KOLOSE
Khuami Hna Sinah Paul Cakuat
1
Upat Biakchawnhnak
Pathian duhnak in Khrih lamkaltu keimah Paul le kan unau Timote nih Kolose khua i Khrih ah mithiang mi hna le zumhtlak unau hna nan sinah ca kan in kuat hna. Pathian kan Pa nih vel le daihnak in pe ko hna seh.
Nan ca i thla kan cam fate kan Bawipa Jesuh Khrih a Pa kan Pathian cu kan lawmh camcin tawn. Cucu Khrih Jesuh ah nan zumhnak le mithiang hna nan dawtnak hna kan theih ca le Van ah ruahchannak chiahpiak nan si caah a si, cucu thawngòha a dikmi bia nan theih hlanah nan hngalh cang. Nan sinah a phan i Pathian biatak in a vel cu nan theih i nan hngalh ni thawk khan vawlei pumpuluk ah thei a tlai i a òhang cang. Kan dawtmi kan òuanhawi Efras sinin nan theihmi a si. Kanmah can ah zumhtlak Khrih rianòuantu a simi nih khan Thlarau thawngin dawtnak nan ngeihmi kha a rak kan chimh.
Hi ruangah hin kan theih ni thawk in nan caah thlacam in thlarau fimthiamnak nan hngalh nakhnga le nan theihthiam nakhnga ngol loin kan hal. 10 Cucu Bawipa duhnak he aa tlakmi le amah lungtong cikcek tein nun i rian òha òuan i theitlai in Pathian hngalhnak ah nan òhan khawh nakhnga caah a si. 11 A sunparnak huham in a rami òhawnnak cun zeizong kong ah lungsau tein nan in khawhnak ding le lawmhnak thazang in pe hna seh. 12 Cuticun mithiang hna le a ceunak ah roco ve awkin a kan sertu Pathian cu lawm ko u. 13 A muimi uknak chung cun luatter in dawtnak he Fapa pennak ah cun a kan òhial lai. 14 Amah thawngin sual ngaihthiam ruangah tlanhnak kan hmuh.
15 Amah cu hmuh khawh lomi Pathian muipu, sermi thil vialte lakah fater a si. 16 Amah ah cun zeizong dihlak, van i a ummi he vawlei i a ummi he hmuh khawhmi he hmuh khawh lomi he ser an si; Bawi òhutdan le uknak le bawinak le nawlngeihnak le zeizong vialte hi amah thawngin ser an si i amah ta dingin ser an si. 17 Amah cu zeihmanh a um hlanin a um cang i zeizong vialte amah ah cun aa tlai dih. 18 Amah cu takpum lu, Khrihfabu a si. Amah cu hramthawknak a si, zeizong vialte ah hmasa bik a si khawh nakhnga thihnak in thawhter hmasa bikmi fater a si. 19 Zeitintiah amah Pathian sining tlamtling i um cu Pathian duhnak a si. 20 Khrih thawng i zeizong vialte amah ah cun remter a si i a vailam thisen thawngin vawlei i a ummi he van i a ummi hna le amah he remter an si.
21 Nannih zong hlanah cun Pathian kha nan lung in hnu nan chit i nan ralchan i thil òha lo a tuahmi cu 22 a thihnak thawngin a pumsa ah remter nan si, cucu a hmaiah a thiangmi le dotla le sawi awk um loin an chuahpi khawh hna nakhnga caah a si. 23 Cuticun nan zumhnak ah cun hmun ko u law fekte le i hninsai loin thawngòha nan theih ruangah ruahchannak nan ngeihmi kha òhial tak hlah u. Cu thawngòha cu vanrangtoi i sermi thil vialte sinah chim a si cang i keimah Paul hi òuankan ah kaa cang.
24 Nanmah ruang i ka temhnak ah hin ka tha a nuam. A pum a simi Khrihfabu caah Khrih nih a inmi hmaban cu keimah nih ka pumsa in ka banh cuahmah ko. 25 Pathian bia cu tlamtling te i thanh awkah nan caah a thiangmi rian cu fial ka si bantukin a òuankan ah kaa cang. 26 Kum saupi le chan tampi thuh a simi biakenret cu atu ah cun a mithiang mi hna sinah langhter a si cang. 27 Cu mi hna sinah cun a lianngan i a sunglawimi biakenret cu Jentail mi hna caah Pathian nih phuan a duh cu nanmah ah a ummi Khrih, a sunglawimi ruahchannak cu a si. 28 Kan phuanmi hi amah kong cu a si i Khrih ah kan tlin cio khawh nakhnga fimthiamnak phun kip in mi kip kan cawnpiak hna i ralrin kan pek hna. 29 Cu òuan awk cu ka chungah a ka pekmi thazang lianngan hmang in ka òuan i kaa zuam cuahmah ko.