34
Moses Thihnak
1 Cun Moses cu Moab nelrawn in Jeriko zawn i a ummi Nebo tlang, Pisgah tlangpar ah cun, a hung kai. Cun Bawipa nih ram vialte cu a hmuhsak, Gilead ram cu Dan tiangin,
2 Naftali a dihlak, Efraim le Manasseh ram, Judah ram vialte Nitlaklei Rili tiangin,
3 Negeb ram, cun Nelrawn § ungkung khua Jeriko nelrawn timi cu § Zoar tiangin.
4 Cun Bawipa nih a chawnh i, “Mah hi ram hi Abraham, Isak le Jakob sinah, ‘Nan tefa hna sinah ka pek lai,’ tiin chiat ka sermi ram a si. Na mit cun kan hmuhter, sihmanhsehlaw khika ah cun na kal lai lo,” tiah a ti. Ref 34.4: Gen 12.7, 26.3, 28.13
5 Cu bangin Bawipa sal Moses cu Bawipa bia ningin Moab ram chungah a thi i,
6 Beth-peor ral, Moab ram chung nelrawn ah Bawipa nih a vui; sihmanhsehlaw a vuinak hmun cu nihin ni tiang ahohmanh nih an hngal lo.
7 Moses cu a thih ah, kum za le kum kul a si; a mit a mui lo i a thazang zong a òum lo.
8 Cun Israel mi nih Moses cu Moab nelrawn ah ni 30 an òah; cun Moses an òahnak ni hna cu a dong.
9 Cun Nun fapa Joshua cu, Moses nih a cungah a kut a chuan caah, fimnak thlarau in a khat; cucaah Israel mi nih a bia an ngaih i Bawipa nih Moses nawl a pek bang khan an tuah.
10 Cun cu thawk in Israel mi chungah Bawipa nih hmaitonh in a hngalhmi profet Moses bantuk an chuak ti lo. Ref 34.10: Exo 33.11
11 Izipt ram chung i Faro le a sal vialte hna le a ram dihlak cungah, hmelchunhnak le khuaruahharnak, Bawipa nih Moses a tuahtermi bantuk le
12 a òhawngmi lianngannak le a ngan i òih a nungmi thil Moses nih Israel mi hna hmaiah, a tuahmi bantuk a tuah khotu kha midang ahohmanh an um ti lo.