1 Ka dawtle hna, cu biakam cu kan ngeih caah kan pum le kan thlarau cu thurhnawmhnak in thianh u si law Pathian òihzah in thiang taktak ko u sih.

2 Nan lungthin rak kan awnhpiak u, aho zei kan sual lo, ahohmanh kan hrawk hna lo, ahohmanh kan hleng hna lo. 3 Hihi nanmah hlawtnak ah ka chim a si lo. Zeitintiah thih òi awk le nun òi awkah kan lung chung ah nan um ko, kan ti cang hna. 4 Kan bochan ngai hna, kan chawr ngai hna i ka hna a ngam ko. Harnak phunkip he kan i lawm tuk òhiamòhiam ko.

5 Masidonia kan phanh hnu hmanh ah dinh caan kan ngei lo. A kenkip ah harnak lawngpi a si, a lengin midang he siknak le kan chungah òihphannak in kan khat. 6 Sihmanhsehlaw lungdongmi hna thazang petu Pathian nih cun Titas a rat ruangah thazang a kan pek òhan. 7 A ra phanh ruang lawng si loin nanmah nih thazang nan rak peknak a kan chimhnak nih a kan lawmhter. Zeitluk in dah hmuh nan ka duh i ka ca i nan ngaihchiatnak le nan ka òanh pengnak a kan chimh tikah ka lung aa lawm chinchin. 8 Ka cakuat khan nan ngaih in chiatter hmanh hna ning law kaa ngaichih lo; (a ter ah cun ka rak i ngaichih) ka cakuat nih nan ngaih an chiatter hna ti ka theih, asinain, caan tawite lawng a si. 9 Cuticun a si i nan ngaih a chiat ruangah si loin nan ngaihchiatnak nih nunòhinhnak an ngeihter hna ca tu ah ka lung aa lawm. Nan lungchiat kha Pathian duhning a rak si, kan tuahmi ruangah nan caah sunghnak zeihmanh a um lo. 10 Zeitintiah Pathian lei ngaihchiatnak nih cun khamhnak ah a kalpitu nunòhinhnak a chuahpi caah i ngaihchih awk a um lo, sihmanhsehlaw vawlei ngaihchiatnak nih cun thihnak a chuahpi. 11 Pathian lei ngaihchiatnak nih zeitluk in dah nan lung an thawhter hna ti kha zohhmanh u; zeitluk in dah ka palh lo tiah i thianter nan duh, zeitluk in dah nan thin an phawh hna, zeitluk in dah nan lau, zeitluk in dah nan ka ngaih, zeitluk in dah nan òan, zeitluk in dah dan nan i tat! A lam kip in nan sual lonak kha nan langhter. 12 Ca kan kuat hna ah khan ahodah a palh i aho nih dah cu palhnak ruangah cun a in ti caah ka òialmi a si lo, nan ka tlaihchan taktaknak kha Pathian hmaiah lang seh ti ka duh caah a si. 13 Cucaah cun kan hna a ngam ko. Kan hna a ngam hleiah Titas lunglawmhnak nih kan tha a kan nuamhter chinchin. A lungretheihnak ah thazang nan rak peknak kong kha a kan chimh. 14 Zeitintiah kan chawrnak hna kha a sin i ka langhter tikah ka ning a zak lo, kan in chimhmi hna paoh kha a hman bantukin Titas sin i kan chawrnak hna zong a hman taktak ko. 15 Thir le phan buin nan rak cohlan le a nawl nan ngaihning kha Titas nih a philh lo. Cucaah an tlaihchannak hna cu a fak chin lengmang ko. 16 Kan bochan taktak hna caah ka tha a nuam ngaingai ko.