8
Tuukawng le Mehehtum
Siangpahrang Belshazzar a bawi kum thum kum ah, Elam ram khuapi Susa khua i ka um lioah langhnak pakhat keimah Daniel sinah a ra lang i hmasa i langhnak ka rak hmuhmi bantuk kha a si.e Dal 8:1 thawk hin Hebru holh in a si òhan. Hi langhnak ka hmuhmi ah hin Ulai tiva kam kha ka hei cuan. Khua ka hei zoh i cu ah cun tuukawng pakhat ki pahnih a ngeimi keimah le tiva kam i a dir ko kha ka hmuh. Cu a ki cu an pahnih in an sau i a hnu deuh i a hung khomi cu a dang pakhat nakkhan a sau deuh. Tuukawng nih cun nitlaklei le chaklei le thlanglei a nam len hna kha ka hmuh. A hmaiah sahrang zeihmanh an dir kho lo i a òhawnnak chungin chanh khotu ahohmanh an um fawn lo. Tuah a duhmi paoh kha a tuah ko i a ruam a hung kai ngaingai. Mah hihi ka ruah lioah, chikkhatte ah khin nitlaklei in mehehtum pakhat a hung chuak i khulrang tuk in a kal caah a ke nih vawlei a tawng manh lo; a mit pahnih hna karlak ah ki fongpi pakhat a ngei. Tiva le keimah karlak i a dirmi tuukawng ki pahnih a ngeimi ka hmuhmi kha a hei fuh i a thazang a dihumnak in a hei nam. Tuukawng cu a hei naan i a thinhun cu a hei chuahhnawh i tuukawng cu a suk i a ki pahnih kha a khiah hna; tuukawng nih cun rak leh venak thazang a ngei lo. Mehehtum nih cun vawlei ah a hrilh i a lamh i tuukawng cu a chanhtu ahohmanh an um lo.
Cun mehehtum cu aa porhlaw chin lengmang i a òhawn salingte ah cun a ki ngan cu a kiak buk ko. Cun a hmun ah cun ki pali an hung chuak i kaa dang lei cio kha an sawh. Cu hna lak i pakhat chung cun ki hmete pakhat a hung chuak i thlanglei le nichuahlei le ram vialte lak i ram òha cem cu a thazang kha khuaruahhar in a langhhnawh hna. 10 Vancung ralkapbu tluk i lianhngan khi a duh i cu bu hna chung i tlawmpal le arfi tlawmpal cu vawlei ah a thlak hna i a lamh hna. Ref 8.10: Biat 12.4 11 Vancung siangpahrang hmanh kha zeirello in a um i raithawinak an pek zungzal tawnmi kha a hrawh i hmunthiang chung biaknak zong kha a hrawh. 12 Vancung ralkapbu hna zong cu a tei hna i pekchanh zungzal tawnmi raithawinak cu a thurhhnawmh i biaknak taktak cu vawlei ah a hlonh; a tuahmi thil vialte ah hin a hlawhtling dih.
13 Cun vancungmi pakhat nih a dang vancungmi pakhat bia a hal kha ka theih i, “Hi langhnak caan hi zei can dah a sau lai? Pekchanh zungzal tawnmi raithawinak hi zei can dah ngol a si lai? Zei can dah vancung ralkapbu hna le biakinn hi vawlei ah lamhchih an si lai?” a ti. 14 Cun lehnak bia cu a hung chuak i, “Zinglei raithawinak 2-300, zanlei raithawinak 2-300 an tlin tiang a si lai; cun Biakinn cu remh òhan a hung si lai,” tiah a ti.
Gabriel Nih Langhnak Sullam A Chimh
15 Langhnak ka hmuhmi hi a sullam zeidah a si hnga tiah keimah Daniel nih hngalh kaa zuam. Ruah lopi ah ka hmaiah minung he aa lomi a hung dir khi ka hmuh. 16 Cun Ulai tiva lei khan aw pakhat ka theih i, “Gabriel, mipa kha langhnak a sullam kha chim tuah,” tiah a ti. Ref 8.16: Luk 1.19, 26 17 Gabriel cu a ra i ka pawngah khan a dir i ka òih tuk caah vawlei ah ka tlu. Sihmanhsehlaw a ka chawnh i, “Maw mipa, langhnak na hmuhmi hi vawlei donghnak kong a si,” tiah a ti. 18 Bia a ka chimh tikah khan mangcanghlan in ka um i vawlei ah ka tlu; sihmanhsehlaw a ka tlaih i ka umnak hmun ah khan a ka dirter. 19 Cun a ka thawh i, “Pathian thinhunnak nih zeidah a chuahter lai ti kha kan hmuhsak lai; langhnak na hmuhmi nih hin a sawhmi cu donghnak caan kha a si. 20 Ki pahnih a ngeimi tuukawng na hmuhmi kha Media le Persia hmuhsaknak a si, 21 mehehtum kha Grik pennak a si i a mit pahnih karlak i a nganmi a ki kha a siangpahrang hmasa bik a si. 22 Ki hmasa bik a kiah i ki dang pali nih a hun rolhtu ki dang pali hna an sullam cu hihi a si: cu pennak chung cun pennak pali an chuak lai, sihmanhsehlaw an òhawnnak nih pennak hmasa òhawnnak kha a tluk lai lo, tinak a si.
23 Cu pennak hna an donghnak caan
a nai tik le
An òhat lo tuk hringhran i
dantat awk an si tikah,
Siangpahrang pakhat,
a lung a òhawng ngaimi le
a sual ngaimi le hlen thiam ngaimi
a hung um lai.
24 A òhawnnak cu a ngan ngaingai lai,
Sihmanhsehlaw a òhawnnak cu
amah thazang thawngin
a si lai lo.
Rawknak tampi kha a tuah lai i
thil a tuahmi paoh ah
a hlawhtling lai.
Miphun nganngan hna le miphun
thiang kha a hrawh hna lai.
25 Amah cu a zer caah zernak in
khua a khanmi ah khan a hlawh a tling lengmang lai;
Thil ngan pipi kha a lung chungin
a ruah a khan hna lai i
Bawi vialte Bawipa hmanh kha
a zuam lai i
amah cu tei a si lai nain
minung kut in a si lai lo.
26 Zanlei raithawinak hna kong le
zinglei raithawinak hna kong i
phuannak na hmuhmi
an sullam hi biatak a simi an si;
Sihmanhsehlaw langhnak
na hmuhmi hi na thuh rih hna lai,
Zeicahtiah hi langhnak
a vung tlin tik khi cu hmaileipi
ah khin a si te lai,” tiah a ti.
 
27 Cun keimah Daniel cu ka tha a dih i ni tam nawn cu ka zaw i ka it. Cun ka tho i siangpahrang nih a ka fialmi rian cu ka òuan òhan. Sihmanhsehlaw phuannak ka hmuhmi nih cun ka khuaruah a ka harter i ahohmanh nih a sullam an ka chim kho fawn lo.