10
Tigris Tiva Kamah Daniel Nih A Hmuhmi Langhnak
1 Persia siangpahrang Sairas a bawi kum thum kum ah Belteshazzar ti zongah a min sak a simi Daniel sinah bia pakhat kha phuan a si. Hi bia cu biangai a si nain a sullam hngalh awk a har ngaingaimi bia a si. Langhnak a hmuhmi thawng khan a sullam a hun hngalh khawh.
2-3 Khi caan ah cun kei Daniel cu zarh thum kheng zun ngaiin ka um. Rawl thaw paohpaoh kha ei kaa sum, sa zong ka ei lo, zu zong ka ding lo, cun zarh thum a dih hlan cu sathau zong kaa thuh lo.
4 Thla hmasa bik thla, a ni kul le ni linak ni ah cun tiva nganpi Tigris kamah cun ka dir,
5 cunglei ka hun zoh i mipa pakhat lahmangòhia puan aa aih i a tai ah ofir sui taisawm aa sawmhmi kha ka hmuh. Ref 10.5-6: Biat 1.13-15; 2.18; 19.12
6 A pum cu topaz lungvar bantukin a tleu i a hmai cu nimtlau bantukin a ceu; a mit cu mei ceu bantukin a ceu i a ban le a ke hna cu dar kheng bantukin an cer; cun bia a chim tikah a aw cu mibupi aw thawng bantuk a si.
7 Keimah Daniel lawnglawng nih cu langhnak cu ka hmuh, ka pawng i a ummi hna nih cun an hmu lo, sihmanhsehlaw òihnak nganpi nih khan a tlunhnawh hna i an i zukphiak dih i keimah lawng kha ka tang i hi langhnak nganpi cu ka zoh ko.
8 Ka thazang cu a um ti lo i ka hmai cu aa dan tuk hringhran caah ahohmanh nih an ka hngal kho hnga lo.
9 A bia thawng cu ka theih tikah vawlei ah ka tlu i mangcanghlan in ka um i ka bawk.
10 Chikkhatte ah khin kut pakhat nih a run ka tlaih i ka kut le ka khuk in a ka thawh.
11 A ka thawh i, “Daniel, nangmah cu Pathian dawtmi na si. Dir law kan chimh laimi bia hi ngai tuah, zeicahtiah keimah cu nangmah sinah thlah ka si,” tiah a ti. A ka chawnh ah cun ther lengmang in ka hung dir i
12 “Daniel, na thin phang hlah, zeicahtiah hngalh awkah na lung na bunh ni khan le na Pathian hmaiah na pum sifah naa pek ni khan, na thlacamnak cu Pathian nih a theih cang i cu na thlacamnak lehnak ah cun ka ratnak hi a si.
13 Sihmanhsehlaw Persia pennak a zohkhenhtu vancungmi nih khan ni kul le ni khat a ka kham. Cun Persia ram ah khan keimah lawngin kaltak ka si caah vancungmi bawi bik pakhat nih khan a ra ka bawmh. Ref 10.13, 21: Biat 12.7
14 Cun ka ratnak cu, hmailei ah na mi hna cungah zeidah a tlung lai ti chimh awkah a si i hi langhnak hi hmailei kong langhnak thar a si,” tiah a ti.
15 Hi bia hi ka sinah a chim lioah ka lu ka khun i biachim awk zeihmanh ka hngal lo.
16 Cun chikkhatte ah khin mi bantuk a simi nih ka hmur kha a ka tawngh. Cun ka kaa kha ka hun an i ka hmai i a dir lioah cun ka chawnh i, “Bawipa, hi langhnak nih hin ka thazang a ka lak tuk i ther loin ka um kho lo.
17 Kei cu a bawipa hmai i a dirmi sal bantuk ka si. Zeitindah nangmah sinah bia ka chim khawh lai? Ka thazang a um ti lo, ka thaw zong a um ti fawn lo,” tiah ka ti.
18 Cun mipa bantuk a simi nih cun a ka tawngh òhan i ka tha cu a hung tlung òhan.
19 A ka thawh i, “Pathian nih an dawt, cucaah na thinphang hlah, na caah zeizong vialte a òha dih ko lai. Na lung òhawng ko,” tiah a ti. Bia a ka chimh dih tikah ka thazang cu a hung tlung òhan i, “Ka chawn ko, bawipa, zeicahtiah thazang na ka pek cang,” tiah ka ti.
20-21 Cun a ka thawh i, “Zeicahdah na sinah ka rat na hngal maw? Biatak Cauk chung i òialmi kha na sin i phuan awkah a si. Atu cu ka va kal lai i Persia ram zohkhenhtu vancungmi kha ka va tuk lai. Cun cu hnuah Grik ram zohkhenhtu vancungmi kha a hung chuak lai.