22
1 “Nan unau i a cawtum maw a tuu maw a tlaumi nan hmuh ahcun, bawm loin nan um lai lo; nan unau inn ah cun nan rak hruaih òhan hna lai. Ref 22.1-4: Exo 23.4-5
2 Cun amah cu nan pawngah a um lomi a si ah siseh, nan hngalhmi a si lo ah siseh, nan inn ah nan kalpi lai i nan unau nih a ra kawl tiang nan sinah a um lai; khi tikah nan rak pek òhan lai.
3 Cu bantuk cun a laa zong nan tuah lai; cu bantuk cun a puan zong nan tuah lai; cu bantuk cun nan unau nih a thlaumi thil nan hmuhmi paoh cu nan tuah lai; bawm loin nan um lai lo.
4 Nan unau i a laa siseh, a cawtum siseh lam pawng i a tlak nan hmuh tikah bawm loin nan um hna lai lo; a chuah kha nan bawmh lai.
5 “Nu nih pa thilthuam aa ti awk a si lo, pa zong nih nu thilthuam aa ti awk a si lo; zeitintiah cu bantukin a tuahmi paoh cu Bawipa nan Pathian caah fihnung a si.
6 “Thingkung ah siseh, vawlei ah siseh, va bu pakhatkhat nan hmuh i a chungah a fa siseh, a ti siseh a um i, a pi nih a fa cu si hna seh, a ti cu si hna seh, a tlumh hna ahcun, a pi cu a fa he nan hlawm chih lai lo;
7 a pi cu nan thlah lai, sihmanhsehlaw a fa tu cu nan i hlawm ko lai; nan caah a òhat i saupi nan nun nakhnga.
8 “Inn thar nan sak tikah nan inncung cu tlakdawn in nan kulh lai, cuka cun mi an tlak sual i nan inn cungah thisen chuah mawhnak cu nan tlunter sual nakhnga lo.
9 “Nan mitsur dum chungah thlaici phun hnih nan tuh lai lo, nan tuhmi thlaici theitlai le mitsur dum chungin a chuakmi cu an dihlak in thil zarh an si sual hnga. Ref 22.9-11: Lev 19.19
10 Cawtum le laa hmunkhat ah lei nan leh òiter hna lai lo.
11 Sahmul le laa cawhmi thil nan i fenh-aih lai lo.
12 “Nan i khuhnak puan cu a tlang pali ah a hmum nan thlaih hna lai. Ref 22.12: Nam 15.37-41
Ziaza Thiannak Phungbia
13 “Mipa pakhatkhat nih nupi a òhit i a ihpi i a huat òhan i,
14 ‘Hi minu hi ka òhit i ka ihpi tikah a cungah ngaknu thiang a sinak ka hmu lo,’ tiin a mualphoh i a cungah thangchiatnak a tlunter ahcun,
15 khi tikah ngaknu a nu le a pa nih ngaknu thiang a si hmelchunhnak cu, cu khua upa hna hmaiah, hauka ah cun, an chuahpi lai;
16 cun ngaknu pa nih cun upa hna sinah cun, ‘Hi pa hi ka fanu cu nupi caah ka pek i a huat òhan;
17 cun zohhmanh u, a mual a phoh i, “Na fanu cungah ngaknu thiang sinak ka hmu lo,” tiah a ti. Sihmanhsehlaw mah hihi ka fanu ngaknu thiang a sinak hmelchunhnak hna cu an si òung,’ a ti lai. Cun puan cu khua upa hna hmaika ah cun an phah lai.
18 Khi tikah cu khua upa hna nih cun mipa cu an lak lai i an tuk lai;
19 cun Israel mi fanu thiang pakhat cungah thangchiatnak a tuah caah ngun shekel 100 dan ah an tat lai i, a pa kha an pek lai; cun amah cu a nupi a si lai, a nun chung vialte a ma lai lo.
20 Sihmanhsehlaw cu thil cu biatak a si i ngaknu cungah cun ngaknu thiang a sinak cu a um lo ahcun,
21 ngaknu cu a pa innka ah an kalpi lai i cu khua chung pa hna nih cun thi lakin lung in an cheh lai, a pa inn chungah hlawhhlangnu aa celhnak in Israel mi lakah hruhnak a tuah caah; cuticun nan lakin òhat lonak cu nan thianh lai.
22 “Mipa pakhatkhat nih midang nupi a ihpi kha hmuh a si ahcun, an pahnih in, minu a ihpitu cu le minu cu, an thi lai; cuticun Israel chungin òhat lonak cu nan thianh lai.
23 “Hammi ngaknu pakhat cu mipa pakhat nih a khua chungah a ton i a ihpi ahcun,
24 khi khua hauka ah an pahnih in nan chuahpi hna lai i lung in thi lakin nan cheh hna lai, nu cu, khua chungah a um nain bawmhnak hmuh awkah a au lo caah; pa cu, a innpa nupi kha a sual caah; cuticun òhat lonak cu nan lakin nan thianh lai.
25 “Sihmanhsehlaw, ramlak ah mipa pakhat nih hammi ngaknu pakhat cu a ton i mipa nih cun a tlaih i a ihpi ahcun, a ihpitu mipa lawng kha a thi lai.
26 Ngaknu cungah cun zeihmanh nan tuah lai lo; ngaknu cungah cun thihnak in dantat awktlak sualnak a um lo, zeitintiah hi kong cu mipa pakhat nih a innpa kha a tuk i a nawn bantuk a si;
27 zeicahtiah ramlak ah a va pauh caah hammi ngaknu nih bawmhnak duh ah a au nain a chanhtu ahohmanh an um lo.
28 “Mipa pakhatkhat nih ham lomi ngaknu thiang pakhatkhat kha a ton i a tlaih i a ihpi i mi nih an hmuh hna ahcun, Ref 22.28-29: Exo 22.16-17
29 a ihpitu pa nih cun ngaknu pa cu ngun shekel 50 a pek lai i ngaknu cu mipa nih cun a sual caah a nupi a si lai; a nun chung vialte a ma lai lo.
30 “Ahohmanh nih a pa nupi kha a la lai lo, a pa hni kha a hlimpiak lai lo. Ref 22.30: Lev 18.8, 20.11; Deu 27.20