1 Hruh deuh ka si hmanh ah rak ka ing ko u ti ka duh; ka ing hram ko u. 2 Khrih sinah a thiangmi mo bantuk i pek awkah Khrih cu va pakhat lawng caah kan hampiak hna. Cucaah Pathian ven in kan ven hna. 3 Rul nih a zertiannak in Eve a hlen bantukin Khrih sinah a tak le a thiangmi i peknak in nan ruahnak cu an pialter hna lai ti ka phang. 4 Zeitintiah mi pakhatkhat ra in, kan chimmi a si lomi Jesuh dang a ra chim tikah nan lawmh, nan hmuh cangmi a si lomi thlarau dang nan pom, nan cohlan cangmi a si lomi Thawngòha dang fawi tein nan cohlan ko dahngai! 5 Lamkal ngan nan timi hna nakkhan a niam deuh ah kaa ruat naisai lo. 6 Phungchim ka thiam lem lo hmanh ah hngalhnak ah cun ka niam hlei lo; zeizong ah hihi lamkip in nan sinah kan fianter tawn ko.

7 Pathian thawngòha man loin kan chimh hna i hlercawi nan si nakhnga kaa niamter hi sualnak ka tuah a rak si mu? 8 Nan lak i rianòuannak caah Khrihfabu dang sinin bawmhnak ka lak caah Khrihfabu dang ka rok hna ti khawh a si. 9 Nan sin i ka rak um lioah khan tangka in bawmh ka herh ko nain hna kan hnawh hna lo. Masidonia leiin a rami unau hna nih ka herhmi paoh cu an ka pek ko. Bawmh ka herhnak kha kan khinh hna lo i hi hnu zongah kan khinh bal hna lai lo. 10 Khrih biatak ka chung i a um caah Akhaia ram chung i a ummi vialte hmanh nih hiti kaa chimthiam hi nan ka kham kho lai lo. 11 Zeicaah? Kan dawt hna lo caah maw a si? Kan dawt hna cu Pathian nih a hngalh ko.

12 Kan òuan bantukin òuan ve i aa porhlawmi hna nih porhlawt awk an ngeih lo nakhnga ka tuah kelning in ka tuah peng ko lai 13 Zeitintiah mah mi hna khi lamkaltu deu, mi hlen hmang, Khrih lamkaltu taktak bantukin aa titertu an si. 14 Satan ko hmanh nih pei ceunak vanmi khan in aa titer kha khuaruahhar awk a si lo. 15 Cucaah Satan rianòuantu hmanh nih dinnak rianòuantu in aa titer cu thil theihtlei a si lo; an dihdonghnak cu an tuahnak he aa tuakmi a si te ko lai.

16 Ka nolh ko rih lai, ahohmanh nih a molh ah ka ruat hna hlah seh; nan ka ruah a si zongah ka ruat ko u, cucun dahkaw kei zong porhlawt awk ka ngeih lai cu! 17 Hiti ka chim tikah hin Bawipa Jesuh Khrih nawlngeihnak in ka porhlawtmi a si lo, mihrut chim in ka chim. 18 Vawlei thil ah mi tampi an i porhlawt caah kei zong kaa porhlaw ve ko lai. 19 Nannih cu nan fim caah mihrut zong lunglawm tein nan in khawh hna. 20 Pakhat nih an in sal hna, an in eihmuar dih hna, an in hlen hna, an in serhsat hna, nan hmai ah an in bengh hna zongah nan in khawh òhiamòhiam hna. 21 Cuti ti cu kan ngamh ve lo caah ka ning a zak.

Sihmanhsehlaw zei thil paoh ah mizeimaw nih aa porhlawt ahcun mihrut chim in chim ka ngamh ve ko. 22 Hebru mi an si maw? Kei zong ka si ve. Israel mi an si maw? Kei zong ka si ve. Abraham hrinthlak an si maw? Kei zong ka si ve. 23 Khrih lalang an si maw? Kei zong ka si ve, keimah hmanh ka si deuh, mihrut biachim in ka chim. Anmah nak fak deuh in rian ka òuan, thong voi tam deuh ka tla, voi tam deuh tuk ka ing, voi tam deuh thi hrulh in ka um. Fung in rel cawk lo tuk ka ing. 24 Judah nawlngeitu hna kut in voi sawm li ah voi khat bau in voi nga tiang tuk ka ing. 25 Fung in voi thum tuk ka ing, voi khat lung in an ka cheh, sangphawlawng rawk ah voi thum kaa tel, ni khat le zan khat rili ti cungah ka vuan. 26 Ka khualtlawnnak tampi ah tilian òihnak, rokhmang òihnak, ka phunhawi òihnak, Jentail mi òihnak, khuapi ah òihnak, ramcar ah òihnak, rili òihnak le unau deu hna òihnak ka ton tawn. 27 Retheihnak le rianòuan awk ruangah it loin ka um, ti le rawl zat lo le hnipuan le dornak ngei loin ka um tawn. 28 Cun thil dangdang hleiah nifa tein Khrihfabu zawnruahnak nih a ka nenh tawn. 29 Miderthawm tuarpi loin ka um bal maw? Mi an tluk tikah ka lung a fak lo maw?

30 Aa porhlaw ding ka si ahcun ka derthawmnak a langhtertu ah hin kaa porhlaw hnga. 31 Zungzal in thangòhatmi Bawipa Jesuh a Pa le a Pathian nih ka lih lo a hngalh. 32 Damaskas khua ah siangpahrang Aretas kut tang mangki nih keimah tlaih awkah Damaskas khua kha a cawngh. 33 Asinain bawm chungah an ka khumh i khua kulhnak ralhruang awng in an ka òhumh i a kut cun ka luat.