24
1 “Mi nih nupi a lak i a òhit tikah, a chungah thil dawh lo zeimaw a hmuh caah a mit a tlin lo i maknak ca a òialpiak i, a kut chungah a chiah i, a inn chungin a kalter i a inn chungin a chuah ahcun, Ref 24.1: Mat 5.31; 19.7; Mar 10.4
2 cun a kal i midang nupi a can i,
3 a va hmanung deuh nih cun a duh lo i, maknak ca a òialpiak i a kut chungah a chiah i a inn in a kalter ah siseh, nupi caah a latu a va hmanung deuh kha a thih ah siseh,
4 khi tikah a rak kaltertu a va hmasa nih khan, thurhhnawmh a si hnuah, a nupi si awk caah a la òhan ti lai lo; zeitintiah mah cucu Bawipa hmaiah fihnung a si i, ro caah Bawipa nan Pathian nih an pekmi hna ram cungah mawhnak nan tlunter lai lo.
5 “Nupi a òhi kate mi cu ralkapbu he kalter awk a si lai lo, rian dang zong fial awk a si lai lo. A òhitmi a nupi he lunglawm tein um awkah, inn ah kum khat chung a duhduh in nan umter lai.
6 “Ahohmanh nih rawlrialnak siseh rawlrialnak a cunglei lung siseh nan i hrenpiak lai lo, zeitintiah mah cucu minung nunnak hrenpiak a si ko.
7 “Ahohmanh nih Israel mi chungin a unau pakhatkhat kha a fir i sal bantukin a tuah i a zuar i hngalh a si ahcun, mifirtu cu thah a si lai; cu bangin òhat lonak cu nan lakin nan thianh lai. Ref 24.7: Exo 21.16
8 “Thinghmui zawtnak kong ah i ralring tuah u, Levi tlangbawi hna nih an in chimhmi hna bangin òha tein tuah u; nawl kan pek hna bangin nannih nih ralring tein nan tuah lai. Ref 24.8: Lev 13.1—14.54
9 Izipt ram in nan chuah tikah khan Bawipa nan Pathian nih lampi ah Miriam cungah zeidah a tuah kha hngal camcin tuah u. Ref 24.9: Nam 12.10
10 “Na innpa kha zeipaoh na coih tikah biahrennak lak awkah a inn chungah na lut lai lo. Ref 24.10-13: Exo 22.26-27
11 A lengah na dir lai i thil na coihmi pa nih khan na sinah biahrennak cu a rak put lai.
12 Cun misifak a si ahcun a biahrennak thil chungah cun na it lai lo;
13 ni a tlak tikah biahrennak thil cu na khirh òhan lai, a puan chungah a ih i thluachuahnak an pek nakhnga; mah cucu Bawipa na Pathian hmaiah na caah dinnak a si lai.
14 “Rianòuan na fialmi misifak le mirethei cu, na unau chungmi a si ah, na khuachung i a ummi mipem a si ah, na hrem hna lai lo; Ref 24.14-15: Lev 19.13
15 ni a tlak hlanah, a òuan ni ah cun, a rianòuan man cu na pek lai (zeitintiah sifak a si i a herh ngaingai ko); cu ti a si lo ahcun Bawipa kha nangmah kongah a auh lai i na cungah sualnak a si sual lai.
16 “Fale ruangah pale thah an si lai lo i pale ruangah fale zong thah an si lai lo; mah le sual ruang cio ah thah cu an si lai. Ref 24.16: 2Sia 14.6; 2Cha 25.4; Eze 18.20
17 “Mipem siseh, pangeilo siseh, a hmuh awk hnga biading cu nan merhpiak lai lo, nuhmei puan zong biahrennak ah nan la lai lo; Ref 24.17-18: Exo 23.9; Lev 19.33-34; Deu 27.19
18 sihmanhsehlaw Izipt ram ah sal nan rak si i khika in Bawipa nan Pathian nih an tlanh hna kha nan hngalh camcin lai; cucaah mah hihi tuah awkah nawl kan pek hna.
19 “Nan lo chung i rawl nan òuan tikah, lo chungah cun faphal pakhat nan philh ahcun lak òhan awkah va kal hlah u; mipem le pangeilo le nuhmei caah a si lai, nan kut rianòuanmi kip ah Bawipa nan Pathian nih thluachuahnak an pek hna lai. Ref 24.19-21: Lev 19.9-10; 23.22
20 Nan oliv kung nan huai tik hna ah, a nge kha nan tu òhan hna lai lo; mipem le pangeilo le nuhmei caah a si lai.
21 Nan mitsur dum chung i mitsur tlai kha nan lawh tikah, a mua nan sua òhan lai lo; mipem le pangeilo le nuhmei caah a si lai.
22 Izipt ram ah sal nan rak si kha nan hngalh camcin lai; cucaah mah hihi tuah awkah nawl kan pek hna.