32
1 “Maw van hna, nan hna rak chi tuah u, ka chim lai;
Ka kaa in a chuakmi bia kha vawlei nih thei seh.
2 Ruah bantukin keimah cawnpiaknak cu sur seh law,
Ka bia cu dap bangin tla seh,
Ram no cung i chum a sur siahmah bantuk le
Chawl borh cung i ruahti a tlami bantuk si seh.
3 Zeitintiah Bawipa min kha
ka thanh lai.
Lianngannak cu kan Pathian pe ko u!
4 “Lungpi bantukin an hupphengtu
a si,
A lam vialte cu a dik i a hmaan.
Zumhawktlak le hlen hmang lo Pathian a si,
5 Annih nih a cungah òhat lonak
an tuah,
An dotlak lonak thawngin
a fale an si ti lo;
Milolak le mizer chan an si.
6 Nannih mihrut le minga hna,
Bawipa cu hi bantukin nan rulh lai maw?
Amah cu na pa, nangmah an ser,
an siam i
An fehtertu a si lo maw?
7 Hlan lio ni kha hngal òhan hna law,
Chan tampi kum kha ruat tuah hna.
Na pa kha hal law, an hmuhsak lai,
Na upa hna zong hal hna law,
an in chimh lai.
8 Cungnung Bik nih miphun hna kha an ro a pek hna i
Minung fapa hna kha a òhen hna tikah,
Pathian fapa an tlawm an tam ningin
minung an ramri kha a fehter. Ref 32.8: Lam 17.26
9 Zeitintiah Bawipa vo cu a mi kha an si,
Jakob cu amah ro hrimhrim kha a si.
10 “Amah nih thetse ram ah khan a char,
Thetse ram thlitu a awn vungmangmi
ah khan a char.
A kulh, a zohkhenh, a mit falai bantukin a ven.
11 Mupi nih a bu kha a hninh i
A fano kha a vun zuanhnawh hna i
A thla a vun i samh i, a thla cungah
a futter i
A zuanpi hna bantukin,
Bawipa nih khan a hruai hna;
12 Bawipa lawnglawng an hruaitu a si i
ram dang pathian zeihmanh
13 Vawlei hmunsang cungah a citter i
Lo in a chuakmi thil kha a eiter hna;
Lungpi chungin khuaihliti le
Òeklung chungin chiti kha
a dawpter hna.
14 Cawrun chung hnuk khal,
Tuurun chung tuuhnuk,
Tuufa hna thau le tuukawng hna thau,
Bashan ram cawrun le meheh hna cu,
Changvut lak i a òha bik he na ei hna i
Mitsur hang thisen cu na din.
15 “Jakob nih khim tein a ei,
Jeshurun cu a thau i
a ke a chaih;
Na thau, na thial a chah, na miltlor;
Khi tikah a sertu Pathian kha a hlawt i
A khamhnak Lungpi kha zei ah
a rel lo.
16 Ram dang pathian hna in a nah
an chuahter
Fihnung an tuahnak in a thin
an hunter.
17 Nan pupa hna nih an òih bal lomi,
Tunaite ah a chuakmi pathian hna,
An hngalh bal lomi pathian hna,
Pathian a si lomi khuachia hna sinah cun
rai an thawi. Ref 32.17: 1Kor 10.20
18 An hringtu Lungpi kha na ruat lo i
An sortu Pathian kha na philh.
19 “ Bawipa nih a hmuh i a hlawt hna,
A fapa hna le a fanu hna nih
a thin an phawh caah,
20 Amah nih, ‘An sinin ka hmai
ka thuh lai,
An donghnak kha zeidah a si lai
ka zoh lai,
Zeitintiah annih cu milotlau chan;
Zumhawktlak lo fa an si.
21 Pathian a si lomi thil in ka nahchuahnak an tuah i
An siasal in ka thin an ka phawh,
Cu bantukin miphun a si lomi in
an nahchuahnak ka tuah ve lai i,
A hrutmi miphun in an thin
ka phawh ve hna lai. Ref 32.21: 1Kor 10.22; Rom 10.19
22 Zeitintiah ka thinhunnak nih
mei a kau i
Sheol tawne tiang a kangh,
Vawlei le a chungchuak a liah hna i
Tlang hram kha a kangh hna.
23 “ ‘Cun an cungah òhat lonak
ka pon hna lai i
An cungah ka thal kha
ka hman dih hna lai;
24 Rawlòam in an lotlau lai i
A kangh in a kangmi linhnak le
sivai òha rai nih an ei hna lai;
Sahrang ha hna cu, leidip ah
a lawnmi thil sivai hna he,
An cungah ka tlunter lai.
25 Tlangval he ngaknu he,
Hnuktlai lio he òuakpar he,
Lengah vainam nih a thah hna lai i
Inn chungah tuksapur thil a um lai.
26-27 An ral nihsawh lai kha le
An ral hna nih cun, “Kanmah kut nih
a tei hna,
Hi chungah hin pakhat hmanh
Bawipa i a tuahmi a um lo,”
Tiin an ti i an ruah sual lai kha
òih hlah ning law cu,
“Ka hei òhek dih cang ko hna hnga i
Minung lakin anmah theihhngalhnak cu
ka hloh dih ko lai,”
Ka hei ti ko hnga,’ a ti.
28 “Zeitintiah fimnak a ngei lomi
miphun an si i
Hngalhthiamnak zong an bau.
29 Fim hna seh law cu, mah hi an
hngalhthiam hnga,
An hmailei donghnak kha an hmuh hnga!
30 An Lungpi nih a rak zuarh hna i
Bawipa nih a rak hlawt cang hna
dah ti lo ahcun,
Zeitindah pakhat nih 1-000 kha
a dawi hna lai i,
Pahnih nih thong hra cu an zamter hna lai?
31 An lungpi cu kan Lungpi bantuk
a si lo,
Kan ral hna cu mihrut an si.
32 Zeitintiah an mitsur ruang cu
Sodom mitsur ruang le
Gomorrah lo chungin a rami a si;
An mitsur tlai cu sivai ngeimi an si,
A bor hna cu an kha;
33 An mitsur hang cu rul sivai le
Rawchok sivai òhawng ngai a si.
34 “Mah hihi keimah nih ka khon i
Ka ro kuang chungah ka hrenh chihmi a si lo maw?
35 An ke a nal tik caan caah phuhlamnak
le teirul chamnak cu
keimah ta an si,
Zeitintiah an harnak ni cu a nai i
An rawknak cu khulrang in a ra. Ref 32.35: Rom 12.19; Heb 10.3
36 Zeitintiah, an òhawnnak kha
a loh cang i
Khihmi siseh, a luatmi siseh,
Pakhat hmanh an tang ti lo ti kha Bawipa nih a hmuh tikah,
A mi cu thiam a coter hna lai i
A sal hna cungah zaangfahnak
a ngei lai. Ref 32.36a: Slm 135.14
37 Cu tikah, ‘An pathian hna, an i dornak lungpi cu,
Khuazei ah dah an si kun,
38 An raithawinak thau a ei i
An thlet pekchanhnak mitsur hang
a dingtu hna cu khuazei ah dah
an si kun?
Tho tuah hna seh law,
in bawm tuah hna ngat seh,
Na himnak si tuah hna ngat seh!
39 “ ‘Atu cu hngal tuah u,
Keimah, keimah hi, amah cu ka si i
Keimah hleiah pathian dang
zeihmanh an um lo;
Keimah nih ka thah, keimah nih
ka nunter òhan,
Keimah nih hma ka banh, keimah nih ka damter i
Ka kut chungin a ka chut khotu
ahohmanh an um lo.
40 Zeitintiah van ah ka kut ka hler i
Hi bangin chiat ka ser:
Zungzal in ka nun bangin,
41 Ka nam tleu ka tat i
Biaceihnak kha ka kut nih
a tlaih ahcun,
Ka ral hna kha phu ka hlam hna lai i
A ka huatu kha ka rulh hna lai.
42 Sam saumi ral hna lu in le
Thahmi hna le tlaihmi hna thi in,
Ka thal hna cu thi ka ritter hna lai i
43 “Maw miphun hna,
a mi kha thangòhat hna u,
Zeitintiah a sal hna thisen
phu kha a hlam i
A ral hna kha phu a hlam hna i
A mi hna ram caah sual thianhnak
a tuah lai,” tiin au u. Ref 32.43: Rom 15.10; Biat 19.2
44 Moses nih a ra i hi hla chung i a ummi bia vialte kha mizapi theih ah a va chim, amah le Nun fapa Hoshea nih an va chim.
45 Cun Moses nih hi bia vialte kha Israel mi vialte sinah a chim dih tikah,
46 annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, òha tein an tuah nakhnga, nan fale kha nawl pe hna u.
47 Zeitintiah mah hihi nannih caah thil tetuai a si lo, sihmanhsehlaw nan nunnak a si i, cu thawng cun co awkah Jordan tiva nan tanhnawhmi ram chungah saupi nan nung lai,” tiah a ti.
Moses Nih Kanaan Ram A Cuanh
(Nam 27.12-14)
48 Khi ni hrimhrim ah Bawipa nih Moses cu a chawnh i, Ref 32.48-52: Nam 27.12-14; Deu 3.23-27
49 “Jeriko zawn, Moab ram chung Abarim tlang thluan i a ummi Nebo Tlang ah va kai tuah law, ro caah Israel mi ka pekmi hna Kanaan ram cu va cuan tuah.
50 Cun na u Aaron nih Hor Tlang ah a thih i a mi hna sinah pumh a si bantukin, na hung kainak tlang ah khin na thi lai i na mi hna sinah pumh na si lai,
51 zeicahtiah Zin ramlak i Meribah-kadesh ti ah khan, Israel mi hna lakah khan, zumhawktlak loin nan ka umhnawh i, Israel mi hna lakah khan a thiangmi bantukin nan ka hmaizah lo.
52 Na hmai i ram cu na hmuh lai; sihmanhsehlaw khika ah, Israel mi ka pekmi hna ram chungah cun na lut lai lo,” tiah a ti.