25
1 “Mi an i sik i zung ah an chuah i biaceihtu nih an ceih hna i a sual lomi kha an luatter i a sualmi kha sual an pek
ahcun,
2 cun a sualmipa cu tuk awktlak a si ahcun, biaceihtu nih cun a bawhter lai i a hmaika ah tuk a si lai, voi zeizat tuk awk
ti cu a sualnak rup in a si lai.
3 Voi 40 tiang tuk khawh a si lai, sihmanhsehlaw cu nak tam cu a si lai lo; hi nak tam deuh in tuk lengmang a si ahcun,
nan unau cu nanmah mithmuh ah zohhnawmh tuk a si sual lai.
Ref 25.3: 2Kor 11.24
4 “Cawtum cu rawl a cil lioah a hmur nan òem lai lo. Ref 25.4: 1Kor 9.9; 1Tim 5.18
5 “Unau hna nih hmunkhat ah an um i pakhatkhat cu a thih i fapa a ngeih lo ahcun, a thi mipa nupi cu an chungkhar leng
midang he òhit umter awk a si lai lo; a va unau nih cun a ihpi
lai i a nupi ah a lak lai i vale unau rian a simi kha amah
cungah cun a tuah lai.
Ref 25.5-6: Mat 22.24; Mar 12.19; Luk 20.28
6 Cun a hrinmi fapa hmasa bik cu a thimi a unau min rawlhtu a si lai, a min cu Israel chungin hloh a si nakhnga lo.
7 Cun mipa nih cun a unau nupi kha lak a duh lo ahcun, a unau nupi nih khan hauka ah upa hna sinah a hung kal lai i, ‘Ka va
unau nih amah unau pa min Israel chungah nunter kha a duh lo;
vale unau rian kha ka cungah tuah a duh lo,’ tiah a ti lai.
Ref 25.7-10: Rut 4.7-8
8 Cun a khuachung upa hna nih khan an kawh lai i an chimh lai. Asinain, ‘Amah cu lak ka duh lo,’ a ti òhiamòhiam ko ahcun,
9 a unau nupi nih khan upa hna hmaiah cun a hun kalhnawh lai i, a ke i a kedan kha a phawih lai i a hmaiah a cil a chak lai, cun nu nih cun, ‘A unau inn a sa duh lomipa cungah cun hi bantukin si seh,’ tiin a chim lai.
10 Amah a inn min cu Israel chungah, ‘Kedan phawihpiakmi inn,’ tiah ti a si lai.
11 “Cun mi pakhat le pakhat an i vel i pakhatpa nupi nih a va cu a veltu kut chungin chanh awkah a rat i, mipa cu a
chiaòha in a tlaih ahcun,
12 a kut cu nan tan lai; nan mit nih a zaangfah lai lo.
13 “Nan zal chungah khingthlainak phun hnih, a ngan le a hme, nan ngei lai lo. Ref 25.13-16: Lev 19.35-36
14 Nan inn chungah tahnak phun hnih, a ngan le a hme, nan ngei lai lo.
15 A tling le a dikmi khingthlainak nan ngei lai i, a tling le a dikmi tahnak nan ngei lai, Bawipa nan Pathian nih an pekmi hna ram chungah nan mi hna cu an
nun sauter an si nakhnga.
16 Zeitintiah cu bantuk thil a tuahmi, hlennak a tuahmi vialte hna cu,
Bawipa
nan Pathian caah fihnung an si.
Amalek Mi Hloh Awk Nawl
17 “Izipt ram in nan chuah tik i lam ah Amalek nih nan cungah a tuahmi kha hngal camcin ko u, Ref 25.17-19: Exo 17.8-14; 1Sam 15.2-9
18 zeitindah, nan tha a bat nan re a theih tikah, lam ah Pathian òih loin an tuk hna i nan hnuah aa thlaimi a thah dih hna kha va philh hlah u.
19 Cucaah nan velchum i a ummi nan ral hna lakin Bawipa nan Pathian nih ro ca i co awkah an pekmi hna ram chungah,
Bawipa
nan Pathian nih dinhnak an pek hna tikah, vanrang toi in
Amalek hngalh camcinnak cu nan hloh awk a si lai; va philh hlah u.