27
Ebal Tlang Ah Òial Awk Phungbia
Cun Moses le Israel upa hna nih cun mizapi cu nawl an pek hna i, “Nihin ah kan pekmi hna nawlbia hi a ningpi in nan ulh lai. Cun Bawipa nih an pekmi hna ram i va luh awkah Jordan tiva nan tan ni ah, lung ngan pipi kha nan phun hna lai i lung senghnak nan nalh hna lai; Ref 27.2-8: Jos 8.30-32 cun Bawipa nan pupa hna Pathian nih an kam hna bangin, Bawipa nan Pathian nih an pekmi hna ram, cawhnuk le khuaihliti in a luangmi ram i luh awkah nannih nih nan tan tikah, an cungah hi phungbia vialte kha nan òial hna lai. Cun Jordan nan tan dih tikah nihin ah an kong i nawl kan pekmi hna lung hna cu Ebal Tlang ah nan phun hna lai i lung senghnak in nan nalh hna lai. Cun khika ah Bawipa nan Pathian caah biakòheng, lung biakòheng pakhat nan ser lai; thir hriamnam zeihmanh nan hmang lai lo. Ref 27.5-6: Exo 20.25 Bawipa nan Pathian caah remh lomi lung in biakòheng pakhat nan ser lai i a cungah Bawipa nan Pathian sinah khangh thawinak nan pekchanh lai; daihnak thawinak cu nan pekchanh lai i khika ah nan ei lai; cun Bawipa nan Pathian hmaiah nan i lawm lai. Cun cu lung hna cungah cun hi nawlbia cu tliang tein nan òial lai,” tiah an ti.
Cun Moses le Levi tlangbawi hna nih khan Israel mi vialte sinah cun, “Maw Israel, dai tein um law, ngai tuah: nihin ni ah hin Bawipa nan Pathian mi nan si cang. 10 Cucaah Bawipa nan Pathian aw cu nan ngaih lai i nihin ah kan pekmi hna a phungbia hna le a nawlbia hna cu nan ulh hna lai,” tiah an ti.
11 Cun khi ni ah Moses nih mi hna cu nawl a pek hna i hi bangin a ti, 12 “Jordan tiva nan tan dih tikah, mi kha thluachuah pek hna awkah hi hna hi Gerizim Tlang ah an dir lai: Simeon, Levi, Judah, Issakhar, Josef, le Benjamin. Ref 27.12: Deu 11.29; Jos 8.33-35 13 Cun chiatserhnak caah hi hna hi Ebal Tlang ah an dir lai: Reuben, Gad, Asher, Zebulun, Dan le Naftali. 14 Cun Levi mi hna nih Israel mi pa vialte sinah aw thang piin:
15 “ ‘Zungthiammi kut in sermi thil, Bawipa caah fihnung a simi suaimi siasal siseh, thletmi siasal siseh, a ser i a thli tein aa chiahmi cu chiat seh,’ tiah an thanh lai. Cun mi vialte nih ‘Amen’ tiin an leh hna lai. Ref 27.15: Exo 20.4; 34.17; Lev 19.4; 26.1; Deu 4.15-18; 5.8
16 “ ‘A pa siseh a nu siseh a upat lomi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.16: Exo 20.12; Deu 5.16
17 “ ‘A innpa ramri a òhialmi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.17: Deu 19.14
18 “ ‘Mitcaw kha a lam a palhter hrammi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.18: Lev 19.14
19 “ ‘Mipem le pangeilo le nuhmei nih an hmuh awk hnga a simi biading a merhtu cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.19: Exo 22.21; 23.9; Lev 19.33-34; Deu 24.17-18
20 “ ‘A pa nupi kha a ihpimi cu chiat seh, zeitintiah a pa hni a hlim a si,’ tiah an thanh lai. Cun mi vialte nih, ‘Amen’ an ti lai. Ref 27.20: Lev 18.8; 20.11; Deu 22.30
21 “ ‘Saram zei bantuk hmanh a ihpimi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.21: Exo 22.19; Lev 18.23; 20.15
22 “ ‘A far, a pa fanu siseh a nu fanu siseh, a ihpimi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.22: Lev 18.9; 20.17
23 “ ‘A nupi nu a ihpimi cu chiat seh,’ tiah an thanh lai. Cun mi vialte nih ‘Amen’ an ti lai. Ref 27.23: Lev 18.17; 20.14
24 “ ‘A innpa a thli tein a thatmi cu chiat seh,’ tiah an thanh lai. Cun mi vialte nih, ‘Amen’ an ti lai.
25 “ ‘A sual lomi thah awkah ziknawh a lami cu chiat seh,’ tiah an thanh lai. Cun mi vialte nih, ‘Amen’ an ti lai.
26 “ ‘Hi phungbia a dirpi lo i a zul lomi cu chiat seh,’ tiah an thanh lai. Cun mi vialte nih, ‘Amen’ an ti lai. Ref 27.26: Gal 3.10