9
1 Miluat ka si lo maw? Lamkaltu ka si lo maw? Kan Bawipa Jesuh ka hmu lo maw? Nanmah kha Bawipa ah ka òuannak kutchuak nan si lo maw?
2 Midang sinah lamkaltu ka si lo hmanh ah nannih sin tal ah cun ka si ko. Zeitintiah nannih cu Bawipa lamkaltu ka sinak cakhenh nan si.
3 Mah cucu a ka kherhlaimi hna hmaiah kaa runvennak a si.
4 Ti le rawl ah covo kan ngei ve hnga lo maw?
5 Lamkaltu dang hna le Bawipa ah kan unau hna le Sifas bantukin nupi nih zulh ve awk kan si hnga lo maw?
6 Asiloah Barnabas le keimah lawng hi maw nunnak caah rianòuan ding kan si?
7 Ahodah mah te i i cawm in ralkap a tla bal? Ahodah a theitlai ei loin mitsur dum a tuah bal? Ahodah a hnuk ding loin tuurun a khal tawn?
8 Minung ruahning in maw ka chim? Phung zong nih cuticun a chim ve ko lo maw?
9 Zeitintiah Moses phung ah cun hitihin òial a rak si: “Facang a cil liomi cawtum hmur na òem lai lo,” Pathian nih cun cawtum cu maw a zawn a ruah hnga?
10 Kanmah ca hrimhrim tu ah a chim deuh lo maw? Kanmah caah rak òialmi a si, zeitintiah leithuangpa nih hnabeiseinak he a thuan awk a si i facang ciltu zong nih a tinvo ruahchan in a cil awk a si.
11 Nan lakah thlarau thil kan cin i thilri lei nan òhathnemnak kan zun ahcun a tam tuk maw?
12 Nan sinin midang hmanh nih tinvo an in hauh hna ahcun kannih nih cun hauh chinchin awk kan si hnga lo maw?
Sihmanhsehlaw hauh khawhnak kan ngeih zongah kan in hau hna lo. Khrih thawngòha cu dawnhkhanh lo awkin zeipaoh kan in deuh hranhram.
13 Biakinn a bultawlmi hna nih biakinn in an rawl an hmuh i biakòheng a rianmi hna nih thawinak i pekchanmi ah covo an ngei ve ti nan hngal lo maw?
14 Cu bantuk òhiamòhiam cun thawngòha a thanhtu hna nih thawngòha in an nunnak an hmuh awk a si tiah Bawipa nih nawl a pek.
15 Sihmanhsehlaw kei nih cun covo kha zeihmanh ah kaa tuahnak lo, hi ka òialmi zong hi cu bantuk covo ka hmuh awkah ka òialmi a si lo. Zeitintiah ka porhlawt khawh venak sullam cu pakhatkhat nih lakkanh nakcun a thih hmanh ka thi deuh hnga.
16 Zeitintiah thawngòha bia ka chim ahcun cu nih cun porhlawt awk sullam zeihmanh a ka pe lo. Zeitintiah a herh caah ka cungah khinh a si. Thawngòha bia ka chim lo ahcun bia lo ka si ko.
17 Zeitintiah cucu keimah lungtho in ka chim a si ahcun lawmhman laksawng ka ngei hnga; sihmanhsehlaw keimah lungthawh nakin a si lo ahcun òuanvo khinh ka si deuh.
18 Ka lawmhman laksawng cu zeidah a si kun? Hihi a si ko! Ka phung chimmi ah hin thawngòha chimtu ka si ruangah ka tinvo la loin a lak tein thawngòha ka chim hi a si.
19 Mi vialte sinin luat hmanh ning law mi tam deuh ka laak khawh hna nakhnga mi vialte sal ah kaa ser.
20 Judah mi hna lak khawh dingah Judah mi hna sinah Judah mi ah kaa cang. Phung tangah a semmi hna ka lak khawhnak hna dingah phung tang i a ummi hna bantuk ah kaa cang. Keimah tu cu phung tangah cun ka um lo.
21 Phung lengah a ummi hna ka lak khawhnak hna dingah phung leng i a ummi bantuk ah kaa cang. Pathian phung ka zulh lo si loin Khrih phung tangah a ummi ka si lehlam.
22 A derthawmmi lak khawh awkah a derthawmmi ah kaa cang, mi vialte sinah zei paoh ah kaa cang, cucu a zei ti lei paoh in tlawmpal tal ka khamh khawh hna nakhnga caah a si.
23 A thluachuahnak kaa hrawm khawh nakhnga ka tuahmi paoh cu thawngòha bia ruangah a si.
24 Lek zuamnak ah cun a tlimi tampi an i zuam nain pakhat lawng nih teiman laksawng a hmuh ti nan hngal lo maw? Cucu nan hmuh nakhnga tli cio u.
25 Lente aa celhmi paoh nih cun zeipaoh ah an i sum. Cuti an tuah cu a ziam khomi pangpar òhi hmuh awkah a si, kannih tu cu a rawk kho lomi caah kan i sum.
26 Tinhmi ngei loin ka tli lo, thli a thong lengmang bantukin ka thong fawn lo;
27 sihmanhsehlaw ka pum cu ka hrem i ka tlaihkhip, cuti a si lo ahcun midang sinah phungchim lengmang òung in keimah tu ka tling lo sual hnga.