10
1 “Hmaitonh vial ah nem ngai òung, a lang tu cun puar ngai fawn,” an timi keimah Paul hrimhrim nih Khrih toidornak le nunnemnak cherhchan in kan nawl hna.
2 Thisa tuk in an nung a kan timi hna sinah cun ka puar òhawng ngai ngam ko hnga; cucaah nan sin ka rat tikah puarthau in ka rat a herh nakhnga lo kan nawl hna.
3 Vawlei ah kan um ko nain vawlei ral kan do lo;
4 zeitintiah kan hmanmi cu vawlei hriamnam a si lo i ralhruang chimhnak ah kan hmanmi cu Pathian huham a si. Alhnial kha kan hrawh.
5 Pathian hngalhnak ah ninghngal ngaiin an kan dawnhkhanhnak kha kan hrawh hna i an ruahnak phunphun kha ral bantukin kan tlaih i Khrih duhnak tu kan zulhter hna.
6 Nawl ngaimi nan si ahcun nawl ngai lomi hna dantat awkah timhcia kan si.
7 Nan mit hmuh ah a um komi hi zohhmanh u, Khrih mi ka si tiah aa lunghmuih ngaimi a um ahcun Khrih mi a si tluk in kannih zong kan si ve, ti kha vaa hngalh ko seh.
8 Nanmah hrawhhralnak caah si loin dirhòhohnak caah Bawipa nih nawlngeihnak a ka pekmi hi ka porhlawtpi deuh hmanh ah ka ning a zak lo.
9 Cakuat in ther le phang lengmang in a kan tlerh tiah ruat hlah u.
10 “A cakuat cu a puar i a hrang, asinain, amah taktak kan sin a phanh ahcun tla òimòiam tein, a biachim zong zei pipa a si lo,” an ka ti.
11 Cu bantuk mi hna nih cun hihi hngal hna seh. Kanmah tel loin ca in kan òialmi kha kaa in ka chim òhiamòhiammi a si ko.
12 Sihmanhsehlaw mah le mah aa chimthiammi hna he cun i rel chih in kan i tahchunh ngam lo. Sihmanhsehlaw anmah sumtahnak an ri an i khiah, cuticun an sum an i tah, an va hrut hringhran dah!
13 Sihmanhsehlaw kannih cu luan lakin kan i porhlaw lai lo; Pathian nih a kan thiahmi ri chungah kan um i nan sin i rian kan òuanmi zong aa tel.
14 Cu rikhiahmi chungah cun nanmah zong nan um caah Khrih thawngòha chim i nan sin kan phanh kha karhlei kan lamh a si lo.
15 Cucaah cun midang òuan ciami cungah luan lakin kan i porhlaw lo, nan zumhnak a òhan bantukin kan ram zong a kau chinchin lai tiah kan i ruahcuahmi a si.
16 Nan ram leng zongah thawngòha cu ka thanh khawh lai i midang nih an tuah ciami cungah kan i porhlaw in kan i chimthiam pek lai lo.
17 Sihmanhsehlaw Cathiang nih, “Aa porhlawmi cu Bawipa lawngah i porhlaw ko seh,” a rak ti.
18 Zeitintiah mah le mah chimthiamnak kha Pathian cohlanmi a si lo, a cohlanmi cu amah Pathian nih a chimthiammi tu kha a si.