33
Israel Miphun Hna Kha Moses Nih Thluachuah A Pek Hna
Hi thluachuahnak hi Pathian mi Moses nih a thih hlanah Israel fale thluachuah a pek hnanak cu a si.
Amah nih,
“Sinai in Bawipa cu a ra,
Seir in kan cungah a rung tlang,
Paran Tlang in a rung ceu,
Mithiang thong hra hna sinin a ra,
A orhlei kut in a alhmi mei
aa put i a ra.
A si, a mi kha a dawt hna;
Amah sinah thiantermi vialte cu
a kut chungah an um;
Cucaah na keneh kha an zulh,
Nangmah sinin lam hmuhsaknak kha
an hmuh,
Moses nih Jakob mibu ca i ro caah
phungbia a kan pek tikah.
Cun, mi hna lu cu an i pumh tikah,
Israel phun vialte hna cu
hmunkhat ah,
Bawipa cu Jeshurun chungah
siangpahrang ah a cang.
 
“Reuben cu a mi an tlawm nain,
nung seh law, thi hlah seh,”
tiah a ti.
 
Cun Judah kong ah mah hihi a chim:
“Maw Bawipa, Judah aw cu ngai tuah law,
A mi hna sinah luhpi tuah.
Na kut in amah cu chanh law,
A ral hna doh a bawmtu si ko,” a ti.
 
Cun Levi kong ah:
Bawipa, nangmah nih nan duhnak cu,
“Thummim le Urim in phuang ko;
Zumhawktlak nan sal hna,
Levi mi hna thawngin langhter ko.
Massah ah na hneksak i
Meribah tiput ah zumhawktlak
an sinak kha na langhter. Ref 33.8: Exo 17.7, 28.30; Nam 20.13
A nu le a pa hna le
An unau hna le
A fale hna nakin
Nangmah kha an in òanh deuh,
Zeitintiah na nawlbia kha an ngaih i
na biakamnak kha an zulh.
10 Jakob kha na phunglam,
Israel kha na phungbia
an cawnpiak lai;
Nangmah hmaiah zihmui le
Na biakòheng cungah pum khangh thawinak an chiah lai.
11 Maw Bawipa, a chawva kha thluachuah pe law,
A kut rianòuanmi kha cohlanpiak ko;
A ral hna tawkawng cu khiak tuah,
A huatu hna tawkawng cu,
An thawh òhan ti nakhnga lo,
khiak tuah,” tiah a ti.
 
12 Benjamin kong ah:
“Amah cu Bawipa dawtmi a si,
Amah pawngah him tein a um;
Amah nih chun nitlak a kulh i
A liang le a liang karlak ah a umter,” a ti.
 
13 Cun Josef kong ah:
“A ram cu Bawipa nih thluachuah
a pekmi si ko seh,
Cunglei van in le tanglei
tithuk hna in laksawng òha bik le
14 Ni chungin a chuakmi theitlai òha bik hna le,
Thla kip nih an chuahter ciomi thil sung hna le,
15 Hlan liopi in a ummi tlang hna nih
an vuimi thil òha bik hna le,
Zungzal in a hmunmi tlang hna i theitlai tampi hna le,
16 Vawlei le a cungah a ummi thil vialte
hna an laksawng òha bik le,
Burbuk chungah a ummi
duhdawtnak cu,
Hi thluachuahnak hna cu Josef lu cungah rung òum hna seh,
A unau hna lak i bawi a simi luthlung
cungah cun, rung tum hna seh.
17 A hrin hmasa bik cawtum cu
lianhngannak a ngei i
A ki hna cu fung ki an si;
Cu ki cun mi kha, an dihlak in,
vanhramdeng tiang a suk hna lai;
Cu hna cu Efraim mi,
sang tampi hna cu an si,
Hi hna hi Manasseh mi,
thong tampi hna cu an si,” tiah a ti.
 
18 Cun Zebulun kongah,
“Maw Zebulun, na khualtlawnnak ah
i lawm tuah.
Cun Issakhar, na thlam chungah
i lawm tuah.
19 An tlang cungah mi kha an kawh hna lai i
Khika ah a dikmi raithawinak hna
kha an pekchanh;
Zeitintiah rilipi rumnak le thetse
chung i aa thupmi ro cu
an dawp,” tiah a ti.
 
20 Cun Gad kongah,
“Gad a kauhtertu cu thangòhat si ko seh!
Gad cu chiandeih bantukin a bawk,
Ban le lukheng kha a thleh a bauh hna,
21 Ram chungah a òhatnak bik cu
aa thim,
Zeitintiah khika ah hruitu covo cu
amah caah chiahpiak a si;
Israel mi ca i Bawipa nawlbia hna le
biakhiahnak hna cu tlinter awkah
Mi hmaisuang ah cun a um,” tiah a ti.
 
22 Cun Dan kong ah:
“Dan cu chiandeih fano,
Bashan in a hung petmi a si,”
tiah a ti.
 
23 Cun Naftali kong ah:
“Maw Naftali, Bawipa duhdawtnak le
thluachuahnak in a khimmi,
Galilee rili le thlanglei kha co tuah
hna,” tiah a ti.
 
24 Cun Asher kong ah:
“Fapa dang hna nakin Asher cu
thluachuah hmu deuhmi si seh.
A unau hna nih an duhdawtmi
si seh law,
A ke cu chiti chungah hnim seh.
25 Na kothrolh hna cu thir le dar
an si lai;
Na nunchung vialte na thazang nih
in nguh ko seh,” tiah a ti.
 
26 “Maw Jeshurun, nangmah bawmh awkah van aa cit,
Lianngannak in van aa citmi Pathian
bantuk ahohmanh an um lo.
27 Zungzal hmunmi Pathian cu
na umnak hmun a si i
Na tangah zungzal hmunmi ban kha an um.
Cun ral kha na hmaiah a dawi i ‘Hrawk tuah,’ tiah a ti.
28 Cucaah rawl le mitsur hang a tamnak ram ah cun
Israel cu him tein a um,
Jakob cerhti cu amah tein a um,
Asi, a van hna zongin dap an tla.
29 Maw, Israel, na van a òha ko!
Nangmah bantuk ahodah a um?
Bawipa nih a khamhmi na si,
Amah cu an hupphengtu phaw le
teinak vainam a si!
Na ral hna cu na hmaiah bawk in
an ra lai i
An khuahrumbo hna cu na lamh
hna lai,” tiah a ti.