2
1 Nanmah le Laodisia khuami le mipum in a ka hmu bal lomi hna nih nan caah zeitluk rethei in dah ka òuan tawn ti nan theih ka duh.
2 Dawtnak in i fonhtonh awk an lung a thawh i zeizong kong ah hngalhnak tampi an ngeih i Pathian biakenret, Khrih amah hrimhrim cu an hngalh ka duh caah a si.
3 Amah ah cun fimthiamnak le hngalhnak biakenret vialte aa phum dih.
4 Ahohmanh nih a si òung lomi si dawh a simi in an in hlen hna lo nakhnga caah hihi ka chim.
5 Mipum in nan sinah um hmanh hlah ning law thlarau in ka um i Khrih ah nan zumh fehning le nan felning ka hmuh caah ka tha a nuam.
6 Cu a si caah Khrih Jesuh Bawipa cu nan cohlan cang bantukin amah ah cun nung ko u.
7 Amah ah cun hram thla u law nan nunnak cu sersiam in nan zumhnak ah fek ko u law cawpiak nan rak si bantuk khan lawmhnak chim lengmang ko u.
8 Khrih in a chuak lomi, khuachia in a chuakmi vawlei cawnpiaknak hmaan lo, vawlei nunphung timi rophung sawhsawh in ahohmanh nih in hleng hna hlah seh.
9 Zeitintiah amah ah cun taksa in Pathian sining tling cu khua a sa,
10 amah cu vawlei uknak le nawlngeihnak vialte lu a si i nannih zong amah ah cun nan tling cang.
11 Amah ah cun cuarpartan nan si, kut in tan a si lomi Khrih ah tan nan si deuh.
12 Baptisma innak ah khan amah he phum nan si, thihnak in a thawhtertu Pathian rianòuanmi zumhnak thawngin amah ah cun thawhter òhan ve nan si.
13 Nan i buarso ruang le taksa ah cuarpartan lo nan si caah nan thi, sihmanhsehlaw Khrih he an thawhter òhan hna i kan i buarsonak vialte cu a ngaihthiam cang.
14 A kan ralchantu kan leiba òialnak phung le phai in òemchihmi cu a kan hrawhpiak i vailam cung i khenh chihnak in lo ko in a lak cang.
15 Amah nih uknak le huham cu hriam ngei loin a chiah hna i zapi hmuh ah mual a phoh hna i a tei hna.
16 Cu a si caah ahohmanh nih ei le din kong le puai le thlathar le sabbath kong ah in soisel hna hlah seh.
17 Cu thil hna cu a ra laimi thladem lawng an si i a taktak tu cu Khrih ta a si.
18 Taksa nautatnak, vanmi biak awk le langhnak aa cherhchanmi, thisa ruah ningin a ruat i sullam ngei loin aa santermi hna nih nan cungah nawl ngei hna hlah seh.
19 Mah hna nih cun Lu kha fek tein an i tlaih lo. Cu Lu nih cun takpum dihlak chungah a ummi òengnge, hliah le cang a cawm i a kawmh hna i Pathian sin i òhanning in an òhang.
Cawnpiaktu Dik Lo Ralrin Peknak
20 Vawlei uknak thlarau ah Khrih he nan thi ko cang nain zeitindah vawlei ta a simi bantukin nan nun ko rih? Zeitintiah phungphai ngeimi,
21 “Tlai hlah, tep hlah, tawng hlah,” timi cu nan zulh ko rih.
22 (Hi thil hna cu hman an si cangka an lo dih ko). Cu thil hna cu minung serchommi phung le cawnpiaknak an si ko.
23 Vanmi biaknak, taksa nautatnak le taksa hremnak te hna hi fimthiam in lang ko hmanh hna seh law taksa duhnak teinak ah zei san hmanh an tlai lo