1 Bawile hna, nan salle cu ding te le hman tein tawngtham hna u, zeitintiah nanmah zong van ah Bawipa nan ngeih kha nan hngalh.

2 Thlacam i zuam peng u law lunglawmhnak he hriphrio tein um u. 3 Kanmah ca zongah thla kan campiak u. A bia chim awkin Pathian nih lam a kan onhnak ding le thong ka tlak hnawhchanmi Khrih biakenret kan thanh khawhnak le 4 ka phuan hnga khan in fiang tein ka phuan khawh nakhnga zong thla ka campiak u. 5 Lenglei mi hna sinah fim tein nung u law nan caan kha òha tein hmang u. 6 Nan chimmi bia paoh cu thlum al zungzal seh law ahopaoh kha dik tein bia nan leh khawh hna lai.

7 Taikhikas nih ka thawngpang vialte cu an chimh hna lai. Amah cu dawtmi unau zumhtlak rianòuantu le Bawipa ah kan lalang hawi a si. 8 Zei ti kan um nan hngalh awk le thazang zong an pek khawh hna nakhnga caah ka rak thlahnak chan cu a si. 9 Nanmah mi a simi Onesimas, zumhtlak le dawtmi unau he nan sinah a ra lai. Hika thawngpang vialte an in chimh hna lai.

10 Ka thong tlakpi Aristarkas nih a lang in nan kut an tlaih hna. Barnabas unaupa Marka zong nih an tlaih ve hna, nan sin i a rat ahcun rak conglawm u kan ti cang hna. 11 Justas timi Jesuh zong nih nan kut an tlaih ve hna. Cuarpartanmi hna lakah cun mah hna pathum lawng hi Pathian pennak i a kan òuanpimi an si, ka hna an ka ngamh ko. 12 Nanmah lakah pakhat a simi Epafras, Khrih Jesuh lalang nih nan kut an tlaih ve hna. Thla a cam caan paoh ah fek tein nan dir i mitling nan si i Pathian duhning in zumtu taktak nan si khawh nakhnga biatak tein an halpiak tawn hna. 13 Zeitintiah nanmah ca he Laodisia mi hna ca he Heiropols hna ca he fakpi in rian a òuan ti cu a hngaltu ka si. 14 Dawtmi sibawi Luka le Demas zong nih nan kut an in tlaih ve hna. 15 Laodisia khua i a ummi unau hna le Nimfa le a inn ah aa pummi Khrihfa hna zong kha an kut rak ka tlaihpiak hna u. 16 Ka cakuat hi nan rel dih in Laodisia Khrihfa zong rak relter ve hna u. Cuti òhiamòhiam cun Laodisia Khrihfa hna sin i ka cakuat hi rak rel ve u. 17 Cun Arkhipas sinah, “Bawipa sinin na hmuhmi rian kha tlamtlinh awkin i ralring,” rak ti u.

18 Hi biakchawnhnak hi ka kut hrimhrim in keimah Paul nih ka òial. Ka hrengkhenh hi philh hlah u. Nan sinah velngeihnak um ko seh.