.15; 34.21; 35.2; Lev 23.3
14 sihmanhsehlaw ni sarih ni cu Bawipa na Pathian caah sabbath a si; cu ni ah cun nangmah nih siseh, na fapa nih siseh, na fanu nih siseh, na salpa nih siseh, na salnu nih siseh, na cawtum nih siseh, na laa nih siseh, na saòil zeipaoh nih siseh, na kutka chung i a ummi khual nih siseh, rian zeihmanh nan òuan lai lo, zeitintiah na salpa le na salnu hna zong nangmah bangin an i din ve lai.
15 Izipt ram ah sal na rak sinak in khan Bawipa na Pathian nih a òhawngmi kut le a samhmi ban in an chuahpi kha na cinken lai; cucaah Bawipa na Pathian nih sabbath ni kha ulh awkah nawl a rak in pek.
16 “ ‘ Bawipa na Pathian nawl an pek bangin na nu le na pa kha va upat hna, Bawipa na Pathian nih an pekmi ram chungah na chan a sau lai i nangmah caah aa remrel lai. Ref 5.16: Deu 27.16; Mat 15.4; 19.19; Mar 7.10, 10.19; Luk 18.20; Efe 6.2, 3
17 “ ‘Lai na nawng lai lo. Ref 5.17: Gen 9.6; Lev 24.17; Mat 5.21; 19.18; Mar 10.19; Luk 18.20; Rom 13.9; Jei 2.11
18 “ ‘Va cung pa duh, nupi cung nu duhnak na tuah lai lo. Ref 5.18: Lev 20.10; Mat 5.27; 19.18; Mar 10.19; Luk 18.20; Rom 13.9; Jei 2.11
19 “ ‘Na fir lai lo. Ref 5.19: Lev 19.11; Mat 19.18; Mar 10.19; Luk 18.20; Rom 13.9
20 “ ‘Na innpa cungah a ding lo biahngaltu sinak na tuah lai lo. Ref 5.20: Exo 23.1; Mat 19.18; Mar 10.19; Luk 18.20
21 “ ‘Na innpa nupi na mit a thi lai lo; na innpa inn siseh, a lo siseh, a salpa siseh, a salnu siseh, a cawtum siseh, a laa siseh, na innpa ta a simi paohpaoh cu na mit a thi lai lo.’ Ref 5.21: Rom 7.7; 13.9
Mi Zapi Nih An Òih
(Exo 20.18-26)
22 “Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a òial hna i keimah kha a ka pek hna. Ref 5.22-27: Heb 12.18-19
23 Muihnak chungin aw kha nan theih tikah, tlang cu mei in a kangh lioah khan, ka pawngah nan ra, nan phun hna lu vialte le nan upa hna kha;
24 cun nannih nih, ‘Zohhmanh, Bawipa kan Pathian nih a sunparnak le lianngannak kha a kan hmuhsak cang i a aw cu mei chungin kan theih cang; nihin ni ah hin Pathian nih minung he bia aa ruah nain minung nih a nun ko kha kan hmuh.
25 Cu a si caah zeicaahdah kannih nih kan thih lai? Zeitintiah hi mei nganpi nih hin a kan kangh dih lai; Bawipa kan Pathian aw kha kan theih rih ahcun kan thi lai.
26 Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?
27 Va naih law, Bawipa kan Pathian nih a chim laimi vialte cu va ngai law, Bawipa kan Pathian nih an chimh laimi vialte cu kan chim ve law, kan theih lai, kan tuah lai,’ nan ti.
28 “Cun Bawipa nih, ka sin i nan chim tikah nan bia kha a theih i Bawipa nih ka sinah, ‘Hi mi hna nih an in chimhmi bia cu ka theih cang; an chimmi vialte cu a dik tein an chim ko.
29 Keimah òih le ka nawlbia hna ulh lungthin atu i an ngeih bang hin a zungzal ngei hna seh law ka hei duh dah, anmah le an fale caah a zungzal in aa remrel hnga!
30 Va kal law, annih cu, “Nan thlam ah kir tuah u,” va ti hna.
31 Sihmanhsehlaw nang cu, hika ah ka pawngah dir law, nawlbia vialte le phungbia le phunglam na cawnpiak laimi hna cu kan chimh lai, co awkah ka pekmi hna ram chungah an tuah hna lai, tiah a ti.
32 Cucaah Bawipa nan Pathian nih nawl an pek hna bangin òha tein nan tuah lai; orhlei ah siseh; kehlei ah siseh nan i mer lai lo.
33 Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.