18
Levi Mi Hna Covo
“Levi mi tlangbawi hna, cucu Levi phun a ningpi in, cu hna nih cun Israel mi lakah covo siseh, ro siseh an ngei lai lo; Bawipa sinah mei in pekchanhmi thil hna le anmah nih an hmuh awk a simi thil hna cu an ei lai. An unau hna lakah ro an ngei lai lo; bia a kam hna bangin Bawipa cu an ro a si. Ref 18.2: Nam 18.20 Cun mah hihi raithawinak a pechanmi hna sinin tlangbawi nih an hmuh awk hnga cu a si lai, cawtum siseh, tuu siseh: tlangbawi cu a liang le a bel pahnih le a pawpi an pek lai. Nan rawl in siseh, nan mitsur hang in siseh, nan chiti in siseh, theitlai hmasa bik hna le nan tuuhmul meh hmasa bik hna cu nan pek lai. Zeitintiah Bawipa nan Pathian nih Bawipa min in dir i rianòuan zungzal awkah amah le a fapa hna cu nannih nan phun vialte chungin a thim hna.
“Cun Levi mi pakhatkhat cu Israel ram chung i a umnak nan khua pakhatkhat in a chuah i Bawipa nih a thim laimi hmun ah a kal ahcun § a duh tik paoh ah a kal kho lai § cu ka i Bawipa hmaiah rianòuan awkah a dirmi a unau Levi mi hna bantukin, Bawipa a Pathian min in rian a òuan ve lai. A pa sinin a comi ro lengah, annih nih ei awk cu aa zat cio in an co lai.
Lawkih Phung Zulh Lo Ding
“ Bawipa nan Pathian nih an pekmi hna ram nan phak tikah, cuka miphun hna nih an tuahmi fihnung cu zulh ve awkah nan cawng lai lo. 10 Nannih lakah ahohmanh pekchanhnak caah a fapa siseh, a fanu siseh a khaangmi nan um lai lo, litinthiam, bong zummi, mang ihthiam, eihthiam, Ref 18.10: Lev 19.26; Exo 22.18 11 camhthiam, khuavang ngei, hnam ngei, thi tlawnthiam, ahohmanh nan um lai lo. Ref 18.11: Lev 19.31 12 Zeicahtiah hi thil a tuahmi hna cu Bawipa caah fihnung an si i, hi fihnung tuahnak ruangah hin Bawipa nan Pathian nih nan hmai in a dawi dih hna lai. 13  Bawipa nan Pathian hmaiah soi awk um lo nan si awk a si. Ref 18.13: Mat 5.48 14 Zeitintiah nan pawnchuah laimi miphun hna nih hin khuavang le litin thiam kha an rak lun hna, sihmanhsehlaw nannih cu Bawipa nan Pathian nih cu bantuk tuah cu an sianh hna lo.
Moses Bantuk Profet A Kamh
15 “Nannih lakin, nan unau hna chungin, Bawipa nan Pathian nih nan caah profet pakhat keimah bantuk a chuahter lai i amah cu a bia nan ngaih lai, Ref 18.15: Lam 3.22, 7.37 16 ‘ Bawipa ka Pathian aw cu ka theihter ti hlah, hi mei ngan zong hi ka hmuhter ti hlah, ka thi sual ai hnga,’ tiin Horeb tlang i pumh ni i Bawipa nan Pathian nan rak halmi kha a si. 17 Cun Bawipa nih a ka chawnh i, ‘An chimmi vialte cu ding tein an chim. 18 An unau hna chungin nangmah bantuk profet pakhat an caah ka chuahter lai i a kaa chungah ka bia ka chiah hna lai i, nawl ka pekmi vialte kha a chimh hna lai. 19 Cun ka min in a chim laimi ka bia zei ah a rel lomi paoh cu, keimah hrimhrim nih zeicaahdah a tuah lonak kong kha ka hal lai. Ref 18.19: Lam 3.23 20 Sihmanhsehlaw chim awkah keimah nih ka pek lomi bia ka min in a chim hramtu profet siseh, pathian dang hna min in a chimtu siseh cu profet hrimhrim cu a thi lai,’ tiah a ti. 21 Cun nannih nih, ‘Zeitindah Bawipa nih a chim lomi bia cu kan hngalh khawh lai?’ nan ti ahcun § 22 profet pakhatkhat nih Bawipa min in bia a chim tikah cu bia cu a tlin lo le a dik lo ahcun, cu bia cu Bawipa nih a chim lomi bia cu a si; profet nih amah duh in a chimmi a si, amah cu nan òih awk a si lo.